Te fundit
Partitë e rreme, si vrasëse me pagesë
8 Janar 2020, 20:25Editorial
TEMA
Nga Mero Baze
Fatmir Mediu është bërë deputet për herë të parë në vitin 2001, si kryetar i Partisë Republikane, por si deputet i listës propocionale të Partisë Demokratike
Fatmir Mediu u ribë deputet i PD në vitin 2005, përmes lojës së Mega-dushkut, ku Berisha bënte thirrje të votohej Partia Republikane, për të fituar dy deputetë në të njëjtën zonë.
Fatmir Mediu u bë deputet i Parlamentit më 2009, duke qenë në listat e PD si kryetar i Partisë Republikane.
Fatmir Mediu u ribë deputet i Parlamentit shqiptar në vitin 2013, si deputet i PD, duke qenë përsëri kryetar i Partisë Republikane.
E njëjta gjë ndodhi dhe në vitin 2017. E njëjta gjë i është premtuar dhe për vitin 2021, kur ai do të mbushë plot 20 vjet si deputet në Parlametin shqiptar, që përfaqëson kryetarin e Partisë Republikane, por hyn gjithnjë nga listat e PD.
Mjafton ky fakt ilustrues, për të kuptuar se të ashtuquajtura parti aleate të Partisë Demokratike në këto vite, janë më shumë instrumenta të PD dhe kryetarit të saj, për të zëvendësuar pluralizmin e mendimit brenda PD me figura aleatësh, se sa ndonjë nevojë e elektoratit për këto parti.
Debati brenda opozitës lidhur me ndryshimin e sistemit zgjedhor, me lista të hapura apo të mbyllura, ka si krye-argument, fuqinë e kryetarit të partisë më të madhe për të bërë renditjen e listës.
Në momentin që Partia Demokratike, ata që i konsideron aleatë kryesorë, i fut në listat e veta, ky debat shuhet. Madje shuhet dhe çdo ankesë tjetër e aleatëve, dhe mbeten vetëm psherëtimat e rebelëve të koalicionit, apo rebelëve brenda PD, të cilët rrezikohen nga ky fenomen.
Përveçse parti të vogla të tilla si republikanët, janë parti pa vlera elektorale, ato kryejnë dhe një mision tjetër tejet regresiv në shoqërinë shqiptare, pasi shërbejnë si vrasëse të demokracisë brenda partive të mëdha, praktikë kjo që në PD është bërë traditë.
Kur PD ishte në pushtet, tipa si Fatmir Mediu praktikisht silleshin si nënkryetarë të PD, apo si numrat 2 të pushtetit, pasi fotografoheshin me Sali Berishën, bënin dhe ndonjë pisllëk alla Gërdec, me fëmijët e tij, krijonin idenë e rreme të koalicionit dhe zbythnin çdo zë kritik brenda PD, duke i dalë ata zot kryetarit të PD.
E njëjta gjë nddhi dhe në opozitën e Lulzim Bashës. Në shantazhin politik të çadrës së vitit 2017, pesë aleatët formalë të PD, u përdorën më shumë si një grup i gatshëm për të eleminuar figurat traditcionale të PD, dhe gjithë garniturën e vjetër të saj, duke nisur nga nga Topalli, Bode, Bregu, Patozi, Ruli e shumë bashkëpunëtorë të tyre.
Në vend të tyre në listat e sigurta hynë aleatët, të cilët ishin garancia se Basha po vepronte drejt.
Ky fenomen po përsëritet dhe tek debati i sotëm Iistave të hapura apo të mbyllura brenda opozitës.
Në momentin që Lulzim Basha u ka premtuar atyre vendin e sigurtë në listë, ata e mbyllin atë debat pa u hapur akoma.
I përkthyer në kontekstin e sotëm të një bote të mbushur me lajme të rreme, apo organizata të rreme, që tentojnë të të ndikojnë me gjëra fallco, sot debati politik në opozitë në Shqipëri, po ndeshet me parti të rreme, që po vrasin demokracitë brenda partisë së madhe dhe po përdoren si argument për të mbrojtur pushtetin e liderit, duke u cituar si aleatë.
Kështu, sot demokratët më shumë dëgjojnë argumentet e Mediut apo Nard Ndokës për sistemin, se sa të Grida Dumës, që kërkon lista të hapura se nuk ka besim tek Basha. Në fund, në vend të Gridës do hyjë Mediu, siç hyri më 2017 në vend të Bregut.
Nuk janë asgjë lajmet e rreme, apo OJQ-të e rreme, para partive të tilla të rreme, për dëmin që i sjellin debatit politik.
Ato përdoren nga kryetari i partisë së madhe si vrasëse me pagesë ndaj atyre që hapin gojën brenda partisë.
Dhe mos fajësoni për këtë mos-ndryshimin e sistemit, se fenomeni “Mediu” u ka mbijetuar gjithë sistemeve, duke hyrë në gjirin e PD, sa herë PD-së i duhet të duket sikur ndan pushtet me njerëz të tjerë. Përveç të vetëve.
12 komente në “Partitë e rreme, si vrasëse me pagesë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kryetaret e partive opozitare, si fatmiri jane duleqisi,dash raqia, nard tornitori, duka I krimit. Qe konsiderohen hiena per te kapur ndonje kocke qe leshon basha
NUK DUHET LEJUAR KUALICIONI PARA ZGJEDHOR.
Mero harrove te shtosh qe keta brejtes , kane , vazhdojne , dhe do ta grryejne buxhetin e shtetit. Keta perveç rroges dhe honorareve si deputete , kane perfitime financiare per partite e tyre “familjare”. Godina , automjete , para per logjistiken etj . Mos harrojme parate qe shteti ndan ne proporcion , sa here behen zgjedhje ,vendore ,parlamentare . Shto ketu udhetimet brenda e jashte . Pa anashkaluar sindromen “kunati shokut Xhemal”. Ku si parazite mbushin dikasteret me fare e me fis . Gjithsesi rezultantja eshte e pa ndryshueshme . Ishin-jane-mbeten , kellira . Me fal me K te madhe .
O mero baze, po pse nuk na tregon se te gjithe partite ishin false me urdher te Ramizit ! ? Mos be sikur nuk e di!
Nje PD e dobet dhe e raskapitur thjesht i mundeson PS te qendroje gjate ne pushtet. Ne kushtet qe jemi kjo eshte gje e mire, pra pozitive. Te pakten per 5-6 vitet qe vijne.
Dhe ne e qesendisem Ramiz Aline de desh te bente pluralizrm me organization e masave!
Perfundimi :
Per te qene ne pushtet…partive u duhet “Mejdiu”
Per te pasur parti plurariste…nuk u duhet “Mejdiu”
Per vota…u duhet “Mejdiu”
Per te pasur sisem demokracie….u duhet ” Mejdiu”
Per te pasur qeverrise-shtet demokratik normal..nuk u duhet ” Mejdiu”
U dhjefsha demokracine
Une nuk kam njohur ndonje cam budalla, por Mehdiu, jo vetem qe eshte i zgjuar, por eshte edhe bandit qe akoma ligji nuk i mka treguar vendin . Te shohim sa do zgjat lodra e tij e qelbur.
Matematikisht korrekt
Fatmir Mediu sot eshte nga njerezit me te fuqishem ne Shqiperi….nuk ka asnje aktivitet ekonomik te njohur por femijet i shkollon ne webster uni ne Wien ku viti fillon me 30000 mije euro rregjistrimi bachelor, masteri mbi 40 mije. Pa llogaritur akomodimin, ushqimin….shpenzime qe as bisnesmenet nuk ja lejojne vetes. Vetingu me te njejten formule per drejtesine dhe per Politiken.
Pare te madhe ka bere nga shitja e armeve dhe e skrapit te ushtrise mehdihoxhgerdeci
Kjo qe permend ti Mero esht ajo GD ose Grigja sic i thu ti..epo e meriton te qerrohet me gjith dashnorin pervers. E ne fakt me mir mediu se kjo rrospija.