Te fundit
Dëshmia tronditëse për ngjarjen e Beratit: Burri shtyu gruan të parën, pastaj u hodh vetë nga pallati 6-katësh
30 Nëntor 2018, 09:47Kronika
TEMA
“Pamë që plaku e shtyhu gruan dhe pak sekonda më vonë u hodh dhe vet”.
Kjo ka qenë dëshmia tronditëse e një prej dëshmitarëve të ngjarjes së rëndë që ndodhi sot në Berat, ku një çift bashkëshortësh u hodhën nga kati i gjashtë i një pallati.
‘BalkanWeb’ ka siguruar dëshmi të banorëve të zonës, të cilët rrëfejnë se e gjithë skena ndodhi në pak sekonda.
Duke iu referuar burimeve policore, Kujtim dhe Këze Agalliu, kishin pak muaj që ishin transferuar nga fshati Qereshnik në qytetin e Beratit, në një pallat të ri në zonën e quajtur ‘Pjeshkore’ në lagjen ‘30 Vjetori’.
Po ashtu mësohet se burri vuante nga probleme të shëndetit mendor, ndërsa merrte edhe mjekime, ndërkohë që gruaja e tij, Këzja, ishte operuar dy herë për shkak të një sëmundje të rëndë.
Burime policore për ‘BW’ bëjnë me dije se ka dyshime se ngjarja në fjalë ka qenë e planifikuar nga çifti, pasi ata nuk donin që të jetonin në qytet, por në fshatin e tyre.
Por duke qenë se fëmijët e tyre, 3 djemtë dhe vajza jetonin jashtë shtetit, çiftit iu kishin blerë një apartament dhe i kishin transferuar në Berat.
Ndonëse burrë e grua jetonin vetëm, ata kishin edhe një shërbyese, e cila ju vinte në ndihmë.
1 komente në “Dëshmia tronditëse për ngjarjen e Beratit: Burri shtyu gruan të parën, pastaj u hodh vetë nga pallati 6-katësh”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
………–,,shume gjynah..shpesh femijet nuk kuptojne prinderit ,bile dhe i kritikojne