Te fundit
Kina do kalojë SHBA në vitin 2032, dy vite më vonë nga sa pritej
26 Dhjetor 2018, 20:06Ekonomia
TEMA
Qendra për Hulumtime Ekonomike dhe të Biznesit, bëri të ditur se vendet në zhvillim si Kina India dhe Brazili kanë pësuar një ngadalësim këtë vit dhe do të vonojnë në garën për të kaluar ekonomitë e zhvilluara.
Raporti për 2019-ën i quajtur “Liga Ekonomike Botërore”, dha një perspektivë më pesimiste për ekonominë krahasuar me vitin e kaluar.
“Në terma afat-mesëm, optimizmi është i njëjtë me vitin e kaluar, por rruga drejt rritjes do të jetë më e vështirë krahasuar me 12 muaj më parë”, thekson raporti, që projekton ekonomitë e 193 vendeve deri në 2033.
Kina ka gjasa të tejkalojë SHBA dhe të bëhet ekonomia më e madhe në botë në vitin 2032, apo 2 vite më vonë se sa pritej më parë, për shkak të politikave të pamjaftueshme monetare dhe kursit të ulët të këmbimit.
Brazili do të kalojë Italinë në vitin 2020 dhe jo 2018.
India do të kalojë Britaninë dhe Francën në vitin 2020, krahasuar me 2018-ën që parashikohej më parë, raporton SCAN.
Britania do të humbasë vendin si ekonomia e 6 më e madhe ndaj Francës në vitin 2019, për shkak të Brexit, por do ta rifitojë përsëri atë pozicion në vitin 2023.
Organizata projektoi gjithashtu se Irlanda do të jetë një nga ekonomitë me rritjen më të shpejtë në Eurozonë në vitin e ardhshëm, por shtoi se Brexit do të cenojë këtë projeksion.
Efekti i luftës tregtare mes 2 ekonomive më të mëdha në botë është ndjerë në tregjet globalë dhe ka penguar perspektivën e fuqizimit të tregtisë.
Rritja e volumit tregtar ka gjasa të arrijë në 2.99% këtë vit.
2 komente në “Kina do kalojë SHBA në vitin 2032, dy vite më vonë nga sa pritej”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Thjesht nje sqarim qe klasifikimi eshte bere ne baze te prodhimit te brendshem bruto .India eshte diku e 7-ta ne klasifikim por per nivelin e jeteses eshte nje nga vendet me te varfera te botes.
Lerini profkat Kina do ti afrohet ekonomise amerikane ne 2050 dhe po arriti dot