Te fundit
Disiplina me dy standarte, fali Tiranën por masakron Vllazninë
4 Shtator 2019, 22:00Sport
TEMA
Komisioni i Disiplinës pranë FSHF-së ka publikuar vendimet e fundit në lidhje me ndeshjet e javës së tretë.
Interesant ishte dënimi që do t’i jepej Vllaznisë për shkak të katrahurës që ndodhi në ndeshjen ndaj Tiranës.
Tifozët shkaktuan ndërprerjen e ndeshjes me hedhjen e shisheve në fushën e lojës në humbjen ndaj Tiranës.
FSHF dënoi kuqeblu të me 4 ndeshje pa tifozë, ndërsa Tirana një javë më parë u dënua vetëm me 50 mijë lekë për hedhjen e shisheve në ndeshjen ndaj Teutës.
I çuditshëm dhe dënimi i Olsi Teqjes me dy ndeshje për shkak të deklaratave kundër FSHF-së.
Ai tha pas ndeshjes kundër Laçit se janë ndryshuar gjyqtarët një natë para ndeshjes.
Një dënim i tillë aplikohet për herë të parë në Shqipëri.
Vendimet e plota
1. KF “Vllaznia”, për sjellje të gabuar të spektatorëve duke shkaktuar akte dhune dhe ndërpreje të përkohëshme të lojës, në bazë të Nenit 65/3 dhe Nenit 65/4/b të KDS, dënohet me 4 (katër) ndeshja pa tifozë në fushën përkatëse.
Në zbatim të Nenit 32/3 të KDS, urdhërohet pezullimi i zbatimit të dënimit për ½ e dënimit me kusht për një periudhë 6 mujore.
2. Lojtari i KF “Kukësi”, Olsi Teqja, për publikimin e deklaratave kundër interesave të FSHF, në bazë të Nenit 10/1/d. të Statutit të FSHF dhe Nenit 18 të KDS, dënohet me pezullim nga 2 (dy) ndeshje prej aktivitetet futbollistike.
Lini një Përgjigje
Më të lexuarat
24 oret e fundit
Javen e fundit
Blog Tema
