Te fundit
Edhe India në "hapësirë", anija kozmike fillon orbitimin rreth Hënës
20 Gusht 2019, 12:08Hi-Tech
TEMA
Moduli i dytë hënor i Indisë ka filluar të sillet rreth Hënës, gati një muaj pasi u ngrit nga sipërfaqja e tokës. Lajmin e kanë konfirmuar zyrtarët indianë, shkruan “BBC”.
Manovra për ta vendosur modulin në orbitën e Hënës u realizua në orën 9 e 2 minuta të së martës sipas kohës lokale.
Anija kozmike “Chandrayaan-2” u nis nga stacioni hapësinor “Sriharikota” më 22 korrik, një javë pas datës së planifikuar fillimisht për shkak të një problemi të vogël teknik.
India shpreson se misioni që i ka kushtuar 145 milionë dollarë do të jetë i pari që bën lëshim të një objekti në polin jugor të Hënës.
Fluturimi i muajit të kaluar ishte fillimi i një udhëtimi prej 384 mijë kilometrave. Shkencëtarët shpresojnë se sonda do ta prekë sipërfaqen e Hënës me 6 ose 7 shtator, ashtu siç është planifikuar.
Misioni i parë hënor i Indisë ishte realizuar në vitin 2008, por sonda nuk ishte lëshuar në sipërfaqen e Hënës. Sidoqoftë, përmes saj ishte bërë një kërkim i hollësishëm me radarë për praninë e mundshme të ujit në Hënë.
Objekti i nisur në hënë peshon plot 640 tonë dhe është i gjatë 44 metra apo sa një ndërtesë 14-katëshe. (TemA TV)
2 komente në “Edhe India në “hapësirë”, anija kozmike fillon orbitimin rreth Hënës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Indianet me realist se te tjeret, ata po dojne te shkojne ne Hene, e jo te “kthehen” ne Hene.
Seriozisht e keni? Po hena nuk eshte trup si toka.