Te fundit
Rudi Vata: Te Skënderbeu vazhdojnë të na tregojnë përalla, UEFA i ka bërë nder futbollit shqiptar
22 Korrik 2019, 10:21Sport
TEMA
Ish-futbollisti i Vllaznisë dhe kombëtares shqiptare, Rudi Vata, ka qenë i ftuar në një lidhje direkte në emisionin “Rubrika Sportive” në “RTSH”, ku ka folur për vendimin e CAS për të mbajtur në fuqi dënimin e dhënë nga UEFA për pezullim 10-vjeçar të Skënderbeun.
Shkodrani ka komentuar dhe disa nga deklaratat e bëra nga presidenti i Skënderbeut, Ardan Takaj, në një dalje për shtyp.
“Kam folur shpesh për Skënderbeun dhe futbollin shqiptar. Ky është një futboll i korruptuar. Duke qenë të gjithë institucionet në Shqipëri janë të korruptuar, nuk ka mundësi që futbolli të jetë ndryshe.
Skënderbeu është bërë viktimë e sistemit që ndërtoi vetë. Skënderbeu u ndërtua me qëllimin që do të bëheshin të paprekshëm, por ata nuk kuptuan se futbollit është një lojë që aq sa e dhunon, aq dhunohesh më vonë.
Sponsori i Skënderbeut foli si ata politikanët shqiptarë që i thonë popullit që ne jemi burra të mirë dhe shiko çfarë kemi bërë.
Ata kanë kurajën të akuzojnë Dervishin. Dervishi për mendimin tim është një figurë që nuk ka qenë përlyer në afera korruptive.
Tani flasim për persona që flasin për historitë e Nastradinit. S’ka shqiptarë që nuk e din se çfarë ndodh me ndeshjet, shitjet e blerjet.
Vetë sistemi i futbollit është i tillë. Unë Skënderbeun nuk e urrej, por unë urrej mënyrën se si mundohen të mbulojnë gjërat e të shiten si njerëz të pastër, sikur kanë zbritur nga qielli.
U dha një dënim i paprecedentë. Këtu nuk ka asnjë reagim nga Ministria e Sportit ose kryeministri. Është diçka e frikshme.
Turp të kenë këto njerëz që në vend të reflektojnë e të marrin përgjegjësi, justifikohen. UEFA nuk të bie në qafë kot.
Janë marrë njerëz të specializuar me këtë çështje. Shqiptarët menduan se ishin të shkathët po vjen një moment që laku ngushtohet.
Unë mendoj se është një lajm i mirë për futbollin shqiptar. Futbolli duhet të ndërtohet me projekte konkrete, duhet të punohet me të rinjtë dhe duhet kohë”, tha Vata.
3 komente në “Rudi Vata: Te Skënderbeu vazhdojnë të na tregojnë përalla, UEFA i ka bërë nder futbollit shqiptar”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ik mo ti palle se ti te Tera I di. Ate qe beri Skenderbeu Ska per ta bere klub tjeter ne shqiperi se I pame sa bukur dolen prape ekipet Shqiptare ne Europe. Po CA do presesh me anti shqiptare si puna jote te gjithe ne nje vrime I bini, a thua se kur lozje ti futbolli ishte I paster si kristali.
I THU I THU PO KUJT I THU………
Duket njeriu i punes dhe qe ka arritur gjerat me merit e jo vjedhje e mashtrime. Bravo ? Rudi, ke qene nga te paret qe ke denoncuar kete sistem korruptiv qe eshte ngritur ne futboll me krye regjizor duken ne kompanin FSHF dhe aktor sederbeu and Co.