Te fundit
Raporti i KLSH: Si firmosi Basha 4.2 milion euro paradhënie në shkelje të ligjit, për kompaninë me administratore kunatën e Fahriut
3 Dhjetor 2018, 09:47Politika
TEMA
Lulzim Basha dhe Partia Demokratike kanë zënë llogoren prej disa javësh në përpjekjen për të sulmuar qeverinë dhe dështuar projektin e Unazës së Madhe të Tiranës, rehabilitimi nga Pallati me Shigjeta tek Sheshi Shqiponja. Argumentet e Partisë Demokratike janë luhatur çdo ditë nga dega në degë por thelbi i tyre ishte akuza se ky projekt ka kaluar përmes një procedure jo të rregullt ligjore dhe se kostoja është e fryrë. Për të kuptuar se çfarë përfaqëson Lulzim Basha në raport me veprat infrastrukturore të gjithëve u mjafton shembulli i famshëm i rrugës Durrës-Kukës. Përfundoi në gjykatë si i pandehur nga Prokuroria e Përgjithshme por shpëtoi me procedura, me akrobaci dhe raporte mjekësore duke mos u gjykuar asnjëherë.
Sot është momenti për të kujtuar edhe një tjetër episod të Lulzim Bashës Ministër i Transportit dhe Punëve Publike. Në fund të Dhjetorit 2006, Lulzim Basha, Sali Berisha dhe një nënkontraktor i një filiali serbo-shqiptar i kompanisë “Alpine Bau” u shfaqën në media duke njoftuar fillimin e punimeve për aksin Levan-Vlorë. Ceremonia e bërë me ngut në fakt i shërbente vetëm fushatës elektorale të 2007.
Kontrolli i Lartë i Shtetit përmes një auditi të kryer kohë më vonë konstatoi shkelje të frikshme dhe flagrante të kryera nga Lulzim Basha. Segmenti Levan-Vlorë, do të ndërtohej me një kredi të dhënë nga BERZH, termat teknikë të cilës Kuvendi i Shqipërisë i ka miratuar në 26 Dhjetor 2007, pra gati një vit fiks pas përurimit të fillimit të punimeve nga Berisha dhe Basha. Lidhja e kontratës mes kompanisë Alpine Bau dhe qeverisë shqiptare gjithashtu rezultoi se ishte bërë më 31 Maj 2007, pra 7 muaj para vendimit të Kuvendit.KLSH konstatonte se rruga është tenderuar pa u ratifikuar marrëveshja e huasë në Kuvend, madje punimet nisën pa para.
Prokurimi i rrugës ka nisur në Korrik të vitit 2006 pas urdhrit Nr.7582, dt.19.07.2006 të nxjerr nga ministri i asaj kohe, Lulëzim Basha. Në bazë të kontratës së punimeve të ndërtimit, Drejtoria e Rrugëve duhet t’i paguajë firmës së ndërtimit vlerën prej dhjetë përqind të projektit, i cili ishte i gjithi 42 milionë euro. Pra, firma nënkontraktore ku ishte administratore kunata e Fahri Balliut duhet të merrte 4.2 milionë euro paradhënie. Këtu lind dhe problemi pasi kontrata për fillimin e punimeve është nënshkruar 7 muaj para ratifikimit nga Kuvendi të kësaj kredie me BERZH.
Berisha është investuar personalisht përmes një VKM, nr. 621, datë 24.09.2007, për pagesën e nënkontraktorit me vlerën dhjetë për qind të projektit. Pra, tre muaj para ratifikimit të kredisë, janë paguar paret nga qeveria shqiptare. Kjo është një vepër penale për të cilën Kontrolli i Shtetit gjente fajtor Lulzim Bashën, ministrin e atëhershëm të Transportit. Manovrat e Bashës dhe Berishës bënë që kompania jo vetëm të zvarriste punimet por kostoja deri në auditin e KLSH të kishte arritur në 60 milion euro nga 42 që duhet të ishte në fillim. Natyrisht, njësoj si për Durrës-Kukës, Lulzim Basha nuk është hetuar as ndëshkuar nga drejtësia ndaj sot ai i jep vetes kompetencën të bëjë jo vetëm ekspertin e rrugëve por edhe të akuzojë për shkelje afatesh, mosrespektim procedurash, fryrje kostosh etj etj.
7 komente në “Raporti i KLSH: Si firmosi Basha 4.2 milion euro paradhënie në shkelje të ligjit, për kompaninë me administratore kunatën e Fahriut”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Lul hajduti orator trim i cartur mos e caj b…. fare.E di kush eshte prokuror i kesaj dosje Ilir Meta.Ndersa gjyqtar Edvin Rama.A na kupton?Pse ti mendon se do therase SPAK u Jo mor jo.Shko mer raport tek Luri Berisha se te ka.te regjstruar ne pacientet e saj.
Ligji , dhe ç’do gjë tjetër në prokurimet publike dhe zbatimin e tyre , shkelet me të dy këmbët , sepse , nuk vendosni të parin me konkurim SUPERVIZORIN , subjekt me GARANCI të plota Pasurore dhe me GARANCI të plota Ekonomike e Tekniko Profesionale , KOMPANI me NIVEL e INTEGRITET të lartë . Vetëm kështu realizohet RREGULLI , i cili mungon dhe është elementi i vetëm , që nuk lejon abuzim , zvarritje , mungesë cilësie e siguri maksimale , si dhe kontestime pa bazë . Po ashtu ky RREGULL , i largon duart e qeveritarëve e pushtetarëve nga inspektimet e herëpasherëshme absurde , dhe korrupsioni e abuzivizmi .
Mos zbatimi i Ligjit dhe RREGULLIT ka qenë pika kyçe e abuzimit vazhdimisht nga të gjithë qeveritë e po vazhdon deri sot .
Prandaj , sidomos nga qeveritë e PD-së rrugët , shpesh u shkruajtën vetëm në letër ose mbetën përgjysëm për vite të tëra , madje të pa përfunduara . Edhe ato , që gjoja u inaguruan nga tre katër herë , e u konsideruan të kryera pa kalur 2-3 vjet u bënë përsëri për riparime e ndoshta më tepër . Pothuajse të gjithë rrugët edhe pse arrijnë të inagurohen nuk plotësojnë asnjë kusht sigurie jete , sepse në këtë aspekt , ky RREGULL i munguar , ka lënë boshllëqe pa masë . Mjerë shqiptarët , që po vriten përditë këtyre rrugëve të REALIZUARA në shkelje të ligjit , në mungesë totale të rregullit , pa SUPERVIZOR .
Keta jane bande kriminale….. Kryehajdut Luli thote kapni hajdutin……
KONSTATIMI ESHTE SHUME I DREJTE MIREPO A DO MERET KUSH NGA ORGANET E HETIMIT ME KETA BAS
TARDE QE NA KANE GRABITUR DHE PER TE MBROJTUR VETEN VIJOJNE TE BEJNE TRAZYRA TE PAKUPTIMTA. ÇESHTE MOR MO KY FAHRI BALLIU QE DUKET SI PJELLE PERBINDESHI? KAQ PA BYTHE ESHTE KJO PROKURORI QE TA MARRE PER SUME E TA NXJERRE PADA DREJTESISE? PO KY LULZIM BASHA E ÇFSHIHEN PAS TIJ PSE JANE TE IMUNIZUAR?
Askushi
Ky individ, prototipi i nje hajduti te neveritshem akoma vazhdon te tallet me shqiptaret.Deri Kur……,,,.!!!!????!?
Me trare ne syte e tij ,mundohet te gjeje qimet ne syte e te tjereve ! Ashtu e di i ziu, se cdo gje behet si ne kohen e tij .
Cfatë pret prokuroria…do më fakte për këtë koqen e kanarit që vetëm vjedh…