Te fundit
Si ka ndryshuar pasuria e Artan Brocit në 14 vite, anëtari i Gjykatës së Lartë deklaron 44.5 mln lekë
27 Korrik 2018, 08:00Kronika
TEMA
Artan Broci është njëherazi anëtar i Gjykatës së Lartë dhe kryetar i Këshillit të Emërimeve në Drejtësi. Ai do të përballet të premten me Komisionin e Pavarur të Kualifikimit, i cili përfaqësohet në këtë proces nga Etleda Çiftja, Xhensila Pine dhe Valbona Sanxhaktari.
Artan Broci e nisi karrierën në sistemin e drejtësisë në vitin 1996 si gjyqtar në Gjykatën e Tiranës. Ai e ushtroi funksionin pranë kësaj gjykate deri në vitin 2010, kur u promovua në Gjykatën e Apelit të Tiranës. Në prill të vitit 2013, Broci u dekretua anëtar i Gjykatës së Lartë.
Paralelisht me detyrën si gjyqtar, Broci ka qenë edhe asistent-pedagog në Fakultetin e Drejtësisë si dhe anëtar i Këshillit të Lartë të Drejtësisë. Ai është angazhuar si ekspert në disa projekte si dhe ka dhënë kontribut në reformën e drejtësisë për të miturit në Shqipëri.
Analiza e pasurisë është një ndër tre shtyllat e rivlerësimit për gjyqtarët, së bashku me kontrollin e figurës dhe vlerësimin e aftësive profesionale. Skeda grafike e mëposhtme paraqet ndryshimin e pasurisë së deklaruar të gjyqtarit Artan Broci nga viti 2003 deri në fund të vitit 2017. [Kliko për skedën në PDF]
Skeda e pasurisë së deklaruar e gjyqtarit të Gjykatës së Lartë, Artan Broci për vitet 2003-2017.
Ky raport është prodhuar nga BIRN pas administrimit të deklaratave të pasurisë së këtij subjekti nga Inspektoriati i Lartë i Deklarimit dhe Kontrolli të Pasurive dhe Konfliktit të Interesit, ILDKPKI. Ai ka për qëllim bërjen e transparencës mbi pasurinë e gjyqtarëve dhe prokurorëve që i nënshtrohen procesit të vetingut.
Të dhënat e analizuara nga BIRN tregojnë se gjyqtari Artan Broci zotëronte një pasuri familjare në vlerën e 7.2 milionë lekëve në vitin 2003-kur deklaroi për herë të parë pranë Inspektoriatit të Lartë të Deklarimit dhe Kontrollit të Pasurive.
Në fund të vitit 2017, pasuria e tij familjare është rritur me më shumë se gjashtë herë, duke kapur vlerën e 44.5 milionë lekëve.
Pasuria familjare e zotit Broci ndahet në 23 milionë lekë likujditete në bankë, 15.2 milionë lekë pasuri të paluajtshme dhe 3.9 milionë lekë kursime në cash. Ai zotëron gjithashtu automjete në vlerën 1.6 milionë lekë si dhe bizhuteri të trashëguara nga familja në vlerën e 543 mijë lekëve.
Për periudhën deklaruese 2003-2017, familja Broci ka siguruar të ardhura në vlerën e rreth 100 milionë lekëve. Paga nga funksioni i gjyqtarit përbën vetëm 17.5 për qind e totalit të të ardhurave, ndërkohë që fitimet e bashkëshortes si notere kanë qenë disa herë më të larta dhe zënë 42.5 për qind të totalit.
30.6 për qind e të ardhurave kanë si burim qeratë e pronave, 4.3 për qind fitimin nga shitblerja e pronave dhe 2.5 për qind të ardhurat nga interesat bankare.
Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/logjik të deklarimeve të subjektit si dhe “flamujt e kuq’ që identifikohen gjatë kontrollit. BIRN kreu kontrollin aritmetik/logjik për 14 vite të deklarimit dhe asnjëra prej tyre nuk rezulton me diferenca negative.
BIRN identifikoi megjithatë disa “flamuj të kuq” në këtë analizë, që lidhen me shumat e konsiderueshme të parave që mbahen jashtë sistemit bankar, fitimet e siguruara nga shitblerja e pronave apo transaksionet e kryera me një shtesë apartamenti.
Më konkretisht, në vitin 2006 gjyqtari Broci deklaron blerjen e një apartamenti me sipërfaqe 103 m2 dhe verandë 44 m2 në zonën e njohur si Shkëmbi i Kavajës në vlerën 55 140 euro. Në vitin 2010, kjo pasuri shitet për 102 mijë euro duke krijuar një fitim prej më shumë se 46 mijë eurosh.
Gjithashtu në vitin 2013, gjyqtari Broci ka deklaruar një shtesë apartamenti me sipërfaqe 65.7 metër katrorë në rrugën Don Bosko në Tiranë. Transaksionet e kryera me këtë pronë janë të paqarta, duke filluar që periudha e ndërtimit pa leje dhe kostot, kontratat e dhurimit pas legalizimit që siguruan bashkimin e pronave dhe shkëmbimin përfundimtar të saj të realizuar në vitin 2016.
Një tjetër “flamur i kuq” i identifikuar në rastin e zotit Broci lidhet me kursimet e konsiderueshme në cash, të cilat në fund të vitit 2017 kapin shifrën e 3.9 milionë lekëve pavarësisht se kufiri i lejuar nga ligji për deklarimin e pasurisë është në 1.5 milionë lekë.
Duke qënë se ky raport bazohet në të dhëna statistikore të analizuara nëpërmjet një databaze, ai nuk nxjerr përfundime mbi pasurinë e subjektit nëse ajo mbulohet me burime të ligjshme ose jo, por mëton të informojë publikun mbi pasurinë e deklaruar të zyrtarit publik nëpërmjet një formati të thjeshtë dhe të kuptueshëm grafik.
Deklarata e pasurisë së vitit 2003
Deklarata e pasurisë së vitit 2004
Deklarata e pasurisë së vitit 2005
Deklarata e pasurisë së vitit 2006
Deklarata e pasurisë së vitit 2007
Deklarata e pasurisë së vitit 2008
Deklarata e pasurisë së vitit 2009
Deklarata e pasurisë së vitit 2010
Deklarata e pasurisë së vitit 2011
Deklarata e pasurisë së vitit 2012
Deklarata e pasurisë së vitit 2013
Deklarata e pasurisë së vitit 2014
Deklarata e pasurisë së vitit 2015
Deklarata e pasurisë së vitit 2016
Deklarata e pasurisë së vitit 2017
Për më shumë dokumente vizitoni databazën tonë dokumente.reporter.al
9 komente në “Si ka ndryshuar pasuria e Artan Brocit në 14 vite, anëtari i Gjykatës së Lartë deklaron 44.5 mln lekë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Hajdut dhe xhins hajduti edhe ky plene. Do zoti ta qerojne edhe kete.
Shif e shkuaj, nuk ka nevoje fare per veting, vella me Tikun dhe zevensin e Tikut.
Nese ata qe kane ikur deri me sot kane qene cironka, ky eshte nje nga kokat e korrupsionit ne gjyqesor!!!!
Po kaloi Broci, me mire te mos funksionoje Vettingu.
Une nuk dua te di per Artan Brocin gje se çfare kane nxjerre dokumentat se dokumenti me i madh eshte ai qe Artan Broci ka bere para shqiptareve te ndershem e Shqiperise: Maskara njeri qe shfrytezoi vrasjene te vellait dhe ju ngite Sali berishes per bythe. ka bere krime me vendimet e marra dhe per keto duhet te denohet. Para ka vjedhur sa i ka dashe qejfi , por keto shteti po te doje ja sekuestron, por krimiet vendimarres nuk i shlyen dot veçse me koken e tij.
Sekser tokash qe ne vitet fund te viteve 90. Per fitoj miliona duke u dhene njerezve token qe e kishin me tapi. Edhe ky si nusja Azemit perfitoj nga vellai qe u vra dhe e promovoj pushteti
I shfaqni, e me pas i fshini komentet qe nuk i konvenojne???
p.s Ju ka mbetur numri i komenteve te postuara i ndryshem nga ai qe shfaqen, ndryshoni edhe ate.
Beni llogari dhe shpenzimet e kryera gjith kto vite mos beni llogari vetem çfar kan ne qese. Se kan dal nga 30 her jasht shtetit biletat shpenzimet per hotelet motelet Jan vite me nje konsum familjar gjigant nga kta njerez . o bëjeni llogarinë tamam ose lëreni siç ishte varin i teneqen. Merni nja pes llogaritar nga ata te vjetrit te ppshs ja qerojn ata llogarinë këtyre. Ata janë ustallar si shpëton nje çentez.
Kete laper s ka shanse ta prekin se ka vellain Hero e Pishtar, harrojeni, ky ka licence te bej si i do bytha, ashtu si ka bere deri tashti bashke me Fatmira Hajdarin, ish-bashkshorten e heroit tjeter, xhigandit Azem me bust neper albanistan.
Me duket se harru nje fakte shume te rendesishem ky qe Po i thone zotri ky ka lind nga nje familje fukarenjesh qe se kan mbush kurr barkun me buke dere qe i ka vdekur i vllaj por keni harru qe programi FIKS FARE e ka zene duke korroptuar kolegun e tij me 15000€ per qeshtjen e tezes se gruas per qeshtjen e vjedhjes se pensioneve te te vdekurve qe vazhdojne te marrin pensionin .