Te fundit
Kur opozita e kupton se si (nuk) fitohet pushteti!
18 Nëntor 2018, 20:14Politika
TEMA
Nga Alfred Peza
Më në fund edhe opozita e sotme e Shqipërisë, e kuptoi se pushteti nuk fitohet në tavolinë. Teorikisht e ka ditur këtë, edhe para se të publikonte “Babalen” e pare. Madje edhe pasi tentontoi që të inskenonte “Babale” të tjera. E ka ditur këtë, edhe para se të zhvillonte një luftë opozitare virtuale përballë qeverisë; me konferenca shtypi, me debate televizive, me kaseta të monuara audio a video dhe me deklarata e akuza gjysëm, apo aspak të vërteta.
Opozita jonë e ka ditur se pushteti nuk fitohet në tavolinë, edhe përpara se Bujar Nishani të nguronte që ta dekretonte Fatmir Xhafën për ministër të Brendshëm. Ashtu siç e ka ditur edhe pasi ai e dha dorëheqjen për tu larguar me vullnetin e tij nga kjo detyrë. E ka ditur gjithashtu edhe përpara se Presidenti i Republikës Ilir Meta të mos e dekretonte fillimisht Sandër Lleshin për ministër të Brendshëm. Siç e ka ditur, edhe pasi ai e firmosi dekretin për emërimin e tij.
Po pse atëherë opozita jonë ka gjashtë muaj (mitingu i fundit, 26 maj 2018) që është mbyllur brenda oborrit të SHUP dhe selisë së LSI, brenda zyrave të tyre, brenda sallave të konferencave, prapa banaqeve të debateve mediatike e prapa maskave virutale të luftës online në rrjetet sociale? Pse opozita jonë ka 200 ditë të këtij viti që nuk zhvillon asnjë miting nëpër rrugë e sheshet e fshatrave, qyteteve dhe kryeqytetit tonë?
Përse opozita jonë deri 48 orë më pare, nuk po takohej më me njerëzit për ti dhënë shpresën, opsionet dhe qëndrimet e saj për ato që ajo gjykon se qeveria po i bën keq? E si të mos mjaftonin të gjitha këto, kush mund ta thotë sot me siguri të plotë se përse opozita i ka ikur jo vetëm njerëzve, terrenit e popullit opozitar por edhe Parlamentit dhe Parlamentarizmit? Përse opozita jonë nuk mer pjesë më as në mbledhjet e komisioneve parlamentare dhe as në seancat plenare të Kuvendit? Përse opozita jonë braktis sallat e takimeve ku vendosen fatet e integrimit të Shqipërisë në BE por nuk bën të njëjtën gjë kur vjen puna për tu ulur nëpër drekat dhe darkat që shtrohen atje nëpër restorantet e Brukselit?
Përse opozita jonë që betohet se nuk do të rikthehet më kurrë në sallën e “Parlamentit të krimit” dhe mandateve të fituara me anë të “bandave”, shkon në fillim të çdo muaji për të tërhequr “cik më cik”, pagat e gjithë deputetëve të saj? A është rastësi se vetëm 24 orë pasi Presidenti firmosi dekretin për ministrin e ri të Brendshëm, pas kaq kohësh Monika Kryemadhi braktisi Tiranën për të nisur takimet me anëtarësinë e LSI në Shkodër e Delvinë? E po në të njëjtën kohë, Lulzim Basha hoqi kollaren e kryeqytetit, për të veshur golfin e dimirt përballë mbështetësve të tij në Berat?
Sigurisht që nuk është rastësi. Përkundrazi. Eshtë e qartë se jemi në klonin që ndan përfundimin e strategjisë ëndërrimtare për ta rrëzuar këtë qeveri me kaseta të montuara dhe dekrete të vonuara, e për ta fituar pushtetin në tavolinë. Përpara kemi fillimin e një kufiri të ri, të një projekti të ri strategjik për ta rrëzuar këtë qeveri nëpërmjet njerëzve në terren, me vote nesër në zgjedhje.
Lulzim Basha është më i vërtetë kur bën thirrje për tu çuar e për ta rrëzuar Edi Ramën me rininë e Beratit, sesa me kasetën e Babales. Monika Kryemadhi është më e besueshme kur deklaron nga Shkodra se opozita është e aftë që ta rrëzojë Edi Ramën e të ringjalli shpresën, sesa duke pritur me sytë nga Presidenca, nëse Ilir Meta do ta firmoste apo jo dekretin për Sandër Lleshin.
Le të shpresojmë se tani që opozita jonë e kuptoi edhe praktikisht, se nuk mund ta fitojë dot pushtetin në tavolinë, do ta vijojë aksionin e saj me njerëzit dhe për njerëzit, sy më sy me ta kudo nëpër Shqipëri. Urojmë që flaka e kësaj kashte të rrijë ndezur, të paktën deri më 19 janar, atëherë kur Lulzim Bashës, Sali Berishës dhe Monika Kryemadhit i skadon afati 6 mujor për të mos iu djegur ligjërisht, mandatet e deputetit.
Nga 19 korriku i këtij viti, kur ata ishin për herë të fundit në seancën plenare të Parlamentit, ka edhe plot dy muaj kohë përpara. Nëse e mbajnë fjalën dhe nuk rikthehen më në atë sallë, atëherë do ta kuptojmë se këtë radhë, e kanë vërtetë seriozisht aksionin e ri opozitar.
7 komente në “Kur opozita e kupton se si (nuk) fitohet pushteti!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Gjithe armata mediaktike e PS eshte e shqetesuar per PD dhe situaten e saj.
Edhe vendet nordike nuk besoj te kene kete nivel altruizmi.
NIVEL ”ALTRUIZMI ”???/ Hajde koment hajde.
Konkluzioni…Peza shpreson qe opozita te djege mandatet,,,kjo eshte sipas tij opozite e vertete.Po flet si A.Bushati o Peza.Djegia e mandateve eshte nje grusht shteti i bute.Eshte njekohesisht shkaterrimi i ketij pak rendi kushtetues qe eshte ngritur ,eshte shpartallimi i reformes ne drejtesi,eshte fshirja e shpresave per hapjen e bisedimeve me BE,eshte qellimi i BERISHES,BASHES DHE METES per te mbajtur sa me larg boten e qyteteruar per ti shpetuar zbulimit dhe denimit te vjedhjeve gjigante dhe krimeve qe kane bere .Duket qe kete qellim kane edhe ajo pjese e te majtes ku ben pjese PEZA .Le te shpresojme qe RAMA te mos jete i perfshire ne kete loje te ndyre .
olimpia :: ti leme si zaberhane te hane parate e shqiptareve kur vendin e kane ne kuvend?? Ahere perse vijne pas 6 mujorit???? Te ndryshojene ligjet e kuvendit.
Do vijnë në parlament pak pa kaluar afati gjashtëmujor. Sepse mbi të gjitha i duan leket.
i bej thirje popullit qe mos ti votoje keta plera politikane qe politiken e kane biznes dhe popullin e kane lope per ta mjele u be ky gagac te japi mend
Asnje vote per bandat kriminale te PD-se , partizaneve te tepsise Like-Monika , shebekeve Tit Vasili e mosketjereve shqiptare Zhuk Kellira(Alibeaj),Nas Gerdypi (Noka),Petro Qypi(Salianj erotiku),Palokar Edi,Strazo trimi me pistolete ne… etj etj.Emrat e tyre te shuhen me boje te zeze,nese duam te rilinde e te dale ne skene nje opozite e re politike,sic propozon dhe Ibsen Elezi nga kukesi,e cila te luftoje kunder Edi Rames e partise socialiste me mjete politike dhe te jene te besueshem ne syte e popullit,e jo si keta qe jane te perlyer nga poshte e nga lart me krime,korrupsion,vjedhje pasurie,kompromise te papara etj etj.Edi Rama duhet te mundet politikisht,perpara se ai vete te vere kandidaturen per kryetar te Ballit Kombetar,ne vend te te ndjerit Mit’hat Frasheri,per te cilin ka dobesi te madhe,per turpin e tij dhe per fatkeqesine e te majteve ne shqiperi,te cilet ndjehen krenare per luften nacional clirimtare,kunder te ciles ludtoi Balli,Legaliteti dhe bashkepunetoret e tyre pushtues te shqiperise.Edi Rama,nuk ka pse te manipuloje me partine socialiste.Ka te drejte Luan Rama,kur shprehet se partizani clirimtar duhet te emerohet e te quhet “Ballisti Clirimtar” dhe kjo per merite te Edi Rames,i cili ka hapur porten perpara kundershtarit,te beje jo nje gol por sa gola te doje.Dhe kjo me cfare cmimi per te?!!!