Amauri, ish-sulmuesi i Juventus-it, ka folur për mikrofonat e “ilbianconero” rreth ish-menaxherit të klubit bardhezi, Beppe Marota, që tashmë është bërë administratori i deleguar i Inter-it.
“Me mua nuk është sjellë mirë, por ka qenë arkitekti i sukseseve të bardhezinjve.
Tani tek Inter është një libër që nuk është shkruar ende dhe nuk e di nëse do t’ia dalë të përsërisë sukseset që pati në Torino, por me siguri do të provojë”, ka thënë Amauri.
Ai ka vazhduar të flasë edhe për mundësitë që Inter-i dhe Napoli kanë për të arritur Juventus-in:
“Sigurisht që Juve ka një avantazh të madh, siç pritej, por nuk besoj se Inter-i dhe Napoli janë dorëzuar.
Për sa kohë matematika e lejon, ata do të vazhdojnë t’i bëjnë konkurrencë bardhezinjve”.