Te fundit
Pas betimit të 3 deputetëve, Lulzim Bashës i firon edhe një tjetër kandidate. PD-LSI drejt plotësimit në Kuvend
11 Prill 2019, 10:48Politika
TEMA
Kandidatja e PD në Qarkun e Gjirokastrës, Fatjona Koço Dhimitri ka dorëzuar formularin e dekriminalizimit në Komisionin Qendror të Zgjedhjeve.
Fatjona Dhimitri ka qenë e renditur në listën e Partisë Demokratike në Qarkun e Gjirokastrës me numrin 7.
Në këtë Qark PD arriti të fitojë vetëm një mandat, atë të Tritan Shehut.
Kandidatja demokrate ka dorëzuar dy ditë më parë formularin në KQZ-së dhe për rrjedhojë hapet rruga që ajo të marrë mandatin e Tritan Shehut.
Fatjona Dhimitri ka mbaruar Fakultetin e Drejtësisë në Tiranë, ndërkohë që ka punuar si avokate dhe si juriste në disa kompani private.
Ajo pritët të ulet në Parlament Bashkë me 22 deputetët e rinj që hynë nga listat e PD dhe LSI-së.
Sot u betuan tre deputetët e rinj nga PD, Korba Lita në qarkun e Tiranës, Arlind Çaçani në Korçë dhe Halil Jakimi në Dibër.
Ndërkohë një ditë më parë dorëzoi formularin edhe një kandidat tjetër nga PD, Andi Përmeti, nga listat e qarkut të Korçës, si edhe një kandidat nga lista e LSI në qarkun e Beratit, Eugen Bojaxhiu.
Burimet bëjnë me dije se edhe disa kandidatë të tjerë nga PD, kur të thirren nga KQZ, do të pranojnë të marrin mandatin e deputetit.
Ndërkohë që LSI pothuajse është plotësuar në Kuvend, drejt kësaj rruge po shkon tashmë edhe PD.
(TemA)
2 komente në “Pas betimit të 3 deputetëve, Lulzim Bashës i firon edhe një tjetër kandidate. PD-LSI drejt plotësimit në Kuvend”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ska len gomar ne permet kjo pa shkuar ne krevat
sic shihen nga listat per deputet llumi ishte ne krye dhe u bon deputet…shyqyr qe i dogjen dhe i dhan mundesine njerzve me shkolle , edhe kta te PS duhet ti zbythin ca.