Meta uron Pashkët me fjalët e Krishtit dhe jep një mesazh të koduar: Unë jam i Gjallë në mesin Tuaj, mos kini frikë

Me anë të një mesazhi të përzemërt në situatën që po kalojmë, Kreu i Shtetit, Ilir Meta ka zgjedhur të urojë Pashkët për shqiptarët. Në këtë kohë, kur të gjithë po përballen me pandeminë e koronavirusit, dhe do të festojnë Pashkët mbyllur, Presidenti thotë se kemi më shumë se kurrë nevojë për Krishtin e Ringjallur dhe mesazhin e tij, për të mos patur frikë.

“Të dashur qytetarë shqiptarë! Të dashur besimtarë katolikë dhe ungjillorë! Gëzuar dhe për shumë vjet Festën e Shenjtë të Pashkëve! Festën e Ringjalljes, të jetës, të shpresës dhe të dritës! Sot Pashkët po i kremtojmë me “dyer të mbyllura” për shkak të pandemisë, që po shkakton shumë dhimbje, varfëri dhe frikë. Ndaj më shumë se kurrë të gjithë kemi nevojë të ndjejmë thellë në shpirt e në zemrat tona mesazhin e Krishtit të Ringjallur, i cili na porosit: “Unë jam i Gjallë në mesin Tuaj, prandaj MOS KINI FRIKË”.

Ringjallja e Krishtit na siguron se Zoti, për këdo që e beson, është i pranishëm kudo, në çdo vend dhe në çdo kohë. Ndaj le t’i shndërrojmë këto momente të vështira që po përjetojmë, në forcë e kurajo, sepse edhe fizikisht larg njëri-tjetrit, por me solidaritet e gjithëpërfshirje, ne mund dhe do t’ia dalim. Sepse siç na porosit edhe Papa Françesku: “Ringjallja e Krishtit është forcë dhe kurajo në momentet më të vështira për mbarë njerëzimin. Dashuria na bën të shpresojmë në një botë më të mirë”.

T’i gëzohemi thjeshtësisë së Festës së Pashkëve në familjet tona, dhe le ta ndajmë gëzimin tonë në lutje për shëndetin e të afërmve tanë, për shërimin e të prekurve nga kjo pandemi dhe për të gjithë mjekët e infermierët, heronjtë tanë, që po shërbejnë me përkushtim e sakrifica të pashembullta në vijën e parë të mbrojtjes së shëndetit të çdo qytetari. Të lutemi edhe për priftërinjtë dhe klerikët që po ndihmojnë sa mundin dhe janë pranë kategorive më të përvuajtura.

Të ndajmë të mirat dhe lumturinë tonë veçanërisht me të moshuarit, të vetmuarit dhe njerëzit më në nevojë, të cilët më shumë se kurrë kanë sot nevojë, jo vetëm për dhembshuri, por për dashuri dhe ndihmë. Ju uroj të gjithëve Pashkë të bardha e të bekuara, me shpresën që mesazhi i kësaj Dite të Shenjtë të sjellë ringjallje të vërtetë në shpirtrat e zemrat tona, në familjet tona, në shoqërinë dhe në mbarë kombin tonë! Një urim të veçantë kam për komunitetin e dashur të shqiptarëve në Italinë mike të prekur rëndë nga pandemia, për arbëreshët e mrekullueshëm, për arbanasit fisnikë të Kroacisë, dhe për të gjithë besimtarët shqiptarë kudo ndodhen“, u shpreh Meta.

Mercedez Benz kërkon prodhimin e 30 milionë maskave, nga Shqipëria

19:39 Sociale

Këto zakone dobësojnë sistemin tuaj imunitar

19:14 Sociale

VIDEO/ "Koronavirusi i parë nga sytë e fëmijëve", vogëlushja mesazh të ndjerë nga karantina

18:33 Sociale

Shqipëria mbyll një javë sipas pritshmërive dhe parashikimeve: Forcon vazhdimin e sheshimit të kurbës dhe fillimin e uljes së të sëmurëve faktikë

18:26 Sociale

"Kjo është lufta e tretë botërore”, Fino: Opozita të jetë në linjë të drejtpërdrejtë me qeverinë, Rama po bën një punë të shkëlqyer

17:51 Sociale

Flet për “TemA” kreu i bashkisë Elbasanit, Gledian Llatja: Elbasani qyteti model i zbatimit të rregullave të karantinës

14:40 Sociale

Xhaçka dhe Veliaj inspektojnë tregjet në kryeqytet: Ishte nevojshme që qytetarët të na përgjigjeshin me këtë sens bashkëpunimi

13:48 Sociale

Najada Çomo apel të fortë qytetarëve: Lufta nuk ka mbaruar, respektoni masat. Sëmundja ka pabesi, është tinëzare

13:41 Sociale

Rezervat e Shtetit, Ministrja Xhaçka: Gati asistenca ushqimore për më shumë se 30 mijë familje në nevojë

12:00 Sociale

Tregoi gjendjen kaotike nga koronavirusi në Wuhan, Kina akuzon shkrimtaren si 'Jopatriote

11:35 Sociale