Më në fund, ajo që prej 3 vjet e gjysmë e prisnim u formua dhe tashmë Shqipëria ka Strukturën e Posaçme Anti Korruposion, SPAK. Janë 8 prokurorë që të paktën nga ajo që është trumbetuar, thënë e stërthënë, pritet t’i bëjnë gjëmën pjesës së korruptuar të politikës shqiptare. Por pyetja e madhe është a do arrijë kjo strukturë pritshëmritë e opinionit shqiptar? A do arrijë ajo që hajdutët, të babëziturit, të fortët, të paprekshmit por dhe më të urryerit e politikës, t’i fusë në qeli? A do arrijë ajo të thyejë mitin e atyre që nuk i gjen gjë sa të jenë në politikë dhe pushtet? Më thjeshtë akoma po perifrazoj pyetjen e njerëzve të zakonshëm të këtij vendi: Vërtetë do bëjnë këta ndonjë gjë këta, apo edhe kjo gjë do jetë kot?

Ndonëse përgjigjet e këtyre pyetjeve të bëjnë të mendohesh gjatë, unë futem te ata që janë optimistë. Në radhë të parë besoj te investimi i SHBA-së si investimi më serioz në historinë e drejtësisë shqiptare dhe së dyti në integritetin dhe atë që përfaqësojnë të 8-tët e SPAK. Fjalë, akuza dhe sharje të tipit “ky ka punuar në komunizëm” dhe “ky tjetri është djali i atij” dhe “kjo vajza e asaj” janë pikërisht reminishenca të atij komunizmi. Se nëse mbështetemi në llogjikën se në cilën periudhë ideale duhet të jetonin anëtarët e SPAK, i bie që kjo strukturë të përbëhej me studentët e vitit të parë të Juridikut si më të kulluarit dhe më të pandikuarit në biografinë e tyre.

Unë besoj se të 8 prokurorët dhe më shumë te Arben Kraja. Kam lexuar këto ditë lloj lloj cilësimesh. Në cilësinë e një gazetari që prej 23 vjetësh ndjek modestisht me shumë interes çështjet e drejtësisë kam vlerësimin maksimal për të si njeri me integritet, profesionist dhe jam i bindur që do arrijë maksimumin e asaj që kërkohet. Por ky natyrisht është një perceptim i imi personal që edhe nëse vlen për opinionin mbaron pikërisht sapo Kraja dhe të 7-të të tjerët futen në zyrën e punës së tyre. Ajo që mendoj se ia vlen është një thirrje publike që unë ia drejtoj zotit Kraja.

Zoti Kraja, sot ju jeni përballë një megasprove. Si askush tjetër, sot ju keni në dorë fatet e një perceptimi publik që lidhet me ndëshkueshmërinë ose jo të atyre që e kanë bërë pis këtë vend. Pikërisht për këtë arsye, për nga rëndësia, sot në Shqipëri ju vleni më shumë se presidenti, se kryeministri dhe se i gjithë parlamenti të marrë së bashku. Fiks fare, ju sot keni ne dorë fatin e Shqipërisë.

Ju lutem zoti Kraja, bëjeni këtë vend. Jepni drejtësi. Vendosni para drejtësië ata politikanë dhe zyrtarë që e shkatëruan këtë vend që e bënë pothuajse të pabanueshëm. Vendosni prapa hekurave ata maskarenj që e vodhën non stop këtë vend për 30 vjet me radhë. Ata që ia pinë gjakun këtij vendi dhe e lanë të varfër. Më të varfrin në kontinent, po në atë vend ku ishim në 1990 kur kërkuam barazi me Evropën. Bëjeni këtë zoti Kraja, për vete, për familjen tuaj dhe për të gjitha familjet shqiptare. Për ata që në këto 30 vjet e braktisën Shqipërinë dhe pasi hodhën një gur pas e quajtën një vend që nuk bëhet. Bëjeni këtë zoti Kraja. Bëjeni që ky popull të shikojë se hajduti ndëshkohet. Bëjeni jo duke parë nëse hajduti është i majtë apo i djathtë, socialist apo democrat. Bëjeni në radhë të parë ndaj qeveritarëve sepse vetëm kështu do ketë vlerë.

Bëjeni zoti Kraja që ky popull të shikojë se ai që është bërë milioner pa djersë ka fund vetëm burgun. Bëjeni Zoti Kraja që me anën e drejtësisë ky popull të fitojë shpresën e humbur! Bëjeni se do merrni bekimin e një populli të tërë.Të një populli që ka besuar shumë në këto 30 vjet por që është zhgënjyer dhe tani sytë dhe veshët i kanë nga ju? Mos e dhëntë zoti dhe zhgënjehemi edhe nga ju. Kjo do të ishte fatale. Jo personalisht për ju, por për këtë popull. Qeveritë shkojnë dhe vijnë, por Shqipëria është një. Dhe Shqipëria kërkon drejtësi zoti Kraja. Ju personalisht dhe shtatë kolegët e tjerë jeni shansi i fundit i Shqipërisë.

6 komente në “Zoti Kraja, ju dhe SPAK jeni shansi i fundit i Shqipërisë!”

Neutrino says:

20 Dhjetor, 2019 09:53 te 9:53 am

SPAK-u është vetëm një hallkë. Jashtëzakonisht e rëndësishme. Por peshën vendimtare nëse ky vend do (dëshiron) të bëhet apo jo e ka prokuroria dhe gjykata. SPK-u të nxjerr në evidencë krimet dhe kriminelët. Por pas hekurave të dërgon gjykata. Aty është nyja gordiane e fatit të Shqipërisë. Zoti ju dhëntë kurajo

Përgjigjjuni
damam dimashi says:

20 Dhjetor, 2019 10:07 te 10:07 am

me duket e tepert qe gjithe kete drejtesi t’ia kerkosh nje njeriu te vetem ne nje shtet tejet te korruptuar.

Përgjigjjuni
Bobo says:

20 Dhjetor, 2019 10:54 te 10:54 am

Sa e tende eshte per ata pjestare te drejtesise qe e njohin kete te pafytyrin, te pashkolluarin, pa kollone vertebrale e plot epitete te tjera edhe me te renda dhe shohin qe “shpresa dhe shansi per te bere shtet e drejtesi ka mbetur ne dore te Krajes. Po vajtojne te gjithe ata qe kishin shprese te behej drejtesi e vertete, se me zgjedhjen e ketij kameleoni e sypermbysuri vdiq jo vetem shpresa. TURP per ata qe nuk kane turp dhe dhane voten per kete krimb.

Përgjigjjuni
BE says:

20 Dhjetor, 2019 11:02 te 11:02 am

Eshte e veshtir qe nje oficer ushtrie te preceptoje pune policeske.
Per sa i takon SPAKut, doja te thoja se eshte tridhjet vjet me vones, eshte nje struktur me teper per publicitet dhe ata qe jane aty te punesuar do te gezojne rroga te majme dhe privilegje.
Dhe operativiteti per te zbuluar dhe dokumentuar veprat penale duhet ta benin strukturat e policise me kohe, gje qe nuk u arrit pasi dhe vet policia si organizem u paralizua ne strukture dhe njerez dhe per kete fajin komplet e ka politika .
SPAKut i uroje KCK( kap ca te kapesh).

Përgjigjjuni
ALI BABA says:

20 Dhjetor, 2019 12:45 te 12:45 pm

Ho te behet shtet i ligjit ose ne esfer te shkoje shqiperia po nuk do gjykohet nga maja se qelbur peshku nga koka eshte vrare vjedhur ne mes dites qe nuk ka jorgane ta mbulloje ne burg te gjithe abuzuesit kushdo qofte se ne shqiperi ka ndodhur nje mije e nje dhe te sekuestrohet te gjitha ato qe kane marre ata dhe kuci e maci vetem atehere do tju sherbehet ata qe jane zgjedhur ne keto instanca te reja invenstigative te shohim dhe me pas te gjykojme
SUKSESE SPAK FBI SHQIPETARE QE EDHE KJO DO TE NGRIHET

Përgjigjjuni
cris says:

20 Dhjetor, 2019 20:04 te 8:04 pm

Spak nuk eshte asgje tjeter vetem nje show politik. Pyetja eshte nuk jane te njejtet prokurore qe kane sherbyer ne keto institucione dhe pse me krijimin e Spak-ut mendoni se keto prokurore do te ndryshojne?

Përgjigjjuni