Te fundit
Ambasadorja e Beogradit në Bernë sulmon historianin Oliver Jens Schmitt, i cili shkroi se Serbia më 1912 e ka pushtuar Kosovën
10 Korrik 2019, 13:46Rajoni
TEMA
Ambasadorja Snezhana Jankoviq shkruan se Serbia e ka «çliruar Kosovën» më 1912. Gjasat që reagimi i diplomates serbe do t’i bëjë përshtypje historianit zviceran janë minimale, por letra e saj dërguar gazetës «Neue Zürcher Zeitung» tregon se diplomacia serbe është tejet vigjilente dhe nuk ngurron edhe të manipulojë «në emër të interesave nacionale». Ndërkohë diplomacia kosovare sidomos në Europën Perëndimore ende nuk arrin të belbëzojë të vërtetën.
Para tri javësh profesori Oliver Jens Schmitt shkroi një artikull në gazetën zvicerane «Neue Zürcher Zeitung» pas deklaratave të kryeministres serbe për «njerëzit nga mali», siç iu referohej ajo udhëheqësve politikë të Kosovës. Schmitt, autor i biografisë së parë serioze të Skënderbeut, autor i një libri mbi historinë e Kosovës dhe i shumë punimeve e botimeve të tjera mbi çështjet shqiptare, shkroi se një pjesë e deklaratës së Ana Bërnabiçit e ka burimin në historinë e ngahershme të racizmit antishqiptar në Serbi. ky racizëm u shfaq në çerekun e fundit të shekullit të ’19, kur shteti nacional serb nisi të shtrihet në drejtim të jugut, në krahinat e Perandorisë Osmane, ku jetonin edhe serbë.
Në tekstin e tij profesori Schmitt nënvizon se edhe para pushtimit serb të Kosovës më 1912 ekzistonin imazhe raciste mbi shqiptarët si luftëtarë fisesh, të egër dhe të pakulturuar. «Pas vitit 1878 politika serbe u fokusua në Vilajetin e Kosovës me kryeqytet Shkupin, ku jetonin etni të ndryshme, por serbët ishin pakicë. Grupin më të madhe e përbënin shqiptarët sunitë. Në Serbi pretendimi ndaj Kosovës arsyetohej historikisht dhe me civilizim. Thuhej se si Serbi e Vjetër rajoni qenkësh zemra e kulturës serbe, se popullsia shumicë shqiptare paskësh ardhur aty tek vonë dhe na qenkësh në nivelin më të ulët të mundshëm kulturor. Një kryeministër serb tha se shqiptarët kanë pjesë të bishtave», nënvizoi Schmitt. Ai përmend edhe fushatën e egër të viteve ’50 për dëbimin e shqiptarëve në Turqi dhe dhunën e shfrenuar serbe në vitet ’90.
Kundër shkrimit të historianit Oliver Jens Schmitt ka reaguar në numrin e së mërkures Snezhana Jankoviq, ambasadore e Serbisë në Zvicër.
Ajo shkruan se më 1912 Serbia e ka «çliruar Kosovën», nuk e ka pushtuar, siç thotë Schmitt. Ambasadorja shkruan se Schmitt merret vetëm me shekullin e ’19 dhe injoron «800 vjet histori», sepse Kosova që në shekullin e ’12 paskësh qenë një ndër qendrat e shtetësisë, kulturës dhe fesë serbe. Jankoviq thekson se numri i shqiptarëve në Kosovë në shekullin e ’16 ishte i vogël, ardhja e tyre pasoi më vonë.
Një ndër manipulimet e shumta në letrën e diplomates serbe është edhe ky: ajo thotë se «para çlirimit të Kosovës nga Serbia» më 1912 shqiptarët zhvilluan fazën e parë të «spastrimit etnik» të serbëve. Kjo, sipas saj, ishte koncept i Lidhjes së Prizrenit, e cila synonte «Shqipërinë e Madhe».
Faza e dytë e «spastrimit etnik» të serbëve nga Kosova, sipas Jankoviq, u zhvilluar mes viteve 1941-1945 kur Kosova ishte «pjesë e projektit fashist të Shqipërisë së Madhe». Ajo shkruan se në atë kohë 80 mijë serbë u përndoqën dhe 100 mijë shqiptarë u vendosën në Kosovë – pa ofruar asnjë të dhënë për këtë. Gënjeshtra e radhës e ambasadores: deri në trazirat e marsit 2004 nga Kosova u dëbuan «mbi 220 mijë serbë dhe joshqiptarë të tjerë».
Largimi i armatës dhe policisë serbe nga Kosova më 1999 ka qenë pjesë e një «marrëveshjeje politike» dhe jo rezultat i disfatës, shkruan Jankoviq. Si qeveria e saj edhe ajo e sheh Kosovën si pjesë integrale të Republikës së Serbisë nën administrim të OKB-së. Gjasat që reagimi i diplomates serbe do t’i bëjë përshtypje historianit zviceran Oliver Jens Schmitt janë minimale, por letra e saj dërguar gazetës «Neue Zürcher Zeitung» tregon se diplomacia serbe është tejet vigjilente dhe nuk ngurron edhe të manipulojë «në emër të interesave nacionale». Ndërkohë diplomacia kosovare sidomos në Europën Perëndimore ende nuk arrin të belbëzojë të vërtetën.
3 komente në “Ambasadorja e Beogradit në Bernë sulmon historianin Oliver Jens Schmitt, i cili shkroi se Serbia më 1912 e ka pushtuar Kosovën”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mè nervozon fakti kur gazetari pa emèr luan rolin e analistit kundrejt ambasadores “Serve”Unè personalisht do t’a titulloja “Pèrse nga 1999 gjer mè sotè politika e jashtme shqiptare dhe ajo kosovare nuk punojn me tè njètjtin intesitet pèr tè bèr tè njohur Kosovèn dhe pavarsin e saj?Servèt janè mjaft tè organizuar nèpèrmjet shtetit tè vet pèr tè kritikuar çdo element shqiptar prandaj ministria e jashtme si dhe ajo Kosovès duhet tè ndryshojn strategji pèr njohjen e saj.Mos tè presim nga historian tè huaj por tè reagonte menjèher, njè shkrimtar ose poet, ambasadori shqiptar nè zvicèr bashkè atè kosovarè tè kryejn njè not proteste kundèr shtetit tè servève dhe lezbikes si kry
Ambasadore nuk mund ta zhbesh historine ajo eshte ashtu sic ka ndodhur dhe jo si ju pelqen juve serbet vet ne gadishullin ilirik kane ardhur ne shekullin e 7 e te 8 pas krishtit, si mund te kene qene para shqipatreve kur shqiptaret jane autoktone qe do te thote serbet i gjeten ne gadishullin ballkanik shqiptaret tani ne qoftese 1+1 do bej tre nje dite aq mund te ndodhi qe kosova eshte qendra e kultures serbe.. cdo gje e fese ortodokse eshte ndertuar mbi ate te krishtere qe ka qene dhe besimi i shqiptareve deri ne 1700 … keshtu edhe per sa i perket fese po flet dokrra moj ambasadore …
Asnje shkrim gazetaresk gjoja pro-shqiptar nuk e lane pro-serbizmin e deshmuar me vepra “shkencore” te Oliver Schmitt.