Te fundit
INTERVISTA/ Muç Nano mbyll emisionin “Provokacja”: Politika duhet të futet në karantinë, emisionet me debat janë virus
13 Mars 2020, 18:29Politika
TEMA
Analisti dhe gazetari, Mustafa Nano ka bërë të ditur se ka mbyllur emisionin e tij “Provokacja”, për shkak të situatës së krijuar nga përhapja e koronavirusit në Shqipëri.
Nano thekson se mori këtë vendim për të mos rrezikuar vetën dhe të tjerët. Ai ka kërkuar që të njëjtën gjë të bëjnë dhe kolegët e tij, madje shton se nuk e kupton pse janë akoma të hapura: “Janë si virus me vete”
“Nuk ka nevojë për reporterë që bëjnë si të ndërkryer, që vrapojnë nëpër rrugë, që kërkojnë me lupë njerëz të sëmurë, kërkojnë me lupë njerëz që kanë ankesa kundër mjekëve, kundër numrit telefonik 127, që numërojnë të vdekurit me zell nekrofilësh. E dini ju që në Britaninë e Madhe, në Itali, e gjetkë, media informon për numrin e të prekurve nga virusi e për vdekjet vetëm një herë në 24 orë? Po të duan, ato mund të japin gjatë gjithë ditës lajme të tipit: “Vdiq edhe filani, vdiq edhe fisteku.” Por nuk e bëjnë këtë. Presin momentin e ditës, kur jepet informacioni zyrtar, dhe i referohen veç atij informacioni”, thekson ai.
Mustafa Nano ka folur dhe për qëndrimet e politikanëve që sipas tij duhet të ndjekin shembullin e Italisë. Sipas tij politika duhet të futet në karantinë.
“Po, tamam, ky do ishte termi i duhur: karantinë. Po ta ilustroj me një shembull. Dje, në një debat në televizionin italian La7, doli një politikan dhe filloi të fliste për mbledhje e takime, për maxhorancën, për opozitën, për shpërdorime fondesh. Aty qëlloi një doktor që po fliste nga spitali, i veshur me tutën mbrojtëse. Dhe ai i tha politikanit: “Si nuk të vjen turp? Tani e gjete të bësh politikë? Nëse do të ndihmosh, ka vetëm një rrugë: Hajde këtu në spital me mua, ku para syve po shoh njerëz që po vdesin. Nëse këtë nuk e bën dot, qepe gojën”. Dhe politikani e qepi”, thekson ai.
Intervista e plotë
-Morëm vesh se keni mbyllur programin “Provokacija”. Është e vërtetë?
-Po. E kam mbyllur.
-Sepse nuk dua të rrezikoj veten. Nuk dua të rrezikoj as të tjerët.
–Kolegët e juaj nuk i kanë mbyllur programet e tyre.
–Nuk e kuptoj pse i mbajnë hapur. Programet e tyre nuk i duhen kujt sot. Madje, disa prej tyre janë të rrezikshme. Janë si virus më vete.
-Ku e keni fjalën?
-E kam fjalën te ato programe që vijojnë sikur të mos ketë ndodhur asgjë, me të njëjtën logjikë, me të njëjtin stil, me të njëjtët gazetarë, me të njëjtat sherre. Duhet t’u vijë turp.
-Duhen mbyllur fare mediat?
-Jo, nuk e tha njeri këtë gjë. Pjesa informative është shumë e domosdoshme. Por edhe kjo duhet ta kryejë punën e vet me një sens përgjegjshmërie. Nuk ka nevojë për reporterë që bëjnë si të ndërkryer, që vrapojnë nëpër rrugë, që kërkojnë me lupë njerëz të sëmurë, kërkojnë me lupë njerëz që kanë ankesa kundër mjekëve, kundër numrit telefonik 127, që numërojnë të vdekurit me zell nekrofilësh. E dini ju që në Britaninë e Madhe, në Itali, e gjetkë, media informon për numrin e të prekurve nga virusi e për vdekjet vetëm një herë në 24 orë? Po të duan, ato mund të japin gjatë gjithë ditës lajme të tipit: “Vdiq edhe filani, vdiq edhe fisteku.” Por nuk e bëjnë këtë. Presin momentin e ditës, kur jepet informacioni zyrtar, dhe i referohen veç atij informacioni.
-Po studiot e debateve duhet t’i mbyllë qeveria?
-Jo, jo, vetëm kjo nuk më ka shkuar në mendje. Duhet të jenë vetë drejtuesit e këtyre programeve, apo boss-ët e televizioneve, që duhet t’i mbyllin përkohësisht. Në mos, t’i përshtaten rrethanës.
-Ç’doni të thoni me “t’i përshtaten rrethanës”?
-Duhet të kuptojnë se nuk ka pikën e kuptimit të ftosh sot në studio politikanë apo analistë. Madje as mjekë që e kanë mendjen te politika nuk duhen ftuar. Dhe nuk janë të paktë këta të fundit. Kam parë këto ditë nëpër studio televizive mjekë që ta shpifin më keq sesa politikanët. Ashtu siç kam parë edhe mjekë që janë krenaria jonë kombëtare në këtë moment. Këtyre u duhet vënë mikrofoni te goja. Kur kanë kohë, sigurisht. Pasi ata janë të vetmit njerëz që po punojnë. Ata janë heronjtë e kombit. Ne duhet të dëgjojmë vetëm ata. Ose njerëz të tjerë të urtë.
-Shkurt, ju mendoni se politika duhet vënë në karantinë?
-Po, tamam, ky do ishte termi i duhur: karantinë. Po ta ilustroj me një shembull. Dje, në një debat në televizionin italian La7, doli një politikan dhe filloi të fliste për mbledhje e takime, për maxhorancën, për opozitën, për shpërdorime fondesh. Aty qëlloi një doktor që po fliste nga spitali, i veshur me tutën mbrojtëse. Dhe ai i tha politikanit: “Si nuk të vjen turp? Tani e gjete të bësh politikë? Nëse do të ndihmosh, ka vetëm një rrugë: Hajde këtu në spital me mua, ku para syve po shoh njerëz që po vdesin. Nëse këtë nuk e bën dot, qepe gojën”. Dhe politikani e qepi.
-Sipas jush, nuk duhet bërë opozitë në këtë moment?
-Ne jemi mësuar t’i japim kuptim opozitës vetëm ku ajo del rrugëve e kur i shpall luftë pushtetit. Opozita ka kuptim edhe kur bëhet bashkë me maxhorancën. Kjo është e vërtetë për çdo kohë, por sidomos për sot. Sot detyra e opozitës është të heqë dorë prej rolit “klasik” të opozitës. Nuk është ndonjë hata nëse bëhet kjo.
-Po kush do ta bëjë transparencën?
-Transparencën? Po bëni shaka?
-Pse?
-Kush është i interesuar për transparencën, të mbajë shënim, dhe t’i nxjerrë shënimet më vonë. Në këtë moment ne jemi në luftë. Transparenca është një standard për kohë paqeje. Ashtu siç është opozicioni, e vërteta, pluralizmi, liria e fjalës, e lëvizjes, të drejtat e njeriut. Sot kemi vetëm një qëllim që të gjithë: Të mbijetojmë. Duhet me qenë i lig të mos e kuptosh kaq gjë. Duhet me qenë më i lig sesa koronavirusi.
11 komente në “INTERVISTA/ Muç Nano mbyll emisionin “Provokacja”: Politika duhet të futet në karantinë, emisionet me debat janë virus”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Edhe në Amerikë Muçi informacioni për situatën e koronavirusi jepet vetëm 1 herë në 24 orë, dhe televizionet nuk bëjnë debat në studio nuk japin mend por intervistojnë online vetëm doktorë që përpiqen të informojnë popullatën për situatën. Të tjerët që nuk janë profesionistë mundohen të (lexojnë qytetarin dixhitalb sali haleja) mos pengojnë profesionistët.
Të thom të ndrejtën o Muço, nuk të ndjek
ndoshta nja dy herë, e vetëm nëpër të
IBANin ma dërgo, që ta dërgoj një çek
meqë për ca kohë s’do të shohim më!
shyqyr z.muci qe degjova nje ze me mendje ne koke,sinqerisht na kane stresuar shume ,lloj ,lloj idiotesh qe ju duket vetja specialist e japin mendje qofshin keta edhe mjek,te vjen per te vjell.ti shenojne ne nje bllok e ti mbajne kur tju vij koha ato qe kane per te thene,te na lene rehat se boll na shushaten mendjen neper studjo
NGANDONJEHERE KY FSHATARI FLET DREJTE
Kur nuk ka folur drejt ky “fshatari” i lindur e rritur ne qytet
Bravo gazetari i vertetë Nano. Këtë vendim duhet te pasojnë edhe opinionistët e fëlliqur që grinden dhe me sperklat e tyre infektojnë njëri tjetrin por demoralizojnë edhe të tjerët. E vutë re mbëmë mediokren Eni Vasili që nderas kishte thirrur dy profesorë të nderuar i mbajti aty kot deri sa gjeri një idiot të porositur që të deklaronete se kishte 7 ditë që telefononte 127 (Urgjencën kombëtare) por askush nuk i përgjigjej???!!! O zot si mund të gjenden idiotë të tillë, por dhe si mundet të kete moderatore që e mban me insisitim mbi 20 minuta hapsirë televizive. Mjafton minimumi i inteligjencës që të ndjehesh i fyer dhe i zhgënjyer. Turp.
Te lumte z. Nano per vendimin e marre.
Kjo kohe nuk ka nevoje per debate televizive, as per hipoteza, as pwr gjurmime te lajmit te keq. Ne kwto momente qe po kalojmw, ka boll lajme te keqija nga vet e keqja qe na ka ardhur ne prag te vatres.
As per keshilla politikanesh nuk ka nevoje kjo situate.
As per analize situate nga analistet e vetshpallur nuk kemi nevoje.
Ne keto momente qe kalojme, populli ka nevoje:
1. te degjoje sugjerimet e SPECIALISTEVE TE SHENDETSISE.
2. Ka nevoje per mbeshtetjen e spitaleve me medikamentet perkatese dhe bazen materiale te domosdoshme per perballimin e situates.
3. Ka nevoje per respektimin e protokolleve perkatese neper spitale dhe kontrollin e tyre nga SPECIALISTET dhe jo nga MEDIA.
4. Ka nevoje per respektimin e rregullave sipas urdhereve te dale nga Qeveria ne lidhje me ndalimin e automjeteve etj.
VETEM SHENDETSIA KA TE DREJTEN DHE DETYREN TE FLASIN DHE TE VEPROJNE NE KETE SITUATE EPIDEMIE.
Stop politikes
Stop analisteve dhe debateve boshe.
Stop gjurmimit te autoambulancave nga kamerat, se ke solli e ke mori.
Nuk eshte koha e fjaleve. Eshte vetem koha e veprimeve konkrete.
Respekte z. Nano.
Shembullin tuaj uroj ta ndjekin edhe emisionet e tjera te drejtuara nga Fevzo, Çani, Zheji, Vasili,,,,etjj te ketij lloji.
Kjo periudhe pushimi jo edhe aq per tu mbrojtur nga gripi se sa per t’ u qetesuar nga zhurmat e studiove Televizive,apo s’kane zgjedhur te gjitha nji orar dhe te njejtat dite te javes ,sikur te konkurojne per vende “nderi”!
Gazetaret e politikanet qe vazhdojne si ne kohe normale tregojne se kane intelekt te ulet e skane kuptuar gje. Me nje fjale te vonuar nga mendja.
Nje llogjike e hekurt , qe nuk I ka munguar kurre , M. Nanos . E tregoi veten gazetar me kulture europjane solide . Emisionet televizive , per mendimin tim , nuk duhet te mbyllen , por te gjejne kendin e shikushmerise . Mendoj se me te llogjikshem I ben emisionet , Dudushi . Emisjonet e tjera , kulturore , gazmore , letrare tip RTSH , duhet te punojne , se njerzit jane ne shtepi dhe duan te shohin , por dhe te informohen persembari .Karantina , nuk do te thote vdekj . Zgalem
Nuk e di,pse tema merret me kete funderine akoma!!!!interesa ju lidhin?