Shtohet zemërimi i francezëve, shkak paga e majme e organizatores së dialogut të Macron-it me “jelekët e verdhë”

Plani i presidenti Macron për një debat publik të përmasave kombëtare, pas protestës së jelekëve të verdhë, ka hasur një pengesë që në nisje. Shkak është bërë paga e zyrtares së ngarkuar për ta organizuar konsultën e gjerë me popullin.

Chantal Jouanno, ish-ministre e Sportit në qeverinë e presidentit Nikolas Sarkozi dhe kryetare e CNDP-së, një agjenci qeveritare për debatet publike, paguhet me 176 000 euro në vit, pra 14 600 euro në muaj.

Kjo ka shkaktuar zemërim te masa, duke pasur parasysh sfondin e protestave që u nxitën pikërisht nga vendimet e marra nga zyrtarë publikë të mirëpaguar, vendime të cilat kanë ndikim të drejtpërdrejtë në jetën e qytetarëve të zakonshëm, siç ishte taksa që rrit çmimin e karburantit, e anuluar pas protestave.

Jouanno, një ish-kampione kombëtare e karatesë, është përpjekur të shmangë pakënaqësinë te njerëzit.

Ajo këmbënguli se pagesa e saj nuk ka të bëjë në mënyrë specifike me diskutimet publike “të paprecedenta”, por për një detyrë më të gjerë që ajo mori vitin e kaluar, duke shtuar se ajo nuk e negocion pagën e saj, që përcaktohet nga CNDP-ja.

Propozimi i presidentit francez për tre muaj konsultime publike dhe debate me qytetarët, duke filluar nga 15 janari, ishte një hap i guximshëm, por ka rreziqet e veta. Si pjesë e procesit, qeveria është e sigurtë se do të përballet me mijëra kërkesa ambicioze dhe kontradiktore, të cilat mund të jenë në kundërshtim me taksat e saj të mëparshme dhe reformat e punës, si dhe propozimet e saj për pensionet.

Qeveria do t’i refuzojë disa sugjerime gjerësisht të njohura, të tilla si rivendosja e një takse pasurie, e cila u hoq në vitin 2017. Megjithatë, ajo premtoi se idetë e propozuara gjatë konsultimeve do të mbërrijnë në Asamblenë Kombëtare, në prill.

Nuk është ende e qartë nëse masat e propozuara do të jenë të mjaftueshme për të rralluar protestuesit që dalin në rrugët e qyteteve të mëdha çdo fundjavë.

Shumë përfaqësues të lëvizjes “Jelekët e verdhë” e kanë hedhur poshtë planin e Macron-it. Sipas zyrtarëve të sigurisë në Francë, fundjavën e kaluar 25 000 njerëz dolën në protestë, por organizatorët pretendojnë se kjo shifër është akoma më e lartë. (TemA TV)

ANALIZA: Shtetet e Bashkuara refuzojnë të luftojnë për financierët ndërkombëtarë

10:32 Bota

SHBA ka rritjen më të lartë të emetimit të dyoksidit të karbonit në tetë vjetet e fundit

10:05 Bota

Adoleshentja saudite që është nën mbrojtjen e OKB në Bankok, vazhdon të lutet për azil

17:32 Bota

Emergjencë kombëtare: Qeveria amerikane ende pjesërisht e mbyllur

17:22 Bota

Macron: Trump të sigurojë të ardhmen e kurdëve sirianë

16:35 Bota

"50-vjeçaret, tepër të vjetra për t’u dashuruar"

16:10 Bota

Erdogan kritikon Bolton: Bëre një gabim të madh, nuk i kalojmë lehtë komentet e tua për kurdët e Sirisë

15:47 Bota

Administrata e Trump "degradon" misionin e BE në SHBA

14:36 Bota

Kryeministri francez humbet durimin: Me 'jelekverdhët' do të sillemi si me huliganët në stadiume

14:09 Bota

Prangoset 20-vjeçari: Publikoi të dhënat personale të politikanëve gjermanë

13:50 Bota