Te fundit
Po sulen ta “mbysin” edhe SPAK-un?
21 Dhjetor 2019, 19:45Blog
TEMA
Nga Artur Ajazi
Ende pa u tharë boja e betimit të prokurorëve të posaçëm të SPAK në Presidencë, nga frëngjitë e SHQUP-it, nisën ti sulen me të gjithë arsenalin e shpifjeve dhe mashtrimit, emrave të veçantë, të atyre që u përzgjodhën ndër më të mirët nga organet e specializuara, por dhe amerikanët dhe europianët.
I janë sulur “foshnjes” dhe duan ta mbysin, i janë sulur një krijese të pastër dhe qelibare dhe duan ta bëjnë pis, duan ta bëjnë me baltë, duan ta diskreditojnë, pasi e ndjejnë se po afron ora e llogaridhënies. U sulën mbi kreun e SPAK, të sapozgjedhurin Kraja, i hapën “dosjet” e bodrumeve të SHQUP-it, u sulën edhe mbi prokurorin Dumani, dhe ç’nuk i nxorrën, dhe kjo vetëm 24 orë pas betimit dhe angazhimit të tyre për detyrën e re. SPAK-u, mbetet e vetmja shpresë e madhe për shqiptarët, për ti nxjerrë “ujin e zi” dosjeve të fshehura, dosjeve të mbyllura, dosjeve të shitura dhe të blera të politikës së korruptuar dhe vrastare, dosjeve të atyre që janë trembur dhe po thurrin skenare ogurzeza, edhe për drejtësinë e re.
SPAK-u mbetet struktura më solide e një drejtësie të re, e cila ka jo vetëm mbështetjen e shqiptarëve, por edhe të gjithë faktorit ndërkombëtar. Të ngujuar në bodrume, të tremburit e përjetshëm në SHQUP, kanë vendosur të bëjnë përpëlitjen e fundit, duke sjellë “akuza” nga më banalet për ata që realisht falë aftësive të tyre profesionale, e morën “OK” nga SHBA, dhe nga 1 Janari 2020, janë në llogoren e detyrës. Ata që nga dje nisën të akuzojnë dhe përgojojnë Krajën dhe Dumanin, kanë afro 30 vjet që përbaltin çdo strukturë dhe emër të sistemit të drejtësisë, kanë afro 30 vjet që me hir apo me pahir, kanë kompromentuar prokurorë e gjyqtarë, duke i kthyer në “viktima” të Vetting-ut.
U sulën edhe mbi SPAK-un dhe kjo në fakt dukej si e pabesueshme, por nga bodrumet e SHQUP-it, ç’nuk pret. Ata që ditën e betimit, “uruan punë të mbarë prokurorëve të posaçëm”, tanimë u janë sulur atyre, duke u nxjerrë “fakte” nga dhomat dhe paradhomat e shefave të ish-opozitës së vjetër. Sulmi dhe përbaltja edhe ndaj Krajës dhe Dumanit, natyrisht ka synimin tjetër, duke paralajmëruar hapur ata se “kujdes me emrat e veçantë të SHQUP-it”, kujdes se “po u kruajtët me ne, ju nxjerrim dosjet”.
Kjo llogjikë mjerane, askund tjetër nuk gjendet veçse tek PD-ja e Lulzimit, Ervinit, Gazmendit, dhe e brezit të “drejtpeshimit” të një drejtësie të kalbur, të cilën Vetting-u e flaku për të mos u kthyer më kurrë. Duke i bërë “llogaritë” gabim edhe me SPAK, në SHQUP kanë menduar se “mund t’ja dalim edhe me këta, si me plepaxhinjtë”, dhe llogari të tilla padyshim i bëjnë ata, që vijnë dhe janë akoma në PD, qysh nga koha e diktaturës. SPAK-un, nuk mund ta trembin “dosjet dhe faktet” e dala nga kasafortat e Gazit dhe Lulzimit, dhe as nga dhomat e montazhierit të dënuar Salianji.
Iku koha kur njerëzit e drejtësisë i “tridhnit” duke u përmendur gjyqet dhe vendimet e kohës së komunizmit, apo dhe “pseudonimet” që mbajtët për 30 vjet në kasaforta prej hekuri, ka ardhur në “jetë” drejtësia amerikane o shqupistë, mblidhni mëndjen.
3 komente në “Po sulen ta “mbysin” edhe SPAK-un?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Thone qe shume nga keta drejtusit e zgjedhur te p.d,jane pjelle e disa komunistave te kohes,pamvarsisht se ke kane pasur baba organik,po keta nuk kane turp,keta jane pa pike dinjiteti,po tani qe po ju vjen veza per tju dale ka fillu dhe ju djeg bytha,prandaj mos ju veni faj se e kane nga halli dhe i rren mendja se do trembin ken,po jo bertasin nga frika
Me siguri këto germuesit e pd leshelis jane nxitur nga Komandanti i naziskineve të Mamurrasit kryegangsteri i pd leshelis Flamur Herman Geringu se po i mblidhet laku dhe do japë llogari për Republikën e Lazaratit dhe banesat sociale të entit të banesave në Sarandë që u ka shpërndarë vëllezërve dhe motrave nga Kukësi që skane asnjë lidhje me sarandën.
Mos harro e nisen me Kryeprokurorin po u dolen te pa larat si me babalen