Xhaçka takon krerët më të lartë të Maqedonisë së Veriut: Anëtarësimi në NATO, siguri për Rajonin

Anëtarësimi i Maqedonisë së Veriut në NATO garanton një rajon më të sigurt.

Ministrja e Mbrojtjes Olta Xhaçka u shprehu urimet e Shqipërisë drejtuesve më të lartë të shtetit më të ri të Aleancës së Atlantikut të Veriut, gjatë një vizite zyrtare në Shkup.

Xhaçka në takimin me kryeministrin Zoran Zaev, kreun e Kuvendit Talat Xhaferri dhe homologen Shekerinska tha se me anëtarësimin e Maqedonisë së Veriut në NATO, rajoni do të jetë më i sigurtë.

“Nënshkrimi i Protokollit të Anëtarësimit në NATO nga Republika e Maqedonisë së Veriut është vërtet një moment i jashtëzakonshëm për të gjithë ne.

Nga sot, i gjithë rajoni do të jetë më i sigurt, me më shumë stabilitet, dhe unë jam e bindur, që të gjithë së bashku mund të shohim drejt së ardhmes me më shumë optimizëm”, u shpreh Ministrja Xhaçka, gjastë konferencës së përbashkët me homologen Ludmila Shekerinska.

Ministrja Xhaçka foli në deklaratën e saj edhe për kërcënime që më së shumti shteteve po u vijnë nga brenda tyre.

“Siç na tregoi edhe kalvari i vështirë që përjetoi Maqedonia e Veriut gjatë viteve të fundit, shpesh kërcënimet më të mëdha me të cilat na duhet të përballemi në punën tonë, nuk janë ato të jashtme, por ato që vijnë nga brenda.

Sepse fatkeqësisht, siç ndodhi në Maqedoninë e Veriut, e siç po ndodh sot në Shqipëri, në vendet tona ka jo rrallë forca që për interesat e tyre të ngushta, që s’kanë asgjë të përbashkët me interesat e qytetarëve apo vendeve tona, janë gati të rrezikojnë edhe stabilitetin, edhe zhvillimin, edhe të ardhmen tonë evropiane”, u shpreh më tej ministrja Xhaçka.

Ministrja e Mbrojtjes theksoi më tej:  “Unë jam besimplotë, që për aq kohë sa shumica e qytetarëve të vendeve tona besojnë tek ideali euro-atlantik dhe tek ato dëshira e ëndrra që përmenda më lart, rruga jonë drejt Europës, një rrugë që kalon përmes modernizimit të vendeve tona, e mbi të gjitha përmes vendosjes së sundimit të ligjit e drejtësisë, është e pandalshme dhe këto forca janë të destinuara të dështojnë.

Ashtu siç ndodhi në Maqedoninë e Veriut e ashtu siç do të ndodhë edhe në Shqipëri“.

Ministrja e Mbrotjes u prit edhe nga kryeministri i Maqedonisë së Veriut Zoran Zaev dhe kryetari i Kuvendit Talat Xhaferri.

Ministrja Xhaçka është ministrja e parë e vendeve të NATO-s që viziton Maqedoninë pas nënshkrimit të Protokollit të Pranimimit me Aleancën e Atlantikut të Veriut.

U akuzua për korrupsion, mori pafajësinë. Ish-kreu i burgjeve i LSI kompensohet financiarisht

16:54 Kronika

Incidenti në Tiranë, shkëputet ashensori nga kati i katërt, plagoset një vajzë

16:52 Kronika

Po kulloste bagëtitë, plagoset nga një shpërthim me eksploziv i riu. Niset me helikopter drejt Tiranës

13:37 Kronika

Përfundmi i ekspertëve: Shqiptarët lider të tregut 5 miliardë paund të kokainës në Britani

11:11 Kronika

Kreu i KLP përgjigje opozitës: Ja pse s'mund ta shkarkojmë Arta Markun

10:52 Kronika

Klement Balili përballet me akuzat: Del para Gjykatës së Krimeve të Rënda

10:36 Kronika

Skeda e pasurisë së deklaruar e ish-kreut të Gjykatës së Apelit Durrës: Ja si e rriti me 59 herë pasurinë dhe flamujtë e kuq

16:30 Kronika

EMRAT: I zuri pritë pas sherrit në një lokal në Durrës, vritet me 5 plumba 45-vjeçari

10:02 Kronika

Panik në ajër: Avioni i “Blue Panorama” mbushet me tym, bën ulje të detyruar në Rinas

09:24 Kronika

Moti i keq: Dy barinj gjenden të vdekur në stanin e bagëtive

19:14 Kronika