Në vitet 2006-2007 qeveria e Sali Berishës ndryshoi rrënjësisht sistemin tatimor duke i vendosur të gjitha të ardhurat në taksim proporcional. Taksimi i të ardhurave nga pagat ndryshoi nga progresiv me tre shkallë në normë unike 10 për qind, ndërsa tatim fitimi dhe brenda dy vitesh u ul nga 23 për qind që ishte ne 10 per qind. Taksat e punëtorëve u rritën, tatimet e korporatave u ulën.

Në atë kohë askush nuk e çoi nëpër mend se Berisha ishte ulur në tavolinë dhe kishte bërë pazar me bosët e korporatave, të cilët sot në publik thirren rëndom me emrin oligarkë. Kjo do ishte e tepërt edhe për një skenar filmi fantashkencë: “Doktori që ulet bën pazar me oligarkët, të ulë 10 më jep 5”.

Ulja e taksës së dividentit merr automatikisht fuqi prapavepruese. Por, Partia Demokratike tani thotë të kundërtën. Eksponentë të lartë të PD-së po akuzojnë publikisht se ulja e tatimit mbi dividentin me fuqi prapavepruese është dhuratë për oligarkët. Në këtë situatë lind pyetja, po taksa e sheshtë 9 për qind në programin e PD-së, e cila ul jo vetëm dividentin, por edhe tatim fitimin në 9 për qind, produkt i kujt pazari është? Me këtë logjike i bie të jetë po pazar oligarkësh, madje më i madh.

E vërteta është se që nga rritja e tatimit të dividentit në vitin 2013 bizneset e mëdha nuk shpërndajnë me dividente. Ky është efekti i rritjes së taksave që shpjegon Kurba e Laferit. Por, kjo është vetëm njëra anë e medaljes.

Ana tjetër është se problemi ynë nuk është norma e taksës së dividentit, por diçka tjetër. Mungesa e një takse që detyron kompanitë ta shpërndajnë fitimin ose ta çojnë për investime. Çuditërisht askush nuk e përmend.

Në Shtetet e Bashkuara të Amerikës, kur kompanitë mbajnë fitime të pashpërndara përtej një niveli të caktuar (250 mijë dollarë), atëherë taksohen. E ashtuquajtura tax on accumulated earnings, është vënë enkas për këtë qëllim, që kompanitë të mos abuzojnë duke i lënë fitimet pafundësisht aty të pashpërndara për t’u shpëtuar taksave. Ne na duhet një taksë si kjo, si dhe na duhet të rishikojmë hapësirat që i lejojnë bizneseve të mbajmë pafundësisht dividentë të pashpërndarë në llogaritë e tyre. Kjo kërkon zgjidhje.

2 komente në “Pse e ka humbur rrugën PD-ja?”

undefined says:

23 Dhjetor, 2018 17:03 te 5:03 pm

undefined

Përgjigjjuni
Sit back and relaks■●▪ says:

23 Dhjetor, 2018 17:30 te 5:30 pm

puna eshte qe poltikat e djathta ketu tek ne i ben e majta, ajo qe duhet te jete me afer atij qe nuk ka e jo me afer barkderrit qeros qe lyen qerren e qeveris dhe pushtetarit. Sepse ne fund te fundit 90% te votave pushteti i merr prej fukarait e jo prej 10% oligrakesh e pasunaresh. Kjo tregon edhe nje here qe elektorati shqiptar kur voton nuk orinetohet prej programit ekonomiko-politiko-social te partive por prej faktoreve komplet irrilevante per te ardhmen e tyre social-ekonomike. Elektorati shqiptar udhehiqet prej inatit te momentit, prej frikes se mos voton me te keqin midis dy te keqinjve, prej interesit financiar te momentit, voton ate qe thote genjshtren me te madhe e me te bukur pamvaresisht se e di ne vetvete qe jane genjeshtra pra voton ate qe i tregon perrallen me te bukur qe te fleje rehat per 4 vjet deri kur te vije ora e perralles se rradhes. Ne jemi nje popull qe fle ne kembe dhe kur dikush tenton te na zgjoje duke na tundur sic bene studentet ne iu hakerrehemi se pse na prishin gjumin.
Naten e mire!

Përgjigjjuni