Te fundit
VIDEO: Firmino bën mrekullinë në "frymën e fundit", Liverpuli mposht PSG-në
18 Shtator 2018, 22:58Sport
TEMA
Liverpuli e ka nisur me “këmbën e mbarë” edicionin e ri të “Champions League” duke marrë një tre pikësh të artë përballë rivalëve më të fortë në Grupin C: PSG-në.
Të bësuarit e trajnerit gjerman, Jurgen Kloop, fituan me rezultatin e ngushtë 3-2 përballë Kampionëve të Francës, në sfidën e zhvilluar në “Anfield Road”.
Një start pozitiv për nën kampionët e këtij kompeticioni që rikonfirmuan dhe njëherë forcën e tyre në këtë start – ku pritet që të jenë sërish dhe pretendentët kryesor për të fituar këtë trofe.
Daniel Sturridge në minutën e 30-të i dha epërsinë Liverpulit duke goditur saktë me kokë brënda zonës, ndërsa vetëm pas 6-minutash James Milner shënoi golin e dytë për ekipin e tij nga pika e bardhë e 11 metërshit.
Në minutën e fundit të pjesës së parë PSG-ja zgjohet duke shkurtuar rezultatin me anë të Muunier duke i mbyllur 45-minutat e para me rezultatin 2-1.
Ashtu si pjesa e parë dhe e dyta do të ishte spektakolare ku do të shënoheshin dhe dy gola të tjerë në minutat e fundit të ndeshjes.
Kilian Mbappe barazon rezultatin në minutën e 83-të pas gjuajtjes së saktë brenda zonës, por në minutën e fundit të lojës Firmino bën mrekullin për “The Reds” duke i dhënë tre pikët e para skuadrës së tij që do të jetë një nga pretendentët kryesorë për të fituar “Championsin”.
Më poshtë do të keni mundësi të ndiqni golat e ndeshjes Liverpul-PSG dhe rezultatet e mbrëmjes së sotme. (TemA)
Club Brugge-Dortmund 0-1
Crvena Zvezda-Napoli 0-0
Galatasaray- Lokomotiva Moskës 3-0
Liverpul-PSG 3-2
Monaco-Atl. Madrid 1-2
Schalke-Porto 1-1
Barcelona-PSV 4-0
Inter-Tottenham 2-1
Golat dhe permbledhja e ndeshjes Liverpul-PSG
Goli i pare i shenuar nga Sturridge
Goli i dyte i shenuar nga Milner
Goli i trete i shenuar nga Muuenir
Goli i katert i shenuar nga Mbappe
Goli i peste i shenuar nga Firmino
Lini një Përgjigje
Më të lexuarat
24 oret e fundit
Javen e fundit
Blog Tema
