Te fundit
"Mos harro se ke dy fëmijë", zbardhet dëshmia se si u kërcënua bashkëshorti i gjyqtares së dosjes “Shullazi”: Më vuri pistoletën në gojë
10 Shkurt 2020, 17:19Politika
TEMA
“Isha në lokalin e lagjes bashkë me një mikun tim. Një moment dola të pija një cigare të dera e jashtme.
Aty pranë kaloi bashkëshortja ime me një shoqen e saj dhe vajzën.
Pak minuta më pas, në të djathtën time erdhi një djalë i rri, rreth 20-22 vjeç, i cili ishte veshur me bluzë ngjyrë si në të zezë, pantallona të errëta dhe atlete të bardha.
Ai erdhi direkt me pistoletë në dorë dhe vuri këmbën e majtë pas këmbës sime të djathtë. Më rrëzoi në tokë dhe më drejtoi pistoletën në gojë. Mu drejtua me fjalët ‘ti me atë tët shoqe mos harro se ke dy fëmijët në Francë’.
Në këtë moment ndërhyri shoku im, i cili e kapi nga pas personin. Ai u largua nga pjesa e djathtë e rrugës, ku e mori një automjet i bardhë, që drejtohej nga një person me mjekër. Kërcënimi në drejtimin tim ka ndodhur për shkak të funksionit të bashkëshortes time si gjyqtare në gjykatën e Apelit për Krime të rënda”.
Kjo është dëshmia e bashkëshortit të Saida Dollanit, anëtares së gjykatës së Posaçme të Apelit, dhënë prillin e 2019, kur ajo kishte në shqyrtim dosjen ndaj Emiljano Shullazit dhe miqve të tij të dyshuar për gjobëvënie në kuadër të grupit të strukturuar kriminal.
Kërcënimi i bashkëshortit të gjykatëses vuri në lëvizje policinë dhe menjëherë për rastin nisën hetimet. Po ndërsa prokuroria kryente veprime në procesin ndaj Shullazit regjistroheshin debate të forta mes të dyshuarve dhe gjyqtares Dollani, të cilën e akuzonin se me çështjen e tyre po kalonte vettingun.
Në fakt, hetimet për kërcënimin nuk dhanë rezultat, përderisa dhjetë muaj pas ngjarjes së pretenduar prokurorja Ida Ahmetlli iu drejtua gjykatës së Tiranës me kërkesën për pushimin e çështjes, raporton News24.
Vendimi i akuzës u kundërshtua edhe nga Doillani e cila instistoi për vijimin e hetimeve, pasi sipas saj shumë aspekte të rastit nuk ishin marrë në konsideratë.
Kërkesa e prokurores Ahmetlli u rrezua nga gjykata e cila vendosi ta rikthejë dosjen në institucionin e akuzës për hetime të mëtejshme. Gjykata konstatoi se ka mangësi në hetimin e rastit dhe për këtë i la detyra konkrete prokurores së çështjes. Ndërkohë Saida Dollani është larguar nga kryesimi i trupës që shqyrton dosjen “Shullazi”.
Madje në procesin ndaj emrit të shumëpërfolur të botës së krimit, është krijuar një ngërç ligjor që ende nuk ka gjetur zgjidhje. Duke qenë se janë konsumuar të gjithë anëtarët e Apelit të Posaçëm, veç Albana Boksit, që aktualisht ka në duar çështjen, janë deleguar dy gjykatës nga apelet e rretheve.
Në kushtet kur Apeli i Krimeve u shkri dhe u krijua gjykata e Posaçme e Apelit, ngërçi qëndron në faktin nëse dy gjyqtarët e deleguar më herët mund të marrin pjesë në shqyrtimin e dosjen. për këtë gjykata I është drejtuar me shkrese Këshillit të Lartë gjyqësor, por ende nuk ka marrë përgjigje duke vënë në pikëpyetje të madhe ecurinë e procesit.
3 komente në ““Mos harro se ke dy fëmijë”, zbardhet dëshmia se si u kërcënua bashkëshorti i gjyqtares së dosjes “Shullazi”: Më vuri pistoletën në gojë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po nuk iken nga drejtesia prokuror dhe gjykates te Sali Berishes, nuk do kete drejtesi dhe nuk do kete qetesi.Ne po e shikojme se sa i qet rri Saliu (edhe pse ka bere krime te panumerta) sepse i ka shpatullat e ngrohta nga gjyqetaret qe ka vendosur ai.Ka mundesi qe edhe ne SPAK te kete njerzit e tij Saliu.Mjer populli,nuk ka per te pare ndonjehere drejtesi.Do shikojm gjera makabre nga bandat e Saliut dhe te pd-ke apo te Metes qe sote eshte president.Vetem Edi Rama po mendon per popullin te beje drejtesi,por qent e pd-ke dhe te LSI nuk e len.
Ne gjendjen e shkaperderdhur në të cilen gjendet Shqiperia sot, krimi mund te luftohet vetem me antikrim. Duhen harruar te drejtat e njeriut per kriminelet, ndarja e pushteteve, institucionet demokratike dhe pallavra të ngjashme. Shqipetaret jane kthyer tashme në kontigjent problematik në të gjithë Europen. Aq sa edhe Hollivudi po ben filma per zuzaret shqiptare. Dhe te mendosh se dikur nuk u besonim syve kur shihnim Oktapodhin dhe Katanin ne televizor! Per te zhdukur krimin duhen perdorur metodat e Enverit ose te Dutertes nê Filipine. Dihet që je kontigjent i krimit!? Nje plumb pas koke në ndonje qoshe. Dhe “vrasesit iken nê drejtim të paditur”! Nê kete menyre e mposhti edhe Amerika krimin në vitet 1930 të Al Kapones së keqfamshem. Ndryshe Shqiperia do ia kaloje jo vetem Italise, së ciles ia kemi kaluar tashme, por do ia kaloje edhe Meksikes apo Haitit. Kriminelet duhen nxjerre jashte ligjit, fuori legge, siç ka qene dikur në Itali. Qe do të thote se vrasja e tyre nuk eshte problem i drejtesise dhe as shqetesim i shoqerise. Ndryshe shteti eshte i mpleksur me mafian.
Nuk e di perse nuk qellohen keta “tipat” nga policia kur i bejne rezistence me arme per arestim dhe i lene te lire te bejne c’fare te duan.