Te fundit
Zbutja e masave, Papa Françesku apel liderve të vendeve: Njerëzit më të rëndësishëm se ekonomia, të gjithë e dimë që nga kjo krizë nuk do dalim njësoj si më parë
31 Maj 2020, 19:00Bota
TEMA
Papa Françesku deklaroi të dielën se njerëzit janë më të rëndësishëm se ekonomia, teksa shtete të ndryshme po vendosin se si të çlirojnë sa më parë vendet nga bllokada kundër koronavirusit.
Ati i shenjtë i bëri komentet gjatë fjalimit të tij në mesditë, nga dritarja që bie mbi sheshin Shën Pjetër.
“Apeloj që askush të mos heqë dorë nga kujdesi shëndetësor. Kurimi i njerëzve dhe jo shpëtimi i ekonomisë është më i rëndësishëm. Ne, njerëzit jemi tempujt e Shpirtit të Shenjtë, ekonomia nuk është”, deklaroi Papa.
Ai nuk përmendi emra shtetesh, por shumë qeveri po vendosin nëse të rihapin aktivitetet ekonomike për të shpëtuar vendet e punës dhe standardet e jetesës, apo të mbajnë bllokada derisa të sigurohen që virusi është tërësisht nën kontroll.
“Ju e dini që njerëzit nuk do të dalin nga kjo krizë njësoj si më parë. Ne do të dalim më mirë, ose më keq se më parë. Le të gjejmë kurajën që të dalim më të mirë, në mënyrë që ta ndërtojmë më mirë periudhën e post-krizës”, u shpreh Ati i Shenjtë.
Fjalët e Papës u pritën me duartrokitje nga disa qindra persona që ndodheshin në shesh, shumë prej të cilëve mbanin veshur maskat mbrojtëse dhe ruanin distancën nga njëri-tjetri.
Sheshi Shën Pjetër u hap për publikun të hënën e kaluar dhe mesha e Papës ndiqet zakonisht nga dhjetëra mijëra njerëz.
Lini një Përgjigje
Më të lexuarat
24 oret e fundit
Javen e fundit
Blog Tema
