Te fundit
Fshati i skive, që infektoi gjysmën e Europës me koronavirus
23 Mars 2020, 08:38Politika
TEMA
Më 29 shkurt, një avion u ul në kryeqytetin islandez, Rejkjavik. Në bord, shumica e pasagjerëve ishin turistë, që sapo ishin kthyer nga pushimet në fshatin Ischgl në Tirol të Austrisë.
Të rinjtë kishin bërë ski në fshatin me 1500 banorë, të njohur si parajsa e skive.
Për shkak të situatës së koronavirusit, ata iu nënshtruan testimeve. Gjysma e tyre ishin pozitivë.
Menjëherë u kuptua se zona e Tirolit ishte e rrezikshme, shkruan gazeta Corriere della Sera.
Për pak ditë u kuptua se rasti i Islandës nuk ishte i izoluar. Shumë vende në Europën qendrore dhe veriore kishin raste të importuara nga Tiroli i Austrisë.
Më 7 mars, autoritetet norvegjeze testuan një grup turistësh që kishin qenë në Ischgl për ski. Të nesërmen u mësua se thuajse gjysma e personave të infektuar në Norvegji, 491 nga 1198, kishin qenë në Ischgl për ski.
Më 13 mars, edhe Gjermania e shpalli këtë zonë të rrezikshme, pasi 200 njerëz që kishin qenë me autobus në Ischgl, rezultuan pozitivë.
Pavarësisht alarmit, edhe fundjavën vazhdoi turizmi në Ischgl. Më 15 mars u lajmërua për situatën. Qindra turistë nisën të largohen, shumë prej tyre pa u testuar.
Tashmë fshati është izoluar, por është shumë vonë. Në Ischgl për momentin ka 400 infeksione, thuajse dyfishi i atyre në Vjenën me 2 milionë banorë.
Qindra e mijëra raste nëpër Europë e kanë origjinën nga ky vend. “Babëzia për paratë e mposhti përgjegjshmërinë për shëndetin e njerëzve”, tregohet e ashpër gazeta austriake Der Standard në një koment.
Sipas saj, qeveria lokale e Tirolit kërkonte të grumbullonte sa më shumë të ardhura deri në fund të sezonit turistik.
5 komente në “Fshati i skive, që infektoi gjysmën e Europës me koronavirus”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mirë, po në Ischgl të Tirolit, kush e çoi coronavirusin?!
Ka vdek ai kinezi!!
Nje kinez i pasur
Babezia per para e atyre qe duan ti shumojne akoma, nuk pyet per jeten e njerzeve. Kjo eshte ekonomi e tregut qe trumbetohet aq shume; Bollek per te gjithe dhe vdekje per fukarenjte. Duhet ndryshuar sistemi qe kjo Toke ti sherbeje njesoj njerzeve dhe jo vetem tu marre jeten me te dobetit. E keni gabim dhe kjo tregon se keta pasanike jane kthyer ne kanibale, pa lere qe marrin e drejtojne dhe pushtet! Pse ç’i duhesh pushteti Trampit kur jeton ne parajase tokesore, ne flori?! Se kjo eshte shpirti kanibalizmit te pangopur. Pushtetin duhet takene njerez human , me pergjegjshmeri, moral , respekt dhe te ndergjshem per ate qe marrin persiper, jo miljardere kanibale qe nuk u dhimbset as nje gjallese para parase. kete stimuloi demokracia fallco me lirite dh e te drejtat e njerit, çtjurje, per ti sunduar dhe tani diktature totale perseri per ti sunduar dhe te shkretet njerez kane syte nga ata. Sa keq!
Pse ke don qe te drejtoje ti zotrote ti dashamires. Apo don qe te drejtoje Iliri nga Skrapari qe erdhi me corape te grisura dhe sot eshte multi milioner, qe u pasurua nga vjedhja. Apo cizmja qe e ka pasurine te trashiguar nga mamaja e saj milionere nga diktatura.
Bilionerat ne Amerike i kane bere parate me bisnez dhe jo kur kane hyre ne politike. Ato kane hyre ne politike qe te mbesin ne histori per humanizem dhe si duhet drejtuar shteti. A e keni verejtur se aferat e presidenteve ne Amerike jane jo per korupsion ne asnje rast ,por vetem te karakterit te marredhanjeve me femrat. Dhe ne gjitha rastet jane femrat qe afrohen si trysni per karieren e tyre.