Te fundit
Erdogan nesër viziton Serbinë, ja çështjet mbi tryezën e bisedimeve
6 Tetor 2019, 16:29Bota
TEMA
Presidenti i Turqisë, Recep Tayyip Erdoğan nesër do të vizitojë Serbinë për të marrë pjesë në takimin e dytë të Këshillit të Bashkëpunimit të Nivelit të Lartë Turqi-Serbi, transmeton Anadolu Agency (AA).
Në një deklaratë nga Kryesia e Komunikimit të Presidencës turke mësohet se në takimin e dytë të Këshillit të Bashkëpunimit të Nivelit të Lartë Turqi-Serbi që do të kryesohet nga Erdoğan dhe presidenti i Serbisë, Aleksandar Vuçiç do të marrin pjesë edhe ministra dhe zyrtartë përkatës.
Gjatë takimeve do të rishikohen në mënyrë gjithëpërfshirëse në të gjitha dimensionet marrëdhëniet dypalëshe, do të diskutohen hapat që mund të hidhen për thellimin e bashkëpunimit si dhe do të shkëmbehen pikëpamjet rreth çështjeve rajonale dhe ndërkombëtare.
Në kuadër të vizitës gjatë periudhës 7-8 tetor e cila ka një rëndësi të veçantë për shkak se do të zhvillohet në një periudhë kur festohet 140-vjetori i ndërtimit të marrëdhënieve diplomatike Turqi-Serbi, do të zhvillohet edhe Forumi i Biznesit Turqi-Serbi.
Gjatë vizitës krahas hapjes së projekteve të realiziuara në Serbi nga TIKA, planifikohet që të zhvillohen edhe ceremoni të ndryshme për inaugurime dhe hapjen e fabrikave të ngritura nga kompanitë turke.
Në kuadër të vizitës, pritet që me pjesëmarrjen e presidentit Erdoğan, presidentit serb, Vuçiç dhe kryetarit të Këshillit Presidencial të Bosnjë e Hercegovinës, Zhelko Komsiç në Beograd të zhvillohet edhe takimi i Samitit trepalësh Turqi-Bosnjë e Hercegovinë-Serbi i cili është formuar me qëllim përmirësimin e paqes dhe stabilitetit në Ballkan.
Me rastin e samitit pritet dhe pjesëmarrjen e liderëve pritet të zhvillohet edhe ceremonia e fillimit të autostradës Sarajevë-Beograd.
2 komente në “Erdogan nesër viziton Serbinë, ja çështjet mbi tryezën e bisedimeve”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
… bjer ca xhamija ketej nga Kosova dhe Shqiperia. Nuk dum fabrika, le te punojne Serbet, ne do falemi.
Mbas vizitave që realizoi Z. M Pompeo në Malin e Zi, Makedonin e Veriut dhe në Greqi me qëllim zhvillimin e mardhejeve ushtarake dhe ekonomike me këto vende, Sulltan Rexhepi e kuptoj që dy vilajetet e vogla i humbi, Greqinë e ka kundërshtar me bindje të plotë dhe keshtu vendosi që të marrë kalin dhe të shkojë në Serbi, i vetmi shtet në rajon që nuk është në NATO duke mos mare parasysh se Serbia është një vend Ortodoks si edhe Rusia që ai kujton se i ka bere shokë. Në Kosovë nuk bëhet fjalë që nuk do të shkojë dhe arsyeja dihet, nuk ka vizë kalimi në territor Amerikan. Pyetja është ç’do te beje vilajeti tjetër…….. i cili vazhdon të qëndrojë i bindur te porta e Stambollit. Do të shkëputet dhe të fitojë pavarësinë nga perandoria, apo do të presë radhën si gjithmonë i fundit dhe mbasi te jete shpërbërë perandoria. Ose mund të shkojë në aleancën Ruso Turko Serbe, Bosnjake. Paçe koke, plenci, kembe me rigon dhe piper të kuq me uthull të gjitha bashkë. Harrova hurdhrat e grira