Te fundit
"Zbutet" Emannuel Macron, Franca gati t'i thotë po Shqipërisë e Maqedonisë së Veriut
10 Janar 2020, 19:32Politika
TEMA
Macron ne pritjen e organizuar per Ramen
Nga Jean-Pierre Stroobants dhe Virginie Malingre
Pasi bllokoi hapjen e negociatave për anëtarësimin e Bashkimit Evropian me Shqipërinë dhe Maqedoninë e Veriut, në Tetor 2019, Franca tani duket se është e gatshme të rishqyrtojë qëndrimin e saj. Charles Michel, Presidenti i Këshillit Europian, e konfirmoi këtë të enjten, 9 janar, në Kroaci, vendi i cili ka marrë kryesimin e BE që nga fillimi i këtij viti. “Nëse ka një marrëveshje për të modernizuar procesin e zgjerimit, unë besoj se ka hapësirë për përmirësim,” tha ai.
“Sikurse Emmanuel Macron i tha Andrej Plenkoviçit, kryeministrit kroat, i cili ishte në Paris të marten në 7 janar, Franca është e gatshme të rishohë qëndrimin e saj nëse ndryshon metoda e negociatave”, kanë konfirmuar për Le Monde në Pallatin Elysée. “Për ne, ky është një parakusht, që mbështetet nga rreth 15 vende anëtare të Bashkimit Europian” këmbënguli presidenca franceze.
Në Zagreb të premten, presidentja Komisionit Evropian ishte e kujdesshme. “Nuk shtë e nevojshme të ndryshojmë rregullat për Shqipërinë dhe Maqedoninë e Veriut,” tha Ursula von der Leyen, ndërsa konfirmoi se Komisioni po përgatitet të bëjë propozime për një ndryshim në metodologji.
“Ne duam ta bëjmë Zagrebin një sukses,” tha Macron pas takimit të tij në Paris me Plenkoviç, duke iu referuar samitit që do të zhvillohet nga BE dhe vendet e Ballkanit Perëndimor në maj, në kryeqytetin Kroat.
Kjo deklaratë konsiderohet inkurajuese nga ata që besojnë se është e nevojshme të dërgohet shpejt “një sinjal pozitiv” për të shtruar rrugën drejt “perspektivës së pranimit”.
Në fund të vitit 2019, Franca sugjeroi të zëvendësojë procedurën e vështirë të negociatave aktuale (35 “kapituj” që mbulojnë të gjitha politikat e BE) me një proces shtatë hapash “konkret, gradual, rigoroz” . “Ky është një process që i bind njerëzit” tha atëhere presidenti Macron.
I takon Komisionit të zhvillojë shpejt këtë metodë të re. Komisioneri i ri i zgjerimit, hungarezi Oliver Varhely, po punon për këtë çështje. Ai u takua, të mërkurën në 8 Janar, në Paris, me Kryeministrin francez Edouard Philippe dhe Sekretarin e Shtetit për Europën, Amélie të Montchalin.
“Sot, një shtet i cili hyn në procesin e gjatë të negociatave e hap shampanjën një herë kur ato fillojnë dhe pastaj, shumë vite më vonë, kur ato mbarojnë. Ndërkohë, vendi në fjalë mbetet, gjatë gjithë kësaj kohe mbetet jashtë Evropës. Ky kalvar i pafund dhe kjo kohë e gjatë, mund të çojnë, siç po ndodh në Serbi, drejt një zhgënjimi të qytetarëve në lidhje me idenë e Evropës. Prandaj më mirë do ishte zhvillimi i një procesi që u mundëson këtyre vendeve edhe të “përshtaten” gradualisht me BE edhe të shohin pas çdo faze që kalojnë, ndonjë arritje konkrete”, ka komentur një ekspert francez i kësaj çështje planin e qeverisë së tij.
Një burim tjetër shpjegon: “Ne kemi nevojë për një proces më politik, më gradual, përgjaë të cilit përpjekjet e vendeve kandidate shpërblehen hap pas hapi me shtimin e ndihmës evropiane. Por, ky proces ka karrotën dhe shkopin sepse, nëse vendet kandidate bëjnë pas, ai edhe mund të kthehet. Sipas vizionit francez, procesi do të shndërrohej në një integrim gradual të vendit, sa herë përfundonte trajtimi i një teme kryesore.
Shumë i vëmendëshëm që fqinjët e tij të mos bien nën ndikimin rus, kinez ose arab, Kryeministri kroat ka planifikuar të mbledhë krerët e shteteve dhe qeveritë e Bashkimit Evropian dhe gjashtë vendet e Ballkanit Perëndimor në Zagreb, në 7 maj. Plenkoviç shpreson, siç tha ai të enjten, se samiti joformal “do të shënojë një faqe të re në historinë e zgjerimit evropian”.
Por, që kjo të ndodhë, Këshilli Evropian, që do të mbahet në Bruksel në mars, duhet të hedhë një hap të rëndësishëm përpara. Pra 27 krerët e vende e anëtarë duhet ta kenë marrë vendimin si për miratimin e një reforme të procesit të pranimit, por edhe atë për të hapur negociatat me Shkupin dhe Tiranën.
Drejtuesit e Ballkanit Perëndimor duhet, në çdo rast, të ftohen në një takim në ditën e dytë të Këshillit Evropian të Marsit. “Ne duhet të kemi diçka për t’i ofruar atyre”, insiston nga pala kroate.
“Ne mund të arrijmë një rezultat pozitiv me kusht që rregullat të jenë të qarta deri në maj. Do të ishte një fitore, por jo një fitore ndaj Francës, pozicioni i së cilës pa dyshim është interpretuar keq, – këmbëngul një burim qeveritar në Paris-. Qëllimi ynë nuk ishte të kundërshtonim me çdo çmim, por një thirrje për të reflektuar dhe reformuar. Për tu rinovuar për tu integruar më mirë. “
Le Monde
11 komente në ““Zbutet” Emannuel Macron, Franca gati t’i thotë po Shqipërisë e Maqedonisë së Veriut”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nuk behet gje jo as ne Zagreb….pa u sqaruar e dhene fund ceshtjeve te “nxehta” me Athinen….dhe keto ceshtja nuk jane aq te thjeshta apo te lehta per tu zgjidhur sidomos nga ana greke qe kerkon ne kete konflikt cehtjesh “qiqra ne hell”….vetem neqoftese Shqiperia heq dore nga te drejtat e saj atehere mundcte behet ndonje kompromis ndryshe harrojeni kete pune….hyrja e Shqiperise ne BE eshte nje “katastrofe” per Greqine ne cdo drejtim….dhe kjo eshte “thembra e Akilit” qe Europa po ” mundohet” ti jape zgjidhje por me siguri ne “kurriz” te interesave shqiptare…
Franca perben nje pengese serioze per futjen e Shqiperise ne BE pasi eshte nje nga vendet me domethense te bashkimit. Per sa i perket Greqise, ata qe i kane ulur hunden Makrinit jane po te njejtet qe do t’i japin thesin me miell per dhjet vitet e ardhshme Greqise.
Jam dakort me “undefined”!
Jo-ja Franceze ishte shume e madhe per Shqiperine dhe Maqedhonine, qe jane aq te vogla… Rradhen e kane “policet e keq” te vegjel, sic eshte Greqia apo ndonje shtet tjeter per te thene Jo. Rolin me siguri do e marr Greqia, neqoftese Evropa nuk do qe vetem Shqiperise mos ti hapet drita jeshile dhe po qe se nuk do as Maqedhonine, del edhe Hollanda.
Me nje fjale teoria e policit te mire(lexo Evropa) dhe policit te keq(lexo Greqia) do zevendesoje teorine e policit te mire(lexo Gjermania) dhe policit te keq(lexo Franca). Kjo i pershtatet me mire situates per te mos ju kundervene direct politikes Amerikane si Evrope. Mjaft u diskredituan ata me Hajredinaj qe sabotoi planin Amerikano-Rus per bashkimin tone kombetar. Rradha eshte politika e “niveleve te ulta”, por interest jane te njejta. Gjermani dhe Franca e duan Ameriken jashte Evropes….O sot me Ameriken o kurre!…
Opa
E hongren derrin maç ..
Sic e kam thene me pare, propozimi i Frances neqoftese bazohen ne ato 7-te ligje eshte nje tkurrje per Shqiperine. Po ti lexosh me kujdes kapitujt ne konkluzjon, ata te kerkojne mallin por te heqin te drejten e vizave te lira (Shengeni). Ne kapituj ata zgjedhin kujt dhe c’fare do u jepet ajo e drejte. Malli shitet tek ai qe e kerkon supply-demand kurse levizja e lire te tkurr dhe nuk te jep inovim-teknologji.. Ajo krijohet edhe nga njerzit sigurisht duke kthyer mbrapa eksperience gjate emigracjonit. Por neqoftese emigracjoni limitohet, ngadelsohet zhvillimi.. Eshte e qarte qe Franca nuk e ka me zgjerimin e Unionit, por me emigracjonin.. Franca jo e jo qe s’te do ne Uninon, por edhe do te na veshtiresoj emigracjonin. Makron foli aq keq ne Samitin e fundit (nga naiviteti), sa nuk e mbulon dot mutin me shurre.. Menyra se si foli ishte qe goli i tij eshte te mbylli Shengenin dhe fill pas nje muaji doli me keto 7 propozimet qe e vertetojn ate qe tha ne Samit. Propozimet e Frances ne Kroaci eshte nje “bait”.. Ata le ta shtyjne si me “detyrim” por mos e pranoni..
Fake News
Rama zbuti Trumpin dhe e beri mik dhe jo Macronin qe se ka fare per gjo. Jemi me fat me kete kryeminister. Fjalet mbrapsht te gjithe atyre qe do me shajne. hahahahaha
Lepuri nuk fshihet ne Greqi por ne Serbi. Serbia shpreson te bej me Kosoven te njejten loje qe beri Greqia me te ashtuquajturen Maqedoni e veriut. Edhe sikur mos te marre ate qe do, mjafton te mbaj peng dhe larg unjonit evropian elementin shqiptar. Diplomacia serbe shpenzon shuma marramendese financiar per te mbrojtur interesat e saj ne dyert e kacelarive europiane e mbeshtetur edhe nga diplomacia ruse sigurisht. Ndoshta degjohet si nje theori konspirative, por nese shqiptaret do ta dinin se si veprojne diplomatet serb ne dem te elementit shqiptar, me siguri Vuçiç nuk do te kishte mundur kurr te vizitonte shqiperine.
Gjithsesi ! Te gjith e dime qe kunder negociatave te Shqiperise nuk asht veten Franca. Franca vetem u caktu me deklaru vendimin e marrun nga disa shtete te BE-s, dhe kaq. Na duhet ta kuptojme qe pothuajse e gjith Evropa ( nuk po them se jane kundra ) nuk kane simpati per ne.
Me keqardhje por, as ne Maj nuk do t’marrim gja.
Por me nje kusht ti thot po 12 miljeve te greqis
Kina i ka dhene urdher Frances te dale nga Afrika.Dhe Franca per te qendruar ne Afrike ka nevoje per ndihmen Amerikane.Dhe keshtu ben lojen hileqare qe ajo gjoja do te hapet drita jeshile per Shqiperine por ka sigurine qe nuk do te duan Hollanda e Danimarka.Mos besoni kurren e kurres qe Franca do te jete ndonjehere ne favor te Kombit Shqiptar.