Meta del kundra Ramës: Të shmangen dënimet e ashpra për moszbatimin e masave kufizuese. Ligj i ri të jetë në përputhje me Kushtetutën

Ilir Meta ka dalë kundra masava të propozuara nga qeveria kundër Covid-19 dhe thotë se është me rëndësi që çdo masë kufizuese dhe ligj i ri, të jetë në përputhje vetëm me Kushtetutën dhe me interesin e përgjithshëm publik dhe kombëtar.

Përmes një postimi në rrjete sociale, Presidenti thekson se mbështet qëndrimin për shmangien sado që të jetë e mundur të vendosjes së dënimeve të ashpra penale për moszbatimin e masave kufizuese, pasi siç thekson Këshilli i Europës, ato krijojnë shqetësime serioze për respektimin e të drejtave të njeriut.

Postimi i Metës:

Përshëndes qëndrimin e Këshillit të Europës, mbi domosdoshmërinë e mbrojtjes së demokracisë, pluralizmit, shtetit të së drejtës dhe të drejtave të njeriut në kuadrin e krizës sanitare të COVID-19.

Siç me të drejtë thekson Këshilli i Europës: “ky virus po shkatërron shumë jetë dhe shumë gjera të tjera të shtrenjta për ne, por ne nuk duhet ta lejojmë të shkatërrojë vlerat tona themelore dhe shoqëritë tona të lira”.

Veprimet dhe masat e qeverive, për kufizimin e së drejtës së jetës private, lirisë së ndërgjegjes, lirisë së shprehjes dhe lirisë së organizimit, tërheq vëmendjen Këshilli i Europës, duhet të vendosen vetëm me ligj, në proporcion me rreziqet dhe për aq kohë sa është e nevojshme për mbrojtjen e shëndetit.

Është me rëndësi që çdo masë kufizuese dhe ligj i ri, të jetë në përputhje vetëm me Kushtetutën dhe me interesin e përgjithshëm publik dhe kombëtar.

Mbështes qëndrimin për shmangien sado që të jetë e mundur të vendosjes së dënimeve të ashpra penale për moszbatimin e masave kufizuese, pasi siç thekson Këshilli i Europës, ato krijojnë shqetësime serioze për respektimin e të drejtave të njeriut.

Duke i ftuar të gjithë qytetarët të respektojnë me përpikmëri të gjitha udhëzimet dhe kufizimet e bëra publike për shkak të pandemisë globale, theksoj domosdoshmërinë e respektimit të parimeve të demokracisë e shtetit ligjor, Kushtetutës dhe hierarkisë të ligjeve në fuqi dhe konventave ndërkombëtare.

Sepse siç nënvizon edhe Këshilli i Europës: “Sfida, me të cilën përballen sot shoqëritë tona, është një sfidë e paprecedentë. Edhe pas fazës urgjente të kësaj krize, shoqëritë tona do të duhet të gjejnë mënyrat për të vënë në vend dëmet sociale dhe ekonomike dhe për të rritur më tej besimin tek institucionet tona demokratike. Duhet të nisë një reflektim i gjerë për mbrojtjen e individëve dhe grupeve më të prekshme në shoqëritë tona dhe për mënyrat e ruajtjes së të drejtave të tyre në një model më të qëndrueshëm dhe solidar qeverisjeje. (TemA)

Paketa e zgjeruar, Rama: 176 mijë familje do të marrin nga 40 mijë lekë

10:27 Politika

Dëshmia e Godivës, e njohur si vajza më e emanicipuar e Vlorës: Babai hapi librarinë e parë në 1914-ën, shkolloi katër djemtë në Europë dhe s’u bë komunist

09:13 Politika

Ylli Rakipi: Na mbiu Rama në TV, po na del në ëndërr dhe po na frikëson më shumë se koronavirusi

08:46 Politika

Basha "lan" duart: Nga Shkodra lajme shqetësuese, por opozita i ka bërë propozimet me kohë

22:12 Politika

PD refuzon thirrjen e Ramës: Kërkon të fshehë dështimin, duke na bërë ftesë ne

21:04 Politika

Misteri: Si filloi koronavirusi? A ishte vërtet tregu i kafshëve në Wuhan?

20:40 Politika

"Turp, turp atyre që luajnë patriotash", Rama: Të shtunën nisim riatdhesimet nga Roma, prenotoni vetë që tani biletat e avionit dhe hotelet për karantinë

20:18 Politika

Nga garancia sovrane 150 mln $, te 400 mijë lekë kush është larguar nga puna: Rama prezanton paketën e zgjeruar, ja kategoritë që përfitojnë

20:04 Politika

“Të bashkojmë forcat dhe ekspertët”, Rama ftesë Bashës për takim online: Eja t’i flasim popullit me një gjuhë. Uroj që nga ky apel të mos bjerë në vesh të shurdhët

19:51 Politika

"Merrni shembull vajza, kështu gjendet burri", Rudina Dembacaj sfidon komentuesen: Vajza e dinë vetë, shih hallin tën zemër

19:41 Politika