Te fundit
Bonucci: Milan ishte një gabim, një ditë dua të jem trajner i Juventusit
10 Tetor 2018, 15:28Sport
TEMA
Leonardo Bonucci, ditë pas dite, nuk e fsheh kënaqësinë që është rikthyer në Torino: “Te Juventus ka rregull dhe seriozitet, ëndrra ime është që ta stërvis në të ardhmen.” Kjo do të thotë që transferimi te Milan në verën e vitit 2017 ishte një gabim: “Vendimi ishte i vështirë për t’u marrë, por veprova në një çast zemërimi. Unë tani e kam kuptuar se instinkti mund të të dërgojë në zgjedhje të këqija”.
Bonucci, në një intervistë për Corriere dello Sport, shpjegon edhe motivin pse është i dashuruar me Juventus: “Këtu është si një familje, jam pritur sikur nuk isha larguar asnjëherë: Ndihesh si në shtëpi. Ka një mentalitet fitues “.
Fërkimet me Allegrin? “Ndodh të kesh debate të ashpra, por gjithçka sqarohet dhe vazhdohet më tej. Aftësia e tij më e madhe është inteligjenca, vetëm në këtë mënyrë mund të drejtosh një skuadër kaq të rëndësishme.”
Këtë vit synohet Champions League: “Unë do të doja të anuloja finalen e Cardiff. Drejtuesit kanë ndërtuar një ekip të fuqishëm për të realizuar këtë ëndërr. Me Cristiano Ronaldon bëhet më e besueshme. Por është gjithashtu një çështje fati, sakrifice dhe punë cilësore “.
E ardhmja në pankinë: “E kam ëndërr të behëm trajner i një ekipi të madh, me mundësi i Juventusit. Për këtë jam duke studiuar të gjitha ato që kam parë nga trajnerët që më kanë stërvitur gjatë karrierës.”
Lini një Përgjigje
Më të lexuarat
24 oret e fundit
Javen e fundit
Blog Tema
