Shkrimi i Blid, reagon Prokuroria: Në hetimet për shitblerjen e votave janë të përfshira të gjitha forcat politike

Prokuroria e Krimeve të Rënda ka reaguar pas publikimit të përgjimeve nga gazeta gjermane “Bild”.

Në një deklaratë për median Prokuroria e Krimeve të Rënda thotë se në dosjen 339 të gjitha forcat politike janë të përfshira në shit-blerjen e votës në zgjedhjet parlamentare të vitit 2017.

“Në kuadër të këtij procedimi penal po hetohet edhe për veprat penale “Korrupsion aktiv/pasiv në zgjedhje” parashikuar nga nenet 328 dhe 328/b të Kodit Penal, pasi gjatë hetimit të procedimit penal janë konstatuar të dhëna për dyshime për përfshirje të përfaqësueve vendorë të subjekteve të ndryshme politike të gjithë spektrit politik në vend ne zgjedhjet e përgjithshme të vitit 2017 në qarkun e Durrësit dhe të Lezhës.”- thuhet në deklaratë.

Më tej  Krimet e Rënda deklarojnë se faktet e publikuara ditën e sotme në mediat dëmtojnë rëndë vijimin e ndjekjes penale të këtij procedimi penal aq më tëpër kur hetimet nga ana jonë janë intensifikuar.

Deklarata e plotë:

Prokuroria prane Gjykates Shkalles se Pare Per Krime te Renda Tirane, pasi u njoh me përmbajtjen e të dhënave të nxjerra në disa media të ndryshme sot më datë 5 Qershor 2019 për nxjerrjen e disa përgjimeve telefonike në procedimin penal nr.339/2016, njofton se:

Më datë 26.10.2018 në kuadër të procedimit penal nr 339 të vitit 2016 të regjistruar për veprat penale të “Prodhimit dhe shitjes së narkotikëve”, “Trafikimit të Narkotikëve” “Grupit të strukturuar kriminal” si dhe “Kryerjes së veprës penale nga organizata kriminale dhe grupi i strukturuar krimal”, ka regjistruar dhe hetimin për veprën penale të “Zbulimi i akteve ose të dhënave sekrete” parashikuar nga neni 295/a/3 i Kodit Penal.

Ky hetim është regjistruar pasi në disa media janë publikuar të dhëna sekrete që dëmtojnë rëndë hetimin e procedimit penal. Më datë 01.02.2019 nga ana e Drejtueses së Prokurorisë për Krime të Rënda, është vendosur që ky hetim të kryhet nga grup hetimor i përbërë nga tre prokurorë, duke i shtuar grupit hetimorë ekzistues dhe një prokuror dhe një oficer tjetër të policisë gjyqësore të Prokurorisë, për rritjen e efikasitetit të hetimit.

Ky procedim është në fazën e hetimeve paraprake. Në kuadër të këtij hetimi ju njoftojmë se po hetohen 74 persona me masa sigurimi të ndryshme, për vepra penale të “Prodhim dhe shitje të narkotikëve” “Trafikim i narkotikëve” në formën e “Grupit të strukturuar kriminal” “Kryerja e veprave penale nga organizata kriminale apo grupi i strukturuar kriminal” parashikuar nga nenet 283, 283/a, 333/a dhe 334 të Kodit Penal.

Gjithashtu në kuadër të këtij procedimi penal po hetohet edhe për vepra të tjera penale si “Korrupsioni aktiv/pasiv i funksionarëve të lartë, ose i të zgjedhurve vendorë” parashikuar nga nenet 245 dhe 260 të Kodit Penal.

Në kuadër të këtij procedimi penal po hetohet edhe për veprat penale “Korrupsion aktiv/pasiv në zgjedhje” parashikuar nga nenet 328 dhe 328/b të Kodit Penal, pasi gjatë hetimit të procedimit penal janë konstatuar të dhëna për dyshime për përfshirje të përfaqësueve vendorë të subjekteve të ndryshme politike të gjithë spektrit politik në vend ne zgjedhjet e përgjithshme të vitit 2017 në qarkun e Durrësit dhe të Lezhës.

Ju bëjmë me dije se për ushtrimin e ndjekjes penale të këtij procedimi penal për shkak të kompleksitetit të tij, janë ngarkuar 3 prokurorë dhe 10 oficerë të policisë gjyqësore të cilët po vijojnë kryerjen e veprimeve hetimore në dinamikë.

Faktet e publikuara ditën e sotme në mediat dëmtojnë rëndë vijimin e ndjekjes penale të këtij procedimi penal aq më tëpër kur hetimet nga ana jonë janë intensifikuar.

Prokuroria e Krimeve të Rënda, duke u ndodhur përpara një rasti të paprecedentë, të përsëritur të shkeljes së rëndë të ligjit njofton se po kryen me intesitet hetimet për të vënë përpara përgjegjësisë penale cilindo prokuror, oficer policie gjyqësore apo subjekte të tjera që kanë abuzuar rëndë me detyrën duke bërë publikimin e akteve përpara se të kryenin detyrën e tyre. Në vlerësimin tonë kjo është bërë me qëllim pengimin e hetimit, paragjykimin e tij si dhe komplikimin e mëtejshmë të hetimeve në këtë procedim penal.

Aktualisht njoftojmë opinionin e gjerë se Prokuroria për Krimet e Rënda Tiranë, është drejt zbardhjes së plotë të të gjitha fakteve penale dhe vënien përpara përgjegjësisë penale të autorëve të çdo vepre penale që do të konkludohet nga ana e prokurorëve se është kryer në kuadër të këtij procedimi penal ashtu sikurse nuk ka hezituar të godasë dhe subjekte të tjera të përfshirë në krimin e organizuar në kuadër të procedimeve të tjera penale. (TemA)

A po thotë të vërtetën për përgjimet, gazetari gjerman i Bild?

15:17 Politika

Vijon "furtuna" Cakaj: Shkarkohen dhe transferohen nga detyra 50 diplomatë shqiptarë

15:09 Politika

VIDEO: “Shqetësimi” i LSI për shkrimin e Bild dhe “harresa” kur eskorta e Ilir Metës kërcënonte e shantazhonte kë i dilte përpara në Lezhë ditën e zgjedhjeve

14:55 Politika

Shkrimi i 'Bild', Basha: Ndërkombëtarët hoqën çdo dyshim për pushtetin e Ramës

14:26 Politika

Shkrimi i "Bild", reagon BD: Qeveria të mbajë larg duart nga zgjedhjet e 30 Qershorit

13:45 Politika

Dëshmia e gazetarit amerikan: Pasi ‘New York Times’ publikoi dëshminë e Kosta Trebickës që faktonte përfshirjen e Shkëlzen Berishës në Gërdec, pushteti e vrau!

13:06 Politika

Pas lejes së prindërimit, rikthimi i Gjin Gjonit trazon ujërat e drejtësisë

12:21 Politika

Balla intervistë për DW: Negociatat do të çelen brenda këtij viti, jemi të gatshëm për dialog pa kushte me PD-në

12:20 Politika

RAPORTI apokaliptik për ndryshimet klimatike: Sëmundje, luftë bërthamore dhe valë të nxehti vdekjeprurës, njerëzimi mund të marrë fund brenda 2050-s

12:08 Politika

Petrit Vasili i LSI zbulon skemën si blihen votat, Shijakut i vjen në “ndihmë” Lezha: Qeveria të largohet për 24 orë

12:07 Politika