RAPORTI: Sot sulmon reformën e gjyqësorit, por ja provat se Presidenti zhyti në kaos gjykatat e vendit

Ilir Meta ka dalë tashmë hapur, jashtë kornizave të një presidenti asnjëanës duke marrë në dorë flamurin e kryeopozitarit, duke goditur me top si mazhorancën, por në mënyrë të turpshme edhe ambasadorët e vendeve aleate si Shtetet e Bashkuara të Amerikës dhe Bashkimit Europian.

Në daljet e tij të fundit, Presidenti ka përsëritur sulmet ndaj reformës në drejtësi, e cila pritet të çojë përpara llogarisë politikanë të tranzicionit si Meta dhe familjarë të tyre. Po gjatë ditës së sotme, Ilir Meta i adresoi një letër Këshillit të Lartë Gjyqësor, ku kërkonte informacion, për plotësimin e vakancave të gjyqtarëve në gjykatën e lartë.

Lëvizje të tilla në seri, që Meta ka ndërmarrë së fundmi, shtrojnë pyetjen se sa seriozisht e ka ai, kur interesohet për fatin e reformës dhe organeve të reja të drejtësisë?

Faktet dhe veprimet e dokumentuara të Metës si president, provojnë se ai jo vetëm nuk e ka seriozisht, por gjatë gjithë kohës, ai nuk ka zbatuar asnjë nga ligjet e reja të reformës në drejtësi, as nuk është impenjuar për të çuar deri në fund vlerësimin e gjyqtarëve si kryesues i KLD deri në shkrirjen e saj, e as nuk ka marrë asnjë veprim për plotësimin e vakancave të gjyqtarëve në gjykatat e vendit, kur detyra ia kërkonte ta bënte. Mosplotësimi i vakancave të gjyqtarëve do të krijonte vështirësi dhe kolaps në funksionimin e gjykatave të vendit.

Është pikërisht KLGJ që ka zbuluar kohë më parë skandalet e Këshillit të Lartë të Drejtësisë, i drejtuar nga Meta si President që prej vitit 2017.

Sipas raportit, ish-Këshilli i Lartë i Drejtësisë, nën drejtimin e Metës ka shmangur ligjin gjatë vitit 2018 duke mos vlerësuar profesionalisht gjyqtarët. KLGJ vlerëson se KLD vlerësoi vetëm 2 gjyqtarë gjatë vitit 2018.

“Neni 171, pika 1 e ligjit nr. 96/2016, parashikon se KLD duhet të përfundonte vlerësimin e gjyqtarëve të Shkallës së Parë dhe të Apelit për periudhën 2007- 2012, bazuar në rregullat ekzistuese para hyrjes në fuqi të këtij ligji. Procesi i vlerësimit të gjyqtarëve mbeti vetëm në fazën fillestare. Aktualisht ka përfunduar vlerësimi vetëm për periudhën 2007-2009, ndërkohë që nga kjo periudhë e deri më sot kanë hyrë në sistem breza të tërë magjistratësh, të cilët nuk kanë asnjë vlerësim profesional të veprimtarisë së tyre. Nga dokumentacioni që ndodhet pranë institucionit, konstatohet se ka përfunduar vlerësimi profesional dhe etik vetëm për 2 gjyqtarë gjatë vitit 2018”, thuhet në raportin e KLGJ drejtuar Kuvendit të Shqipërisë.

Raporti nxjerr zbuluar faktin se KLD e Metës shmangu marrje ne masave për gjyqtarët e kapur me shkelje të rënda, duke favorizuar kështu hapur veprimtarinë e tyre. KLGJ konstatoi numrin e lartë të kërkesave të ardhura nga Ministria e Drejtësisë në ish-KLD për të marrë masa ndaj gjyqtarëve të kapur me shkelje, të cilat Meta i injoroi, duke dhënë masa shumë të lehta për vetëm 4 gjyqtarë.

“Janë shqyrtuar kërkesat e ardhura përgjatë vitit 2017 dhe vitit 2018 nga ministri i Drejtësisë për procedim disiplinor ndaj gjyqtarëve, dhe konkretisht janë marrë në shqyrtim dhe kanë përfunduar 16 procedime disiplinore për 16 gjyqtarë, me rezultatet e mëposhtme: 12 gjyqtarë rrëzohet kërkesa e MD dhe nuk propozohet masë tjetër; 3 gjyqtarë “Vërejtje publike”;1 gjyqtar “Vërejtje konfidenciale”, theksohet në raport.

E ndërsa sot Ilir Meta i kërkon llogari KLGJ-së për vakancat në Gjykatën e Lartë, raporti provon se KLD në kohën e tij, mbylli sytë për vakancat e krijuara në gjykatat e vendit, duke mos marrë masa për transferimin apo komandimin e emrave zëvendësues.

“Gjatë veprimtarisë së KLD ka pasur vende vakante të krijuara në gjykata. Këto vakanca nuk i përkasin vetëm vitit 2018, por janë mbartur edhe nga vitet e mëparshme. Ky problem krijon vështirësi në çdo gjykatë që ekziston, por mund të krijojë kolaps në gjykatat e vogla me 4-5 gjyqtarë. Vëmendja dhe reagimi i KLGJ me masa të përkohshme është i menjëhershëm”, shkruhet në raport.

Kështu, raporti provon se vetë Ilir Meta, është një nga përgjegjësit kryesorë të situatës kaotike me gjykatat në vend. Njeriu që bërtet gjithë ditën se vendi është pa gjykata, është pikërisht presidenti që nuk u impenjua kurrë për plotësimin e vakancave në gjykatat e vendit, siç ia kërkonte ligji ta bënte.

Në këtë mënyrë, duket qartë se Ilri Meta që sot sulmon publikisht reformën në drejtësi, është përpjekur ta minojë drejtësinë e re me çdo kusht, dje duke përdorur detyrën e kreut të KLD-së, ndërsa sot kolltukun e Presidencës.

Raporti i plotë:

https://www.parlament.al/Files/Kerkese/20190528135623RAPORT%20MBI%20GJENDJEN%20E%20SISTEMIT%20GJYQESOR%20DHEVEPRIMTARINE%20E%20KESHILLIT%20TE%20LARTE.pdf

Meta i kërkon “llogari” ambasadorit të BE se përse nuk po bën dhe punën e Presidentit?!

14:31 Politika

Spiropali tallet me Metën: Baba Xhikja me dy krena e me qafore, hedh bomba mbi çdo llaxore dhe mahnit çdo fallxhore

14:25 Politika

Basha mban krahun e Metës, del kundër ndërkombëtarëve: Ne nuk i njohim votimet e 30 qershorit, ato janë nul

14:08 Politika

Balla uron Presidentin e ri të Parlamentit Europian David Sassoli

13:45 Politika

Taulant Balla: Kuvendi vijon punën normalisht për shkarkimin e Presidentit

13:24 Politika

Ngritja e komisionit hetimor për shkarkimin e Metës, Rudina Hajdari: Të shtyhet, kjo e pështjellon situatën dhe konfliktin

13:09 Politika

Përfundon procesi i numërimit, KQZ jep shifrat: Ja sa shqiptarë votuan më 30 qershor

12:35 Politika

KE nuk i ktheu vizat, Bushati: Të vazhdojmë me angazhimet tona ndaj BE-së

12:22 Politika

Ilir Meta e “mori në pyetje”, ambasadori Soreca reagon për vizat

12:20 Politika

Vendimi i KE për vizat, reagon Rama: S’u rikthyen siç predikuan lajmësit e qametit. Shqipëria s’ka shkelur asnjë kriter

12:06 Politika