Te fundit
Sokol Balla: Basha në fatin e vet
13 Shtator 2019, 20:45Blog
TEMA
Nga Sokol Balla
A duhet një marrëveshje me Bashën? Unë e kam një përgjigje direkte: JO!
Dhe kjo s’a lidhje me “fatvat” e Lulit, që para tetë vjetëve përballë Berishës (në pushtet) duken si lule të rralla pranvere sesa si rreshje të forta dimri. Bile s’ka lidhje as me deklaratat e Doktorit në Opinion, për “ruajtjen e sistemit aktual proporcional”, ose I vetmi sistemi ku LSI teorikisht ka mundësinë të vendosë se kush mund të qeverisë. Komuniteti ndërkombëtar të premten foli tre herë për reformën elektorale dhe ndër to, vetëm një herë u përmend Opozita e vjetër.
Ndërsa Merkel takonte Ramën në Berlin dhe i jepte lajmin për hapjen e negociatave nga pala e saj, ambasadori I saj në Tiranë takonte po të premten Rudi Hajdarin, vajzën që të gjithë e presupozojnë si Ralf Gjonin, por e cila sot ecën para me një mbështetje të fortë amerikane për ngritjen e një Opozite të Re. Subjekti? Reforma Zgjedhore. Më vonë foli edhe Soreca, një mikiI vjetër i Bashës, i cili përmendi të njëjtën reformë si pikënisjen e një dialogu edhe me opozitën jashtë Kuvendit.
Duken si gjëra të ndara, por ato lidhen në faktin se tashmë po afron afati për nisjen e reformës më të rëndësishme në vend pas asaj të Drejtësisë. Dhe alarmi ka rënë. Të gjitha partitë opozitare, përfshirë edhe Lsi, po kërkojnë marrëveshje dhe dialog (mundësisht) dhe zgjedhje me Edi Ramën kryeministër.
Kundër duket se janë Berisha, Meta dhe Bes Kallaku, por vetëm Lul Basha është I paqartë në fatin e tij. T’i thuash ulu me Ramën, I bën mirë vendit, por e varros atë dhe aksionin e tij politik (6 muaj luftë, dy muaj “ohoho”). T’i thuash mos u ul, në fakt I bën mirë atij dhe aksionit të tij as më… as më… Por i bën keq vendit teorikisht: pasi nuk ul dy palët në tavolinë prej një viti.
Po prit? A janë vërtet dy palë?
Në fakt po, por mes tyre nuk është as Basha, as Kryemadhi dhe pas pak javësh nuk do të jetë më pas Meta. Ndërkohë gati 40 deputetë të opozitës, përjashto Lefter Maliqin që sillet si Lefter Lefteri pa arsye, jo thjesht janë aty kot. Luli para se të bëjë marrëveshje me Ramën, i duhet të bëjë marrëveshje me ta, një gjë që është në kufijtë e të pamundurës. Lulit, para se të ulet me Ramën, i duhet t’i marrë “leje” Hajdarit Junior.
Dhe e vetmja mënyrë që ajo t’ja japë, është në shkëmbim të një ofiqi të lartë zyrtar në PD, psh në vend të Bardhit, çka do ta bënte vendimin, veç të tjerave, të mos dukej as misogjinik.
Por ne e dimë që kjo nuk do të ndodhë. As Rama dhe as Basha nuk kontrollojnë Opozitën Hajdari. Luli mund të bëjë marrëveshje me Maliqin, por asnjë marrëveshje tjetër me qeverinë dhe maxhorancën, nuk është në të mirën e tij. Rama, nën presionin ndërkombëtar dhe të opozitës së re, që ka votat në kuvend, do të duhej të binte dakort për ndryshimet thelbësore kushtetuese elektorale, një gjë që ai më herët nuk e ka pranuar. Por si mund të bëjë marrëveshje me Lulin, që veç Terit të Beratit, s’kontrollon dot asgjë përtej bahçes së SHQUP-it?
Prandaj për gjithë këtë situatë, ka vetëm një zgjidhje: Basha duhet lënë në fatin e vet. Ai të ndajë mendjen nëse do PD apo vetëm një zyrë të saj. Por s’ka asnjë zyrë teke që vendos dot për fatet e vendit. Koha e Hoxhëve ka mbaruar. Sido që ta sjellësh bisedën, Shqipëria bën edhe pa Bashën. Basha pa Shqipërinë, mbetet thjesht një kamarier i rëndomtë, me një diplomë e pasuri të dyshimtë.
Pazhallusta!
16 komente në “Sokol Balla: Basha në fatin e vet”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
I ke thene te gjitha Sokol Balla! Me shume prishet analiza! Te lumte pena!
Respekt per kontributin qe i jepni shoqerise shqiptare
Shkelqyer Z.Balla
Nje analize e persosur por duhet pak kohe ta vertetojm. Basha vetem kerkon por nuk jep asnje zgjidhje. Mbase e ka nga profrsioni qe ka ushtruar si kamarier (pret te mari) por haron se politika nuk eshte kafene
Bravo Koli !
Sa per Bes Kallakun… c’te them?!
Eshte bodigardi i Ilirit…
O zot, ruaje Shqiperine!
Te gjitha mire e shume mire i ke thene, por te kishe shenuar ne kete analize edhe ndonje paragraf per aleatet e Pashës jashte pd, si Noka, Duka, Sehi (Shehi desha me thene), Midiu, Dyle, te cilet jane nje ”potencial i madh demokratik”…
Nga nje ane me mire qe nuk i ke shenuar, mbasi do te mendonin se jane nje faktor ”i rendsesishem” ne ndihme te zgjatjes me tej te ”tranzicionit” shqiptar.
KOLI JE I MODH…..
Boo ca servili i peshtire ky dreq
Edhe ne demokraci , dhe ky tregohet kaq sahan-lepires
Analiz e perfekte ,urime Gaxetar Sokol Balla
Saaaaakte!!!!!!!
Po pse nuk shkruani me shpesh?
He me te lumte o Sokol.
Sokol balua, se eshte balua i Rames
IS
Pjesa më brilante në këtë në këtë shkrim, përshëndetja PAZHALLUSTA!
Analuzë që e”meriton “një “tetë”.Edhe fjalës së fundit:Pazhallusta”(që në fakt shkruhetPOZHALLUSTA e shqiptohet me A,që në rusisht do thot:Ju lutem, i ka dhënë një kuptim.Sidiqoftë,dialogu dhe jo “pazaret”,i bëjnë mirë vendit.Shqipëri,mos ki frikë,
sa t’keshë miq në Gjermanì e Amerikë.
O Sokol
Po sikur Rama te kerkoi zgjedhje te parakohshme dhe Luli merr pjese ne ato…cfare mund te beje “Rud”(po turp s’ke qe e perdor si emer lecke?) ?
Po te beje rama me lulin marrveshje…nuk do behet qameti…por shqiptaret nuk do jetojne dot me ketu.
Oh sa arsyetim i bukur dhe i logjikshëm…më pëlqeu jashtë mase..të lumtë dora dhe MËNDJA me logjikë…
Shume i sakte zoti Balla po’ ku Jena mungon ne top storia
Nuk mund te flasesh ti se je ne konflikt interesi, pass
i femijet e tu rriten me parate e vjedhura nga ish gruaja jote, e ti ben b.lepiresin.