“Tryezë me PS”, Paloka i përgjigjet Ramës në emër të Bashës: Shqiptarët nuk duan një kryeministër që i mbush ditët me shfaqje të shëmtuara

Nënkryetari i Partisë Demokratike, Edi Paloka, ka reaguar pas deklaratës së Ramës në rrjetet sociale dhe ftesës së ripësëritur ndaj Bashës për tryezë të përbashkët.

Përmes një postimi në “Facebook”, ai thotë se në ditën e 13 pas tërmetit, shqiptarëve nuk u duhet një foto Rama-Basha rreth një tryeze, por ndihmë dhe ndëshmkim të fajtorëve për situatën e krijuar.

Paloka thotë se po të triumfojë ligji mbi partinë, për Thumanën dhe Durrësit në burg do të shkonin Artur Bushi dhe Vangjush Dako.

Sipas tij, Edi Rama nuk mund ta mbulojë dështimin e tij me thirrje hipokrite.

Postimi i plotë i Palokës:

Në ditën e 13-të pas tërmetit, ajo që ju duhet shqiptarëve nuk është pasurimi i albumit fotografik propagandistik i Edi Ramës me Lulzim Bashën në një tryezë.

Ajo që kanë nevojë shqiptarët është një qeveri e përgjegjshme, një kryeministër që nuk e mbush ditën me shfaqje te shëmtuara me fatkeqët. Shqiptarëve nuk i duhet një kryeministër që shfrytëzon fatkeqësinë për të nxjerrë nga sirtari projektet me PPP korruptive për të pasuruar klientët e tij mbi gërmadhat e vdekjes.

Shqiptarët duan ndihmë për njerëzit në nevojë. Shqiptarët meritojnë transparencë dhe përgjegjësi para ligjit për fajtorët.

Po të triumfojë ligji mbi partinë, të parët që shkojnë në burg janë ata që lejuan banorët të futen në pallatet e Thumanës të çertifikuara të pabanueshme pas tërmetit të 21 shtatorit, nga Artur Bushi te qeveritarët e Tiranës.

Po të triumfojë ligji mbi partinë, Gjush Dako në vend që të ri-emërohet dhe të ngarkohet për zhdukjen e letrave live në ERTV, e të shoqërojë Ramën në Turqi, duhet të ishte në burg për masakrën urbane në Durrës, që është bërë me firmën e tij dhe me betonin e tij.

Edi Rama nuk mund ta mbulojë dështimin e tij me thirrje hipokrite. Ai duhet të mbajë përgjegjësi për dështimet e njëpasnjëshme që çuan në viktima dhe vuajtje pa fund.

Pse emergjencat civile nuk kishin mjetet e duhura për të përballuar fatkeqësinë natyrore?

Pse i bëri lekët për paisje emergjencash, gaz helmues për popullin, dhe milionat për qen kërkimi, ushqim për babëzinë e qenveritarëve të korruptuar.

Pse nuk i heq 10 oligarkëve të tij 150 milionë dollarë të taksave të shqiptarëve që t’ua kalojë ato njerëzve në nevojë.

Shqiptarët tani ka nevojë për vepra dhe jo për llogje. Në vend të lotëve të krokodilit, shqiptarët kërkojnë siguri nga një qeveri që di dhe ka vullnet t’i zgjidhë problemet e tyre.

Deri tani në lartësinë e kërkesave të shqiptarëve është vetëm Lulzim Basha. Në këto 10 ditë, ai ka ofruar 2 plane për kapërcimin e shpejtë të fatkeqësisë: Planin e Emergjencës për banesat e dëmtuara dhe Planin për Rimëkëmbjen e Biznesit të prekur nga tërmeti.

Zgjidhjet e propozuara Edi Rama i ka mbi tryezë. Por si përherë atij nuk i intereson zgjidhja por shfaqja, nuk i interesojnë njerëzit por pushteti dhe paraja

Vajza e ish-kryeministrit australian: Babai më kërkoi të mbaja të fshehtë përdhunimin, mos t’i dëmtoja karrierën

17:04 Politika

Pasojat e tërmetit, Rama kërkon sërish bashkëpunimin e Bashës: Refuzimi i tryezës gabim i madh

16:50 Politika

VIDEO: "S’mund të flasësh për mjaltin, pa e prekur me buzë", Rama tregon detaje nga takimi me Erdogan

14:22 Politika

"8 Dhjetori", Basha: Të kalojmë këtë situatë të vështirë si një familje e madhe, pastaj të çlirojmë Shqipërinë nga kthetrat e korrupsionit

14:22 Politika

Erdogan: Për 6 muaj deri në një vit do kemi ndërtuar 500 banesat për të prekurit nga tërmeti

14:22 Politika

"8 dhjetori", Veliaj prezanton strategjinë për rininë: Si t'i kthehemi normalitetit pas tërmetit, s'jemi viktima pasi kemi vajza dhe djem vitalë

14:15 Politika

“Tërmeti Sako”: Ç’haraç pagoi ish-kryebashkiakja e dorëhequr e Durrësit dhe Ferdinand Xhaferri

14:11 Politika

VIDEO: IKMT shemb me shpërthim një godinë 5 kate në Shkozet

14:08 Politika

Berisha kujton ‘8 Dhjetorin’, thirrje rinisë: Ngrihuni të frymëzuar nga Azem Hajdari, të përmbysim sa më parë rregjimin e Edi Ramës

14:05 Politika

Paloka: Rama qenie diabolike, një hakmarrës shpirt vogël. Urdhëroi qëllimisht shembjen e godinës 15 në Qytetin Studenti pikërisht sot me 8 dhjetor

13:50 Politika