Te fundit
Alvini në Romë, Lleshaj nga Italia: Rama dhe Conte e ndoqën drejtpërdrejt operacionin. Po e përdorim politikisht për të dhënë një mesazh
8 Nëntor 2019, 10:12Politika
TEMA
Ministri i Brendshëm Sandër Lleshaj ka qenë sot bashkë me aktorë të tjerë të rëndësishëm në Romë për të folur për operacionin e shpëtimit dhe largimit të 11-vjeçarit shqiptar Alvin Berisha nga Siria.
Lleshaj falënderoi të gjithë ata që ndihmuan në këtë operacion, për të cilin tha se u ndoq drejtpërdrejt nga kryeministri italian Giussepe Conte dhe kryeministri shqiptar Edi Rama.
Ai pranoi se kjo ngjarje po përdoret politikisht duke dhënë edhe mesazhin e tij të fortë që terrorizmi dhe ekstremizmi nuk kanë vend në shoqërinë tonë.
“Gjithçka erdhi pas takimit të dy kryeministrave Conte e Rama në Romë, operacioni u ndoq nga ata të dy drejtpërdrejt. Aspekti diplomatik përfshiu dy ambasadat në Romë dhe ambasadën italiane në Bejrut.
Ka pasur një aspekt të rëndësishëm policor ku janë angazhuar policitë e dy vendeve dhe së fundmi por jo nga rëndësia ka qenë aspekti humanitar ku janë angazhuar Kryqi i Kuq ndërkombëtar dhe Gjysmëhëna e kuqe.
Nuk dua të hyj në detaje të operacionit por kam ardhur për të shprehur mirënjohjen e qeverisë shqiptarë për të gjithë aktorët e përfshirë. Së pari, për autoritetet policore të Italisë e Shqipërisë, për presidentin e Kryqit të Kuq italian e Ndërkombëtar dhe presidentit të Gjysmëhënës së kuqe siriane.
Po ashtu dua të përshëndes autoritetet diplomatike që u përfshinë në këtë operacion. Ishin autoritetet libaneze që mbështetën me gjithë kapacitetet e tyre operacionin në terren.
Rasti ka marrë një vëmendje të madhe dhe natyrisht lind pyetja nëse po përdoret politikisht. Dhe unë them po.
Po e përdorim politikisht për të dhënë disa mesazhe të rëndësishme që duhet të vlejnë si eksperiencë pas këtij operacioni. Alvin Berisha është një nga ato rastet që duhet të na tregojë se terrorizmi, ekstremizmi nuk duhet të ketë vend në shoqëritë tona”, deklaroi Lleshaj.
“Edhe një herë faleminderit, për mbështetjen e jashtëzakonshme që mundësohet që një djalë i ri shqiptar dhe italian të kthehet i lirë për të vazhduar jetën në liri”, theksoi ministri i Brendshëm shqiptar.
3 komente në “Alvini në Romë, Lleshaj nga Italia: Rama dhe Conte e ndoqën drejtpërdrejt operacionin. Po e përdorim politikisht për të dhënë një mesazh”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ju lumte! Ja vlejti angazhimi total I te gjithe ketyre faktoreve politik dhe humanitare per te shpetuar nje femije te pafajshem viktime te çmendurise terroriste.Ju lutem mos harroni ato dhjetra te tjere te bllokuar atje.
Bravo z. Minister, ishim mesuar me ministra qe shoqeronin “mallin” me ne fund kemi nje qe shpeton femijet.
Na mungojne shume Noka, Tahiri, Nishani…pse nuk i dergoni ne kampin e Alvinit se u ben mire per shendetin.
Komandant toge ngele o Sander.Fain e ka K.Lushaj qe te dergoje ne Gjermani.Po qenke pyke fare more trim.Ministri shkon dora vete, pika ne byth per minister qe je.Sander je plastelin dhe cadra Edit.