PËRGJIMET/ “Shih çik lajmet, po lehin qentë e xhaxhait”, zbardhen bisedat e Armando Koçerrit, pjesëtarit të grupit "Habilaj"

Prokuroria ka mbyllur dosjen e Armando Koçerrit si pjesë e grupit të Habilajve duke kërkuar 15 vite burg për të, e cila nëse merret e plotë në konsideratë nga gjykata, do të konvertohet në 10 vite për shkak se ai pranoi gjykimin e shkurtuar.

Në dosjen hetimore të Prokurorisë gjenden mjaft biseda të përgjuara të Koçerrit me pjestarë të tjerë të grupit të Habilajve.

Në njërën prej tyre është një bisedë mes Florian Habilajt dhe ish-Shefit të Kufirit Sokol Bode, ndërsa në biseda të tjera Koçerri flet me motrën ku i kërkon të shohë lajmet pas një operacioni të policisë në Babicë.

Përgjimet:

Më datë 15.10.2017, ora 09:11, numri që mbaron me 777, që përdoret nga Florian Habilaj, është telefonuar nga numri që mbaron me 888, që i përket Sokol Bodes.

BISEDA 1

Bode: Alo

Habilaj: Po

Bode: Si je flori, mirë jeni?

Habilaj: Mirë, faleminderit

Bode: Sokol Bode të shqetëson

Habilaj: Po

Bode: Po vij për 10 minuta n’bazë

Habilaj: Ku të pres?

Bode: Poshtë

Habilaj: A do të vij te karburanti?

Bode: N’Çole, N’Çole

Habilaj: Hajt se po vij aty.

Më datë 16.10.2017, ora 15:31, numri që përdoret nga Artan Habilaj, ka marrë sms nga një numër që mbaron me 987 me këtë përmbajtje: Shih lajmet te “Klani”

BISEDA 2

Më datë 16:10.2017, ora 17:29 e në vazhdim, Armando Koçerri është telefonuar nga motra e tij:

Koçerri: Hë

Motra: Ç’bëtë juve, mbaruat punë

Koçerri: Pse kishe gjë apo…

Motra: Jo, ore jo, nuk kisha gjë. Ka dalë te Fokusi Qendra Babicë e Madhe, në televizor për qendrën që s’është në rregull

Koçerri: Po mirë, le të dalë

Motra: Shikoj i çik lajmet

Koçerri: Pse?

Motra: Po shikoj

Motra: Hë ore

Koçerri: Të orës tre e gjysmë

Motra: Jo, ore jo, tani të orës 5

Koçerri: Sa?

Motra: Jo ore jo, tani lajmin e fundit shikoje, hajt

Koçerri: Hë, alo

Motra: Po lehin qentë poshtë shtëpisë së xhaxhait ore

Koçerri: Ja se po vij unë, te diga jam

Motra: Ee, ndaj të mora

BISEDA 3

Në orën 21:10, Armando Koçerri është telefonuar nga Florian Habilaj

Koçerri: Hë vlla

Habilaj: Ça bën o

Koçerri: Hiç në shtëpi, ç’kemi

Habilaj: Do vish i çik nga Fredi

Koçerri: Mirë

Më datë 17.10.2017, ora 21:49, Armando Koçerri është telefonuar nga motra e tij

Koçerri: Hë

Motra: Ça bëre ti

Koçerri: Hiç

Motra: Ka njerëz poshtë te ullinjtë

Koçerri: Kush ka?

Motra: Po lehin qentë. Nuk e di a po shkulin ullinjtë apo ça po bëjnë, po ka njerëz poshtë te ullinjtë. Tani pushuan qentë

Koçerri: Shiko i herë me dritë.

Pretenca

Armando Koçerri, pjesë e grupit kriminal të Habilajve kishte rolin e magazinierit të sasisë  3978 kilogramë hashash që u sekuestruan para 2 vitesh në fshatin Babicë e Vogël të Vlorës. Prokuroria e Krimeve të Rënda kërkoi dënimin e Koçerrit me 15 vite burg, por për shkak të gjykimit të shkurtuar, i ulet 1/3 e dënimit dhe organi i akuzës kërkoi përfundimisht 10 vite burg.

Gjatë leximit të konkluzioneve përfundimtare prokurorët e çështjes u shprehen se në vitin 2017 gjatë arrestimit, infermieri Armando Koçerri kishte me vete 7 aparate celularë me të cilët mbante kontakte të vazhdueshme me bashkë të pandehurit Mojsi Habilaj, Florian Habilaj, Nazar Seiti, Sabaudin Cela.

Gjithashtu organi i akuzës relatoi se në banesën e Koçerrit është gjetur edhe një gomone në pronësi të Florain Habilajt e cila do të shërbente për të kryer trafikimin e lëndës narkotike drejt Italisë.

Prokuroria kërkoi që Koçerri të shpallet fajtorë për 4 akuza; trafikim i lëndëve narkotike i mbetur në tentativë në kuadër të grupit kriminal, grup i strukturuar kriminal, kryerje e veprave penale nga organizata kriminale dhe grup i strukturuar kriminal e armëmbajtje pa leje.

I pandehur po ironizonte prokurorët e çështjen brenda kafazit të xhamtë pas përfundimit të leximit të konkluzioneve përfundimtare. Gjykata e Krimeve të Rënda kishte vendosur me herët që të ndante procedimin e Koçerrit nga pjesa tjetër e grupit.

Armando Koçerri është i vetmi pjesëtar i grupit të Habilajve që ndodhet në bankën e të akuzuarve të drejtësisë shqiptare, pasi 8 anëtarë e tjerë të grupit po vuajnë dënimin në Itali.

Seanca u zhvillua pa pranin e kamerave pasi togat e zeza kanë pranuar kërkesën e të pandehurit për të mos u filmuar për shkak të problemeve që kanë shfaqur fëmijët e tij të mitur. Gjykata e Krimeve të Rënda në seancën e 7 Nëntorit do të dëgjojë argumentin e mbrojtjes dhe pritet të japë vendimin për Armando Koçerrin.

Moska zyrtare sulmon qeverinë shqiptare dhe deputetin socialist: Po trillojnë histori false ndaj nesh

18:18 Politika 1 koment

“Këshilla” e munguar e Albinit, për Lulzim Bashën!

18:01 Politika

Ervin Bushati flet mbi rezolutën për financimet e huaja: Garanton proces të pastër zgjedhor, kemi indicie dhe fakte që janë në prokurori

18:00 Politika

ANALIZA: Çfarë "fshihet" pas dëbimit të John Bolton

17:39 Politika

FOTOT/ Zbulohet koleksioni i rrallë i konteshës suedeze: Shqiptarët autoktonë në Greqi, Peloponez dhe Selanik

16:43 Politika

Cakaj: Merret vendimi për hapjen e misionit të posaçëm të Shqipërisë në Kiev

15:42 Politika

Grida Duma del kundër Bashës: Presim listat e hapura me padurim, kandidatët që janë me peshë për t’u zgjedhur nga qytetarët të zgjidhen po nga ata

15:27 Politika

Berisha kërcënon se do të përsërisë "Gërdecin": O Kajmakun ose zhduket Vora!

13:39 Politika

“Ç’i di demokratet delfinë akuariumi”, Kulluri sulmon Bashën: Ndaje mendjen, o s’ka zgjedhje pa kod të ri zgjedhor, ose futesh në zgjedhje

13:19 Politika

Çuni i Fari Balliut "rrëzohet" në Apel, bën kërcënimin që ka një vit që përsërit: Opozita s'ndalet, përplasja do jetë e madhe

13:18 Politika