Te fundit
Franca, rekord rastesh të reja me koronavirus në 24 orë
12 Shtator 2020, 21:14Bota
TEMA
Autoritetet franceze raportuan të shtunën 10 561 raste të reja me koronavirus në 24 orët e fundit.
Ky është një rekord i ri negativ, me Francën që arrin shifrën e 10 000 rasteve të reja në ditë për herë të parë që nga shpërthimi i pandemisë.
Ditën e djeshme, Franca kishte regjistruar 9 843 raste të reja, shifër që përbënte rekord më vete.
Pas bilancit të ditëve të fundit, Franca po planifikon të ashpërsojë reagimin ndaj pandemisë së Covid-19.
Kreu i Këshillit Shkencor që këshillon qeverinë mbi pandeminë, Jean-Francois Delfraissy, paralajmëroi se vendime të vështira mund të merren gjatë javëve në vazhdim.
Situata është ndërlikuar edhe më shumë nga rihapja e shkollave. Autoritetet shëndetësore kanë mbyllur 32 institucione deri më tani, ndërsa 524 klasa janë dërguar në shtëpi për të zhvilluar mësim në distancë.
Gjatë ditëve të fundit është regjistruar një valë e gripit të zakonshëm, siç ndodh çdo vit me nisjen e shkollës. Por tani, mjafton një teshtimë për të çuar nxënësit në shtëpi. Mjekët e familjes mbyten me telefonata, ndërsa laboratorët apo tendat e ngritura për kryerjen e tamponëve nëpër rrugë dynden me njerëz.
1 komente në “Franca, rekord rastesh të reja me koronavirus në 24 orë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nik ma that da te shtruar dhe sa te vdekur jane..spo ju pelqen te flisni me numra te medhenj se per kete ju paguajne?