Te fundit
Vajza e Dritëro Agollit publikon poezinë që i ati i kushtoi Moikom Zeqos: Vërtet u dogjëm unë e ti, si djaj e si të shënjtë
15 Qershor 2020, 18:41Kulturë
TEMA
Sot u nda nga jeta një nga personalitetet më të mëdha të letrave te vendit tonë, Moikom Zeqo, i cilësuar edhe si Euriditi i madh.
Moikom Zeqo nuk ia doli dot të fitonte betejën me sëmundjen e rëndë të leuçemisë akute, duke mbyllur sytë përgjithmonë mëngjesin e sotëm.
Vajza e Dritëro Agollit, Elona Agolli ka ndarë në rrjetet sociale një poezi që i ati i kushtoi Moikom Zeqos, në shenjë nderimi në ditën e ndarjes së tij nga jeta.
Poezia titullohet “Pasioni dhe shija”, që Dritëro Agolli ia kushton mikut të tij Moikom Zeqo!
Pasioni dhe shija
Mikut tim, poetit Moikom Zeqo
Pasioni i madh të dy na fryn,
Na djeg e na prish mëndtë:
Çdo gjë që digjet bëhet tym,
Po tymi s’është i njëjtë.
E madhe bota, pa dyshim,
E bukur dhe e rëndë,
Por është e bukur, miku im,
Kur s’ka asgjë të njëjtë.
Vërtet u dogjëm unë e ti
Si djaj e si të shënjtë;
Çdo gjë që digjet bëhet hi,
Po hiri s’është i njëjtë.
Besoj dy hiret i provon
Dinaku i madh Shën Pjetër:
“Të dy i lindi një pasion,
Po paskan shije tjetër”…
Dritëro Agolli
2 komente në “Vajza e Dritëro Agollit publikon poezinë që i ati i kushtoi Moikom Zeqos: Vërtet u dogjëm unë e ti, si djaj e si të shënjtë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Iku dhe një njeri i mirë. Iku një dijetar që nuk ditën ta shfrytëzonin
për të mirën e vendit. U prefshë në paqe Moikom! Ngushëllime familjes dhe gjithë atyre që e donin Moikomin!
Kam shkruar dikur; kur takon Moikom Zeqon, kupton se e keqja nuk e ka mundur akoma të mirën.
Të qoftë dheu i lehtë!
Margarita Syziu
Toronto, Kanada
Euriditi (?!) i madh…Juve te Temes nuk rrezikon t‘iu akuzoje njeri per erudicion…Thuhet erudit i madh, erudit…