Te fundit
Këshilltari Henz akuzon Ramën se ka infektuar Shkodrën me virus
3 Prill 2020, 20:00Antena
TEMA
Pas rastit të sotëm, ku 12 qytetarë nga Shkodra rezultojnë pozitiv, dhe mund ta kenë marrë dhjetë ditë më parë, në kulmin e karantinës, këshilltari Henz vendosi të ngrejë një akuzë ndaj Ramës, për goditje të qëllimshme të Shkodrës:
“I dashur Jari!
Ju e patë lajmin e sotëm në Shkodër.
Si është e mundur kjo?
Shkodra, ky qytet krenar dhe me kulturë, të infektohet nga virusi?
I vetmi qytet demokrat, që nuk ka pranu me u dorëzu tek socialistët, e të dorëzohet tek virusi?
Kjo është e pamundur.
Ju e patë trimërinë e shkodranëve, që nuk ju tremb syri nga masat e Edi Ramës dhe mbushën sheshet plot, duke shëtitur me biçikleta dhe duke bërë pazar.
Ishte një kundërvënie spektakolare e masave të qeverisë.
Kjo e ka tërbuar Edi Ramën dhe ka infektuar Shkodrën.
Gjatë një varrimi në Shkodër, ai ka dërguar qëllimisht një njeri të infektuar të përhapë virusin.
I ka pre shkodranët në besë.
Nuk ka asnjë shans tjetër. Rrugëve rri gjithë ditën Voltana, po nuk e ka zënë virusi.
Duket që është hedhur me tinzari.
Ky është problem i madh politik, që duhet të mos e lëshojë opozita.
Përveç kësaj, ai po nxit dhe sherre në familje.
Jul Deda, që është krenaria e demokratëve të Shkodrës, ka bë thirrje prej Tirana me e bë Tiranën si Shkodra, pra mos me ju bind kryeministrit.
Tash ka dal baba i tij nga Shkoda, Zef Deda, e po thotë duhet me ndenjë brenda dhe Shkodra.
Ja pra ky është komunizmi. Fut luftën e klasave në familje, djalin me të renë, baba me të vjetrën.
E gjithë kjo është një fushatë e menduar mirë e Edi Ramës, për ta ndëshkuar Shkodrën kryelartë.
Ata që nuk ju bindën më 2013, 2015, 2017 dhe 2019, tashmë u ndëshkuan duke ju injektuar virusin vetëm se nuk pranuan shtetrrethimin e qeverisë.
Ne nuk duhet të dorëzohemi. Duhet t’i japim zemër Shkodrës të rezistojë në sheshe, në rrugë, kudo që të ketë mundësi.
Një ditë virusi do iki, po heroizmi i Shkodrës për të mos u trembur nga ky virus komunist kinez, do të mbetet.”
Lini një Përgjigje
Më të lexuarat
24 oret e fundit
Javen e fundit
Blog Tema
