Te fundit
BE e shqetësuar për hapjen e ambasadave në Jerusalem: Duhet pyetur Kosova dhe Serbia se cilat janë motivet dhe pasojat e një vendimi të tillë
7 Shtator 2020, 14:35Rajoni
TEMA
Përkushtimi që kanë shprehur Kosova dhe Serbia pas takimeve të javës së kaluar në Shtëpinë e Bardhë, se do të hapin ambasadat e tyre në Jerusalem, të cilin Izraeli e konsideron si kryeqytet të shtetit, ka shkaktuar “shqetësim të thellë” në Bashkimin Evropian.
Këtë e ka thënë Peter Stano, zëdhënës i BE-së për politikë të jashtme dhe siguri, në një konferencë për shtyp në selinë e Komisionit Evropian.
Ai ka thënë se BE-ja shpreh “shqetësim dhe keqardhje serioze” për këtë.
Stano, megjithatë, ka thënë se vendimi i Serbisë për të bartur selinë e ambasadës nga Tel Avivi në Jerusalem dhe ai i Kosovës që, me vendosjen e raporteve diplomatike me Izraelin, ta hapë edhe ambasadën në po këtë qytet, janë obligime bilaterale, që këto dy palë i kanë marrë ndaj Izraelit.
Stano ka thënë se duhet pyetur Kosovën dhe Serbinë se cilat janë motivet dhe pasojat e një vendimi të tillë.
“Asnjë ambasadë e ndonjë vendi të BE-së nuk është në Jerusalem. As zyra e delegacionit të BE-së në Izrael nuk është në Jerusalem”, ka thënë zëdhënësi i BE-së.
“Pasi edhe Kosova, edhe Serbia janë shprehur të përkushtuara për integrimet evropiane, si qëllim strategjik, ato edhe duhet të sillen në këtë mënyrë”, ka shtuar ai.
BE-ja ende e konsideron statusin e Jerusalemit si çështje rreth së cilës ka mospajtime mes shtetit të Izraelit dhe autoriteteve palestineze.
Qëkur Shtetet e Bashkuara të Amerikës kanë vendosur ta njohin Jerusalemin si kryeqytet të Izraelit në vitin 2017 dhe në bazë të këtij vendimi ta bartin edhe ambasadën në Jerusalem, nga BE-ja asnjë shtet nuk e ka ndjekur një hap të tillë.
BE-ja pret që edhe nga shtetet kandidate, të cilat janë në procesin e anëtarësimit në BE, t’i përshtatin qëndrimet e veta me politikën e jashtme të BE-së.
Më 4 shtator, në Uashington, Kosova dhe Serbia kanë arritur një marrëveshje për normalizim ekonomik.
Marrëveshja, e cila është nënshkruar në praninë e presidentit amerikan, Donald Trump, mes tjerash, thotë se Kosova dhe Izraeli pajtohen të njohin njëri-tjetrin dhe se Serbia do ta zhvendosë ambasadën e saj nga Tel Avivi në Jerusalem.(rel)
5 komente në “BE e shqetësuar për hapjen e ambasadave në Jerusalem: Duhet pyetur Kosova dhe Serbia se cilat janë motivet dhe pasojat e një vendimi të tillë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po të ishte antarsuar Kosova në BE, do kuptonim drejtesin e BE-së.
BE diktatoriale nuk mund te rri dot pa futur hundet ne kombet sovrave.
Shqiperia eshte nje nga ato shtete qe vdes per diktature dhe mezi po pret 2025 per tju bashkuar.
Kosova nuk duhet te bej kthim mbrapa,fundja po i kthen mosnjohjen Palestines dhe ambasadoreve te saj qe deklaronin ne Beograd se nuk e njohim kurr Kosoven.Kjo eshte nje gur prove para Amerikes.
Ktyne karabundrave i ka dal vetja nga duret totalisht
NUK E DUAM SHQIPERINE SI GJITHE EVROPA!
Njohja e kosoves nga izraeli eshte nje fakt qe del e tepron per vendosjen ambasades ne jeruzalem
Serbia ta gjej vete psene e spostimit
Be te pergjigjet kush eshte “pseja” qe 5 antaret e saj nuk e njohin kosoven
Pra te shohe “psete” e saj