Debati për “Kushtetuesen”, reagon Fatmir Xhafaj: Duhet axhendë serioze për zbatimin e Reformës në Drejtësi

Ish Kryetari i Komisionit të Posaçëm për Reformën në Sistemin e Drejtësisë, Fatmir Xhafaj ka reaguar në lidhje me debatin e krijuar në Gjykatën Kushtetuese.

Përmes një postimi në rrjetin social Twitter, Xhafaj argumenton se cilat janë shkeljet e presidentit Ilir Meta lidhur me dekretimin dhe betimin e Marsida Xhaferllarit si anëtare e Gjykatës Kushtetuese.

Ndërkohë, ai rekomandon se nevojitet një axhendë serioze për zbatimin e reformës në drejtësi.

Deputeti socialist shprehet se “Në bindjen time znj.Xhaferllari nuk mund të jetë anëtare e Gjykatës Kushtetuese. Nuk plotëson kushtet dhe kriteret për të qenë e tillë. Votimi klientelist dhe lidhjet shoqërore brenda KED e përfshinë në listë ish Kryeinspektoren e KLD së vjetër që degradoi sistemin”.

Ndër të tjera Xhafaj shkruan:

“Kur arsyeja mungon, fryma dhe gërma e kushtetutës lexohen keq, duhet reagim. Kryesorja me mekanizma politikë, por edhe me veprime të mirëmenduara ligjore, institucionale dhe gjyqësore. Nëse duhet ka edhe precedentë e ekspertizë ndërkombëtare. Zbatimi i Reformës kërkon axhendë të qartë veprimi, angazhim e përgjegjshmëri dhe kryesorja objektivitet e paanshmëri. Situata e koklavitur, jo për faj të kushtetutës e ligjit, por gabimeve në zbatim. Pasojë e mendjeve të nxehta e qëllimkëqija. Kushtetuta që Presidenti e ka votuar, por nuk e ka shkruar, është produkt i Ekspertizës më të mirë vendase e SHBA, Europës dhe Gjermanisë. Opinioni i Komisionit të Venecias ka theksuar qartë domosdoshmërinë e afateve dhe mekanizmave zhbllokues. Partnerët bashkëhartues të kushtetutës e ligjit të Gjykatës Kushtetuese duhet të reagojnë qartë. Presidenti, sipas meje, në këtë rast nuk ka të drejtë. Ka nxjerrë një dekret të paligjshëm në tejkalim të afatit ligjor. Nuk të bën betimi gjyqtare, por kushtetueshmëria e zgjedhjes nga organi që e gëzon këtë të drejtë, me afatet e procedurën e duhur”, nënvizon Xhafaj i cili shton se:

“Në bindjen time znj.Xhaferllari nuk mund të jetë anëtare e Gjykatës Kushtetuese. Nuk plotëson kushtet dhe kriteret për të qenë e tillë. Votimi klientelist dhe lidhjet shoqërore brenda KED e përfshinë në listë ish Kryeinspektoren e KLD së vjetër që degradoi sistemin. Në web e Gjykatës Kushtetuese znj.Tusha ka botuar listën e anëtarëve të rinj! Pyetja është kë të besojmë, znj.Tusha n/kryetare të KED që ka shpallur znj.Vorpsi fituese apo znj.Tusha gjyqtare që nuk respekton as vendimin e organit që drejton. Në cilin kuorum të Gjykatës Kushtetuese u bazua kjo vendimmarrje?”, përfundon Xhafaj.(TemA)

Ish ministri i LSI: Meta nuk e shpërndan dot Parlamentin, kërcënon kot për të goditur Ramën

13:20 Politika

"Kemi dëgjuar se fle vetëm gjumë", Basha kapet me fermerët në Divjakë: Në pushtet vetëm me program, ja pse kam hequr dorë nga protestat

13:15 Politika

Militanti i PD ia thotë hapur kreut të opozitës: Kam dëgjuar se kryetari Basha fle gjumë

13:12 Politika

"Çlirimi i Tiranës", Braçe "thumbon" opozitën: Për pak pushtet po i shpallin luftë ndërkombëtarëve

11:52 Politika

FOTOT: U mbajtën sekret për 45 vjet në arkivin e ish-Komitetit Qëndror të PPSH-së, këto janë fotot e panjohura të Ballit Kombëtar gjatë Luftës

08:59 Politika

"Kushtetuesja", Topi nxjerr bllof Metën: Zgjidhja do vijë nga ndërkombëtarët

21:59 Politika

Vasili i LSI i jep një "dorë" Metës: Të diskutosh me Edi Ramën, si t’i japësh ilaçe një të vdekuri

21:45 Politika

Zbardhet drafti francez: Negociatat, 7 faza zëvendësojnë 35 kapitujt

21:10 Politika

FOTO LAJM: Niveli parlamentar? Mbi 200 gabime drejtshkrimore në 200 fjalë tekst

20:42 Politika

Halli të bën t'i harrosh të gjitha, surprizon presidenti Meta: Thërret Soros-in në takim për të diskutuar për Kushtetuesen

20:19 Politika