Te fundit
Solskjaer: Ky është Mançester Junajtid!
7 Mars 2019, 10:45Sport
TEMA
Ole Gunar Solskjaer e ka cilësuar pjesë të historisë së Mançester Junajtid dëshirën për të arritur rezultate të rëndësishme, si kjo përmbysje historike e ndaj PSG-së në Ligën e Kampioneve.
Trajneri norvegjez, pas ndeshjes tregoi se ekipi kishte hyrë në fushë me plan të qartë për të kërkuar golin e shpejtë ndërsa lavdëroi Rashford për qetësinë absolute që tregoi te penalltia.
“Besimi i djemve ishte ajo që shpresonim të na ndihmonte. Sigurisht që ishte një fillim i shkëlqyer i ndeshjes.
Kishim një plan për të shënuar një gol të shpejtë por të them të drejtën nuk e prisnim pas dy minutash. Por kjo e bëri ndeshjen më të hapur.
A kisha dyshime te Rashford? Sigurisht, ka gjithmonë dyshime. Me Molde humba në Ligën e Kampioneve ndaj Bazelit me një penallti të cilën e gaboi lojtari ynë në minutën e fundit.
Rashford është vetëm 21 vjeç, por nuk ishte nervoz, nuk ka frikë. Ai dhe Lukaku ishin fantastikë.
Përmbysja? Në Ligën e Kampioneve është kështu. E patë Real me Ajaksin natën e kaluar, fjalimi ynë para ndeshjes i kushtohej asaj, jam i sigurt se edhe te PSG ishte kështu.
Vitin e kaluar ishte Real Madrid me Juventus e hapur deri në fund, më parë edhe PSG me Barcelonën.
E dimë që është e mundur të bësh gjëra të tilla. Në këtë klub, kjo është ajo që bëjmë ne, ky është Mançester Junajtid!”, tha Solskjaer.
Ai u pyet edhe nëse klubi më në fund i kishte dhënë drejtimin e skuadrës për një kohë afatgjatë por norvegjezi insistoi.
“Jo, jo. Kam kontratë deri në verë. Më pas të shohim se çfarë ndodh”, tha ai.
Lini një Përgjigje
Më të lexuarat
24 oret e fundit
Javen e fundit
Blog Tema
