Gati ligji i ri: Policia Bashkiake jo vetëm gjobat, do të përfshihet në aksionet antikrim

Maxhoranca është duke përgatitur një projektligj të ri për funksionimin dhe organizimin e policisë bashkiake. Drafti parashikon rregulla të reja jo vetëm në emërime, por edhe në misionin e saj.

Një gjë të tillë e deklaroi ministri Sandër Lleshaj në Sarandë, gjatë një takimi që pati me drejtues vendor dhe të tjerë të zgjedhur, me të cilët diskutoi 4 pika të rëndësishme; turizmi, operacionet antidrogë, mbrojtja e mjedisit dhe veprimtarinë e OFL.

“Ne si Polici e Shtetit, jemi të interesuar që Policia Bashkiake të fuqizohet. Po punojmë aktualisht për të draftuar një ligj të ri për Policinë Bashkiake, i cili synon të rrisë nivelin e performancës, profesionalitetit dhe të integritetit të këtyre strukturave për t’i shndërruar ato de facto në një zgjatim në nivelin lokal.

Zgjatim në kuptimin e profesionalizmit, standarteve që plotësojnë, të kritereve që përmbushin, mënyra se si operojnë e të tjera. Ekziston nevoja për të transferuar disa përgjegjësi që sot i kryen Policia e Shtetit tek Policia Bashkiake. 

Ky do të ishte një lehtësim i madh për të dy policitë por edhe për rendin në tërësi. Ky diskutim do të vazhdojë, që të arrihet një zgjidhje, për bashkëpunimim më tej për këtë çështje”- tha Lleshaj.

Drafti i ri parashikon që policia bashkiake, përpos të tjerave, kujdeset edhe për qetësinë publike, duke shmangur zëniet, mënjanuar zhurmat e shkaktuara nga grumbullimet e njerëzve, altoparlantët e radiove e magnetofonave, rënia pa vend e borive të automjeteve në rrugë, banesa, plazhe e mjedise të tjera publike, që sjellin shqetësime për të tjerët.

Po ashtu, policia bashkiake ka për detyrë që të ndalojë, shmangë e prishë ndërtimet e paligjshme, të ndalojë zëniet e paligjshme të trojeve dhe të ndërtesave e objekteve publike të bashkisë, si dhe të organizojë lirimin e tyre. Ndërkaq, grupi i punës po punon edhe për statusin e ri të punonjësit të policisë bashkiake. Ka një propozim që statusi i punonjësit të policisë bashkiake të jetë i njëjtë me statusin e punonjësit të Policisë së Shtetit.

Një tjetër pikë e draftit lidhen me përdorimin e forcës. Policia bashkiake mund të përdorë forcën për të zbatuar kompetencat e saj. “Për rastet kur nevojitet zbatimi forcërisht i kompetencave, kryeinspektori në Policinë Bashkiake njofton me shkrim 5 ditë përpara personin e interesuar”, thuhet në projektligj.

Kur gjatë kryerjes së shërbimit konstatohen elemente të veprave penale, punonjësit e policisë së bashkisë dhe të komunës, në përputhje me dispozitat e kodit të procedurës penale marrin masa për shoqërimin e autorëve në komisariatin e policisë, ruajnë vendin e ngjarjes, fiksojnë dëshmitarët dhe ruajnë provat deri në ardhjen e policisë gjyqësore.

E qëlluan me armë natën e shkuar, zbardhet e shkuara e 48-vjeçarit: Nga problemet me dy ish-gratë, djegia tre herë e lokalit e deri te dënimi i vëllezërve për drogë

14:51 Kronika

Atentati ndaj Ardian Çapjas, zbardhet ekspertiza e RENEA-s: U qëllua nga 346 metra largësi, ku qëndronte snajperisti

14:38 Kronika

Gruaja në spital në gjendje të rëndë, shokon mjekët: “Piva fostoksinë nga dhuna e burrit, doja të vdisja”. Arrestohet 52-vjeçari

12:59 Kronika

Flet nga arratia i dyshuari për të shtënat në Bulqizë: Konfliktin s’e kam me biznesmenin, por me Lefter Allën. Dje policia desh të më vriste

21:00 Kronika

‘Kam takim me të dashurën’: Si i zbuloi policia vrasësit e Hekuran Billës, loja e nipit me makinat

20:37 Kronika

Shqiptarin në Itali e tradhtojnë.... veshët

12:03 Kronika

53-vjeçari në Korçë tenton të vrasë me thikë dhëndrin

10:43 Kronika

Zv.prokurori i Përgjithshëm e bindi KPK për balancën negative të vajzës

19:53 Kronika

Arrestohet në Mal të Zi, Viktor Marku, i dyshuari kryesor për vrasjen e Hekuran Billës

18:08 Kronika

Plotësohet trupa për gjyqin ndaj Saimir Tahirit, ja gjyqtari që do të zëvendësojë Nure Drenin

17:15 Kronika