Te fundit
Nikolla Gruevski po strehohet në vilën e kryeministrit Orban?
14 Nëntor 2018, 12:31Rajoni
TEMA
Pasi u arratis në Budapest, ku kërkoi azil politik, ish-kryeministri Nikolla Gruevski mendohet se gjendet në vilën e kryeministrit hungarez, Viktor Orban.
Lajmi bëhet i ditur nga gazetarja e televizionit 1TV, e cila po qëndron në Budapest.
Viktor Orban njihet si mbështetës dhe aleat i Nikolla Gruevskit dhe VMRO-DPMNE.
Ai e ka shprehur hapur mbështetjen ndaj partisë opozitare maqedonase gjatë periudhës që ishte në pushtet, por edhe tani në opozitë, kur vetë Orban mbërriti në Shkup në zgjedhjet e fundit lokale për të shprehur mbështetjen për VMRO-DPMNE-në.
Ish-kryeministri i Maqedonisë është dënuar me 2 vite burg për shpërdorime financiare. Ai e ka kundërshtuar vendimin, duke thënë se po përndiqet politikisht dhe se po shantazhohet për të votuar Marrëveshjen për Maqedoninë e Veriut. Gruevski është shpallur fajtor nga gjykata për blerjen e Benzit 600 mijë euro.
Mbrëmjen e së hënës, policia nuk arriti ta arrestonte Gruevskin. Policia ka dështuar disa herë në përpjekjet për ta gjetur ish-kryeministrin e dënuar.
Megjithatë, ministri i Brendshëm, Oliver Spaskovski, thotë se përgjegjësinë për këtë dështim duhet ta marrë gjykata, për shkak se nuk caktoi masën e paraburgimit. (TemA TV)
1 komente në “Nikolla Gruevski po strehohet në vilën e kryeministrit Orban?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Orban behu gati per burg me gjithe Gryevskin