Te fundit
Eurobondi 650 mln euro, Ridvan Bode: Borxhi është i keq por i domosdoshëm për të mos bllokuar ekonominë
22 Qershor 2020, 20:43Ekonomia
TEMA
Shqipëria mori një borxh prej 650 milion eurosh në tregjet financiare ndërkombëtare për të përballuar krizën ekonomike të shkaktuar si pasojë e pandemisë Covid-19.
Në një intervistë për ”Ora News”, ish-ministri i Financave dhe anëtari i Këshillit Mbikqyrës në Bankën e Shqipërisë Ridvan Bode, tha se marrja e eurobondit ishte e pashmangshme në situatën në të cilën ndodhet vendi.
Sipas tij, borxhi publik është instrumenti më i përshtatshëm për të përballuar krizën.
Ridvan Bode: ”Instrumenti i zgjedhur për mua është i përshtatshëm. Jo sepse ka kosto më të ulët por sepse është më i sigurt, është më afatgjatë, dhe jep një kontribut në ekonominë shqiptare sepse fut para të freskët në një periudhë që ka nevojë.
Deficiti buxhetor do jetë më i madhi historik që ka pasur ndonjëherë vendi dhe ka nevojë të financohet. Sigurisht që borxhet janë kosto shtesë. Nuk shlyhet vetëm borxhi por edhe interesat.
Kjo e bën borxhin më të kushtueshëm në krahasim me instrumentet e tjerë, por kur ekonomia kërkon të stimulohet, apo në rastin tonë edhe të fatkeqësisë natyrore, rritja e deficitit dhe borxhit publik bëhet e pashmangshme.
Sot e gjithë bota i është drejtuar rritjes së deficitit dhe borxhit publik si instrumente për të zhbllokuar ekonominë si pasojë e pandemisë dhe karantinës.”
Bode tha se borxhi në perspektivë është i keq por është i domosdoshëm për të mos bllokuar ekonominë apo mirëqënien.
Ridvan Bode: ”Ky borxh sigurisht do dëmtojë kapacitetin tonë afatmesëm, afatgjatë për të marrë borxh dhe për të qenë kompetitivë në tregjet financiare globale, por mendoj që kështu u gjykua për të kapërcyer situatën.
Rritja e borxhit publik, përveç nevojës për të shlyer huanë e marrë ndër vite, do të implikojë edhe kostot që vijnë nga interesat e borxhit. Ne kemi kontraktuar një borxh publik i cili nuk bazohet në norma fikse interesi.
Borxhi është i keq në perspektivë, por është i domosdoshëm në një moment të caktuar për të mos bllokuar tërësisht ekonominë apo për të provuar më të keqen që do ishte degradim i ekonomisë së vendit apo i mirëqënies sociale. Është një marrëveshje ose pazar që bën politika e momentit me të ardhmen.”
3 komente në “Eurobondi 650 mln euro, Ridvan Bode: Borxhi është i keq por i domosdoshëm për të mos bllokuar ekonominë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Me se do te jesh burre i mire mos na trego borxhet por sa nga ato parate e tua me djersen e Saliut mund te ndihmosh kete vend te varfer.Ke hedhur ca para ne USA per biznes dhe qofte e shkurter dita kur te dalin ne shesh. Si ku fshatari me keto 30 vite hajduteri keta palaco vijne ere. Kete shifer qe permend ky kulufi mund ta kete vetem njeri si p sh Meta. ose Zeni por po ti mjelesh sic bente vampirii Enver kur sekuestronte pasurite Shqiperia del pa borxhe.
Vazhdo se e ke mire. Nese Rama merr mandat te trete ty do te beje minister te financave,kurse Ahmetajn zevendesin tend.
MOSE KERKONI LEKA NGA KY KORCARI ,SEPSE I SHPENZOI DUKE BERE OPERACIONE PLASTIKE PER TE RREGULLUAR FYTYREN .SAPO JA THA RAMES PROBLEMIN ,KY E FUTI NE BORDIN DREJTUES TE BANKES SHQIPTARE . DUKE E DITUR SE ISHTE PO KY MINISTER I FINANCAVE KURE U VODHEN PARATE E BANKES SE RAMES SOTE. C’FARE U BE ME FULLANIN SI GUVERNATORE I BANKES NE ATE KOHE? E DERGUAN NE MALE TE ZI.
JA SA TE MIRE E KEMI KETE TE GJATIN KRYEMINISTER. PO TE FLASIM PER DREJTESI ,KY I GJATI PERGJIGJET QE PARTIA NUKE BENE GJYGJE,E KA PERGJIGJEN NE MAJE TE GJUHES. PRANDAJ CDO GJE QE NDODHE ATJE ,ESHTE E PARAPREGATITUR NGA KETA MASKARENJE PUSHTA QEVERITARE.