Kontrolle të rrepta për dyqanet me fishekzjarre të rrezikshme, bllokime masive para festave të fundvitit

Në tregjet kryesore të kryeqytetit ende nuk ka nisur tregtimi i fishekzjarreve.

Por, me afrimin e festave të fundvitit dhe duke nisur që nga java e ardhshme, autoritetet thonë se nuk do lejojnë shitjen e asnjë mjeti piroteknik që përbën rrezik për jetën dhe shëndetin e qytetarëve. 

Kapsollat që janë shitur vitet e fundit në Shqipëri konsiderohen të rrezikshme për shkak të përmbajtjes së lartë të barutit dhe fuqisë shpërthyese.

Ndonëse këto ditë nuk shiten në masë, ato tregtoheshin në dy dyqane në shkelje me kriteret dhe kushtet që parashikon ligji, ndaj dhe u sekuestruan nga Policia e Tiranës, ndërsa pronarët e tyre u kallzuan në prokurori.

Edhe nga eksperimentet që policia zhvilloi me to, rezultoi se janë të afta të dëmtojnë edhe materiale të forta si metali.

Ekspertët zjarrfikës thonë se në duart e qytetarëve janë tejet të rrezikshme:

“Ne presim urdhrat dhe në bashkëpunim me Policinë Bashkiake dhe Policinë e Shtetit do i bllokojmë këto lëndë të rrezikshme. 

Këto mjete piroteknike duhet të përdoren vetëm nga pushteti lokal, bashkitë që organizojnë festat dhe jo nga qytetarët, pasi në të kaluarën kanë shkaktuar edhe dëmtime”.

Ministria e Brendshme paralajmëroi vendosjen e një regjimi të ri kontrolli për lëndët plasëse, ato shpërthyese dhe për mjetet piroteknike.

Situata aktuale ku njerëzit kanë akses lirshëm në blerjen e mjeteve piroteknike ka bërë që qeveria të tërhiqet edhe nga propozimi i bërë në paketën fiskale për heqjen e akcizës për fishekzjarret.

Në miratimin nen për nen që iu bë paketës fiskale në Komisionin e Ekonomisë, ky propozim u rrëzua nga deputetët e mazhorancës me miratimin e Ministrisë së Financave.(tch)

U shpall në kërkim nga Prokuroria, flet për herë të parë Elvana Gjata: Ndodhem jashtë vendit, ja arsyet e mia dhe koha kur do dëshmoj

16:57 Kronika

Vrasja në Bllok: Burri i Suada Sherifit u zu me partnerin e Elvana Gjatës për kokainë?

11:31 Kronika

Ekspertët rezerva për cilësinë e vetingut, progresin dhe standardet

11:21 Kronika

Sekuestrohen 20 mijë euro të falsifikuara, në pranga 37-vjeçari nga Kavaja

10:56 Kronika

“I forti” i Shkodrës Lulzim Kulla lirohet nga burgu

10:42 Kronika

Zgjidhet ngërçi: Hapet rruga për ngritjen e SPAK dhe zgjedhjen e kryeprokurorit të ri

20:01 Kronika

Ngërçi në Drejtësi: Krijimi i KLP-së, Prokuroria voton më 11 dhjetor

17:38 Kronika

LSI gjen fajtorët e protestës: Kush e lejoi futjen e kapsollave në vend? Prokuroria të hetojë Ministrinë e Brendshme

17:23 Kronika

Vrasja në Bllok, Elvana Gjata i shpëton kërkimit nga policia

17:08 Kronika

Ministria e Brendshme, masa drastike pas dëmtimit të Ina Nukës me kapsolla në protestë: Kush kapet do ndëshkohet

14:10 Kronika