Fshehën bizhuteri me vlerë 1 mln euro: Kush janë 3 shqiptarët që grabitën 66 banesa dhe ishin kthyer në tmerrin e Italisë

Në vazhdim të operacionit të policisë së Pordenone ku u arrestuan 3 shqiptarë, pasi akuzohen për vjedhjen e 66 banesave, policia ka gjetur stoli me vlerë 1 milion euro që ishin përfituar nga grabitjet.

Sipas policisë italiane, shqiptarët kanë kryer 66 vjedhje të shtëpive dhe vilave në Veri- Lindje të Italisë në periudhën nëntor 2018 deri në shkurt 2019.

Ditën e mërkurë policia ka zbuluar se banda e shqiptarëve kishte fshehur më shumë se 1.3 kilogramë stoli që kapin vlerën e 1 milionë eurove, një pistoletë, si dhe një kasafortë me municione.

Pas konfiskimit të telefonëve të tre shqiptarëve, u bë i mundur zbulimi i vendit ku fshiheshin bizhuteritë.

Më pas grupi hetimor ka ushtruar kontroll në një banesë të braktisur, si dhe në zonën e pyllëzuar që shtrihej përgjatë lumit në zonën e Coneglianese dhe Sacilese.

Policët kontrolluan në disa vende dhe zbuluan se grabitësit i kishin groposur xhevahiret dhe një pistoletë markë “Smith & Wesson Model 38”.

Ndërkohë hetimet janë duke vazhduar në mënyrë që të identifikohen pronarët e bizhuterive të vjedhura.

Zonat ku shqiptarët kanë kryer vjedhjet janë provincat e Pordenonit, Trevisos dhe Bellunos.

Në pranga kanë rënë Darjel Prushi, 27 vjeç, nga Kruja, me precedentë të mëparshëm kriminal, i cili jetonte në Conegliano në Via Kennedy; Edmod Ethemaj, i njohur si “Mondi”, 35 vjet, nga Peqini, banues po në Conegliano, edhe Nikoll “Niku” Dobrozi, 27 vjeç, nga Mamurrasi, pa një vendbanim fiks.

Mediat italiane bëjnë me dije se tre shqiptarët e arrestuar janë në burg që prej 25 prillit dhe gjatë marrjes në pyetje kanë pranuar se kanë kryer grabitjet.

Shqiptarët ishin pjesë e një organizate kriminale të mirë strukturuar, e specializuar për vjedhjet në shtëpi me zbritjen e kasafortave.

Nga verifikimet e deri më tanishme, policia ka verifikuar se janë rreth 2 milionë euro të ardhura që janë përfituar nga grabitjet e banesave dhe vilave.

Gjithashtu u verifikua se një pjesë e sendeve të vjedhura janë sjellë në Shqipëri.

Një pjesë e mirë e bizhuterive të vjedhura u janë rikthyer pronarëve të ligjshëm, vlera e të cilave kap shifrën e qindra mijëra eurove.

Plotësimi i trupës gjykuese në Apel nuk zhbllokon gjyqin ndaj Shullazit

18:47 Kronika

Shkelja e etikës dhe deklarimet e rreme të vëllait emigrant penalizuan Edison Ademin

14:39 Kronika

Masakra e Peshkëpisë, pas Fredi Belerit edhe 8 persona të tjerë në Prokurori

10:33 Kronika

Drejtori i Policisë Rrugore: Sa më shumë gjoba, aq më të kujdesshëm drejtuesit e mjeteve

09:53 Kronika

Kush është 57-vjeçari me 1 milion euro pasuri në Durrës dhe pse kishte ndryshuar identitetin?

21:45 Kronika

Aksident i rëndë në Rumani, vdes efektivi shqiptar dhe bashkëshortja e tij

20:38 Kronika

Durrës: 57-vjeçarit i sekuestrohen milion euro pasuri të paluajtshme, 30 milion lekë dhe 5.770 euro

18:31 Kronika

Rihapet dosja, Fredi Beleri merret në pyetje për masakrën e Peshkëpisë

17:48 Kronika

Nuk justifikonte dot burimet e pasurisë, Gjykata e Lartë “humbet” një tjetër anëtar

17:28 Kronika

Problemet e shumëfishta me një karburant sollën shkarkimin e kreut të Apelit të Korçës

14:44 Kronika