Te fundit
“I shpejtë dhe vdekjeprurës, më kujton Shevën”, ish-sulmuesi i Milanit ngre në qiell Piatek
31 Janar 2019, 18:00Sport
TEMA
Blerja e Piatek nga Milani është konsideruar nga të gjithë lëvizja e duhur për sulmin. Polaku e tregoi veten që në ndeshjen e parë me dy gola të shënuar, që e kualifikuan Milanin në gjysmëfinale të Kupës së Italisë.
Për Piatek të gjithë kanë folur me superlativa. I fundit është ish-sulmuesi argjentinas i kuqezinjve, Hernan Krespo, i cili për “La Gazzetta dello Sport”, ka theksuar: “Ai është vërtet shumë i zoti. Lëviz si një sulmues inteligjent dhe ka një gjuajtje vdekjeprurëse. Nuk është e lehtë të bësh për vete publikun e “San Siros” dhe ta udhëheqësh skuadrën në ndeshjen e parë si titullar.
Duhet të kesh kurajë dhe personalitet. Ai i ka, ndaj dhe më ka impresionuar me lehtësinë, me të cilën e godet portën kundërshtare. Nuk pret asnjë sekondë, nuk i jep kohë për të ndërhyrë mbrojtësit. E ka portën në kokë, nuk ka nevojë ta shikojë. Ka gjuajtje të fortë dhe precize. Lëviz si një sulmues i madh. Milani luan me një skemë 4-3-3 të veçantë, ku qendërsulmuesi bën një repart më vete, ndërsa dy sulmuesit anësorë punojnë shumë edhe në mbrojtje.
Kjo do të thotë se Piatek duhet të mbajë gjithë peshën e sulmit i vetëm dhe ai e bën pa problem. Tomason ishte në gjendje të ndihmonte mesfushorët për të krijuar hapësira për shokun e repartit, por nuk ishte finalizues i madh. Mua, nga mënyra si gjuan dhe si çmarkohet, Piatek më kujton Shevçenkon. Fizikisht është shumë mirë, duhet të shohim akrobacinë dhe gjuajtjet me kokë për të qenë tamam si Sheva”.
Lini një Përgjigje
Më të lexuarat
24 oret e fundit
Javen e fundit
Blog Tema
