SHBA, mijëra fëmijë emigrant abuzohen seksualisht gjatë arrestimit të tyre

Pothuajse 5,000 ankesa për abuzim seksual dhe ngacmim të fëmijëve të emigrantëve janë dorëzuar tek autoritetet vendase të SHBA-së gjatë katër viteve të fundit, sipas dokumenteve qeveritare të publikuar këtë javë. Pretendimet variojnë nga anëtarët e personelit që kanë marrëdhënie me të mitur, dhe shfaqja e videove pornografike, dhe prekje me forcë.

Sipas dokumenteve të Departamentit të Shëndetit dhe Shërbimeve Njerëzore (HHS) të publikuara të martën në Capitol Hill nga zyra e përfaqësuesit Demokratik të Florida, Ted Deutch, raportet datojnë në tetor 2015, gjatë administratës së Obamës. Megjithatë, shumica e abuzimit seksual dhe ngacmimeve të raportuara ka ndodhur që kur Donald Trump mori detyrën.

Gjatë një seance dëgjimore të komisionit, Deutch i drejtoi dokumentet dhe e lidhi me politikën e ” tolerancës zero ” të administratës së Trump mbi emigracionin, lidhur me inkursionet e paligjshme të kufirit amerikano-meksikan. Politika, konsiderohet gjerësisht si një përpjekje e fortë nga ana e qeverisë për të dekurajuar emigracionin, rezultoi në pothuajse 3,000 fëmijë emigrantë që me forcë u ndarë nga familjet e tyre.

“Këto dokumente na dëshmojnë se kemi problem me personat e rritur dhe me punëtorët tanë, të cilët kanë kryer abuzime seksuale me fëmijë”, tha përfaqësuesi i demokratëve nga Florida, Ted Deutch.

Numri i përgjithshëm i ankesave për abuzim seksual gjatë vitit 2018 ishte 1261, 192 ankesa më shumë sesa gjatë vitit 2017. Prej tyre, 178 ankesa janë bërë kundër stafit të qendrave amerikane për imigrantët. Numri i ankesave për abuzime seksuale nga stafi ishte rritur nga 4 në shkurt të vitit të kaluar në 12 në korrik.

Raportet për abuzime seksuale të personave të mitur në qendrat e ndalimit nuk janë tragjedia e vetme që ka ndodhur në këto institucione. Dy fëmijë nga Guatemala kanë vdekur përderisa po mbaheshin të mbyllur në qendrat e ndalimit, shkruan “The Guardian”.

Zyrtarët thonë se shumica e akuzave nuk janë vërtetuar dhe po mbrojnë kujdesin që u japin fëmijëve të imigrantëve.

Çfarë nuk shkon me Danimarkën?!

20:23 Bota

Cohen pretendon se Donald Trumpi ishte në dijeni të email-eve nga WikiLeaks

19:33 Bota

ANALIZA: Franca, Gjermania dhe siguria evropiane

16:58 Bota

"Rasti" Kövesi, sinjal alarmi për Bukureshtin

16:11 Bota

Gratë që rrezikuan jetën për të dokumentuar krimet e nazizmit

15:29 Bota

BE mirëpret zgjatjen e mundshme të bisedimeve për Brexit-in

15:08 Bota

Turqia fillon manovrat më të mëdha detare në historinë e vendit

14:28 Bota

Skandalet e kishës: "NunsToo" rrëfen abuzimin e murgeshave

13:47 Bota

Çarmatimin bërthamor i Koresë së Veriut: Fillon takimi i dytë Trump-Kim

13:18 Bota

Tensione në Kashmir, rrëzohen avionë luftarakë të Pakistanit dhe Indisë

10:56 Bota