Te fundit
Balla: PD t’i kthejë 120 milion lekë KQZ-së, ka shkelur ligjin për kuotat gjinore
3 Prill 2019, 11:16Politika
TEMA
Kreu i Grupit Parlamentar i PS, Taulant Balla tha se financimi i dyshimtë i PD, është një alarm i madh.
Nga foltorja e Kuvendi Balli tha se PD duhet t’i paguaj KQZ 120 milion lekë, pasi nuk ka respektuar kuotën gjinore asnjë prej qarqeve të vendit.
Më tej Balla ka bërë thirrje që të plotësohen vakancat nga opozita në Komisionin e Reformës Zgjedhore.
“I kemi bërë thirrje opozitës që të plotësojë dy vendet bosh në Komisionin e Reformës Zgjedhore. Në raportin e KZZ, bie në sy një problematikë, çështja e financimit të partive politike.
Kjo është thembra e Akilit, e këtyre 28 viteve në demokraci.
Rasti i përmendur nga rasti Zguri, i financimit të dyshimta të PD, është një alarm i madh sesi ligji për financimin, nuk është ai që duhet, rrjeta për të kapur shkelësit e ligjit, dhe ne në javët në vijim, veç komisionit për reformën zgjedhore, duhet të ngremë një komision tjetër që të ndryshojë tërësisht ligjin e financimit të partive.
Sa i takon numërimit të votave, duhet të bëhet depolitizimi i komisionerëve. Jam i bindur se studentët mund ta bëjnë më mirë dhe janë më të pastër dhe korrekt në këtë proces.
Komisionit për Reformën Zgjedhore, i kërkoj të vijojnë punën me përpikmëri .
Ky parlament është legjitim, dhe të gjitha vendimet e marra janë legjitime.
Sa i takon sistemi zgjedhore, patjetër, por nuk është këto ndryshimet që votojmë sot.
PS ka vetëm një kusht, kemi 28 vjet që mbahemi gjallë nga remitancat e emigrantëve, dhe u kemi mohuar votën. Ne vetëm këtë kush kemi, që në çdo lloj ndryshimi t’u japim mundësi emigrantëve për të votuar.
Për ta ditur çdo parti që financohet nga KQZ para zgjedhjeve dhe nuk përmbush detyrimin, duhet të ktheje para mbrapsht.
Sikurse i kujtoj PD që duhet t’i ktheje KQZ 120 mln lekë sepse nuk e ka respektuar kuotën gjinore në asnjë prej qarqeve.”- tha Balla. (TemA)
Lini një Përgjigje
Më të lexuarat
24 oret e fundit
Javen e fundit
Blog Tema
