Policia aksion në Korçë, Tropojë, Berat dhe Sarandë. 7 shtetas kapen duke luajtur lojëra fati, procedohen penalisht

Policia e Shtetit vijon operacionet në të gjithë vendin në zbatim të planit të masave që po merren për evidentimin dhe ndëshkimin e atyre personave që vijojnë të ushtrojnë aktivitetin e kundërligjshëm të lojërave të fatit.

Policia bën me dije se gjatë 24 orëve të fundit janë evidentuar 4 raste dhe konkretisht në Korçë, në Tropojë, në Berat dhe në Sarandë.

Ndërkohë 7 shtetas janë proceduar penalisht për veprat penale “Organizimi i lotarive të palejuara” dhe “Vënia në dispozicion e lokaleve për lojëra të palejuara”, si dhe janë sekuestruar në cilësinë e provës materiale 3 tavolina të përshtatura për lojëra fati, 5 njësi kompjuterike me 5 monitorë, pajisje elektronike, një tavolinë pokeri etj. të cilat përdoreshin për organizimin e lotarive të palejuara.

Në Korçë 4 shtetas janë proceduar, konkretisht shtetasit: D.P, 48 vjeç, (pronari) i lokalit, si edhe shtetasit: A.P., 51 vjeç, E.S., 43 vjeç, G.A., 41 vjeç, banues në Korçë, pasi gjatë kontrollit të ushtruar në lokal në lagjen Nr. 16, të qytetit të Korçës, shtetasit e mësipërm u konstatuan duke luajtur lojëra fati.

Në Tropojë u procedua penalisht shtetasi A.H., 36 vjeç, pasi në lokalin e tij u konstatua një pajisje elektronike.

Në Sarandë është proceduar penalisht shtetasja L.Sh., 50 vjeçe pasi nga kontrolli i ushtruar në ambientet e lokalit të saj, janë gjetur 5 njësi kompjuterike me monitorë, të cilat dyshohet se përdoreshin për organizimin e lotarive të palejuara.

Në Berat u procedua penalisht shtetasi A.H., 32 vjeç, pasi në subjektin e tij u konstatua tavolinë pokeri.

Kontrollet kundër aktivitetit të lojërave të fatit do të vijojnë në gjithë vendin deri në ndëshkimin me ashpërsi të subjektit të fundit që ushtron këtë aktivitet anti-ligjor.

Policia e Shtetit fton këdo të denoncojë falas në numrin 112 ose përmes aplikacionit ‘Komisariati Dixhital’, çdo veprimtari të tillë të kundërligjshme. (TemA)

Rrëfimi i të dashurit afgan të Anxhelinës: Një javë para se ta vriste i ati, i propozova për martesë

11:39 Kronika

Babai i Anxhelinës: Më varni në shesh që të bëhem shembull

11:35 Kronika

Kontrolli rutinë në aeroportin italian zbulon vrasësin shqiptar

10:59 Kronika

Shkarkohet nga detyra kryetari i gjykatës së Sarandës Alltun Çela

09:57 Kronika

Një tjetër “kopshtar” shqiptar në telashe në Britani

21:45 Kronika

26 shqiptarë dalin para gjykatës në Francë: Akuzohen për vjedhjen e 700 stolive me vlerë 1.5 mln euro

21:00 Kronika

Luftëtarja e UFC-së masakron hajdutin

20:30 Kronika

Shoqërohen në komisariat të rinjtë që gozhduan dhe i vunë zinxhirin Politeknikut

17:55 Kronika

Hapet gara për Prokurorinë Speciale/ Zëri i Amerikës: Një hap larg hapjes së “FBI-së shqiptare”

14:18 Kronika

Tritol shtyllës së tensionit të lartë në Fushë Krujë, gjysma e vendit rrezikon të mbetet pa energji

11:41 Kronika