Te fundit
Dhunohet dhe merret peng një person në Kamëz. Policia në ndjekje të autorëve
17 Janar 2020, 13:31Kronika
TEMA
Një person është marrë peng nga disa të tjerë në qytetin e Kamzës.
Ngjarja e rëndë ka ndodhur rreth orës 11:44, në rrugën “Londër”.
Sipas policisë gjatë një konflikti të çastit midis disa personave ende të paidentifikuar, është marrë me forcë në makinën e autorëve një prej të përfshirëve në sherr.
Në vendin e ngjarjes kanë shkuar forca të shumta police dhe më pas janë vënë në ndjekje të automjetit që është larguar me shpejtësi.
Ndërkohë ende nuk dihet identiteti i personave të përfshirë në këtë ngjarje të rëndë.
Kamëz/Informacion Paraprak
Rreth orës 11:44, në rrugën “London”, Kamëz, dyshohet se gjatë një konflikti të çastit midis disa personave ende të paidentifikuar, është marrë jashtë dëshirës në automjet një nga personat e përfshirë në konflikt.
Policia ka shkuar menjëherë në vendngjarje dhe është vënë në ndjekje të automjetit i cili është larguar menjëherë nga vendngjarja.
Në vendngjarje shërbimet e Policisë kanë gjetur automjetin e personit që dyshohet se është marrë jashtë dëshirës së tij nga personat me të cilët u konfliktua.
Grupi hetimor po punon për sqarimin e plotë të rrethanave të ngjarjes.
Lini një Përgjigje
Më të lexuarat
24 oret e fundit
Javen e fundit
Blog Tema
