Paketa fiskale e programit qeverisës të PD, Basha: Taksë e sheshtë 9%, me mua kryeministër do të fuqizojmë ata që punojnë

Taksa e sheshtë 9%, është një nga premtimet e programit qeverisës të PD dhe kreu i demokratëve Lulzim Basha thotë se përmes kësaj takse, shtrohet rruga “përmes së cilës do të konsolidojmë shtresën e mesme të shoqërisë”

Gjithashtu, një ndër arsyet pse duhet që taksa e sheshtë të jetë 9%, Basha thotë se ajo është shtylla kurrizore e një ekonomie të shëndetshme.

Postimi i plotë i Bashës:

Gjatë këtyre ditëve kam marrë mesazhe të shumta për paketën fiskale të programit tonë ekonomik prezantuar së fundi publikut. Prej tyre kuptova edhe më mirë nevojën e madhe që kanë punonjësit, inxhinierët, ekonomistët, mjekët, avokatët, profesionistët dhe sipërmarrësit për masa dhe lehtësi fiskale, që ju bëhen krah në këto kohë të vështira.

Taksa e sheshtë 9% është një rrugë përmes së cilës ne do të konsolidojmë shtresën e mesme të shoqërisë. Ajo është shtylla kurrizore e një ekonomie të shëndetshme dhe të qëndrueshme në qytet dhe fshat. Kjo është vetëm një nga mënyrat se si do të fuqizojmë të gjithë ata që punojnë. Puna dhe mundi juaj nuk duhet të mbitaksohen. Përkundrazi, sa më shumë para në xhepat tuaja, aq më mirë për ekonominë tonë. Këto 7 vite, qeveria Rama ka rritur taksat më shumë se çdo qeveri tjetër më parë, duke i keqmenaxhuar dhe shpërdoruar ato si asnjëherë më parë.

Shqipëria ka nevojë për frymëmarrje, shqiptarët duan mbështetje dhe lehtësi fiskale nga shteti, dhe jo një qeveri arrogante, që ju nxjerr vetëm pengesa. Ne do e rishikojmë të gjithë paketën e taksave aktuale për t’ia lehtësuar procedurat bizneseve dhe investitorëve vendas dhe të huaj. Unë e di që do na duhet të marrim vendime të rëndësishme dhe ne do t’i marrim ato së bashku.

Qellimi ynë është që të kemi një shoqëri të qëndrueshme, me një shtresë të mesme solide në zemër të saj dhe me institucione që ju shërbejnë qytetarëve dhe jo partive. Bashkë do ta largojmë të keqen dhe do sjellim ndryshimin që duan të gjithë! #ditëmëtëmira

Takimet me drejtorët në Vlorë, Rama: S’duhet të ketë qytetarë të pakënaqur, impenjohuni maksimalisht

17:50 Politika

Opozita në zgjedhje, përtej karriges së Lulit dhe Monikës

17:24 Politika

Analogjia me dy rrotacionet e 2005 e 2013, pse sot opozita është në ngërç për tu rifutur në sistem

16:55 Politika

Opozita e Bashës si lule artificiale

14:33 Politika

INTERVISTA/  Ilir Beqaj: Në zgjedhjet e 2021 do të fitojmë mbi 70 mandate për të krijuar qeverinë të vetëm

14:02 Politika

Ministri i LSI Edmond Panariti devijoi grantet në favor të Arbër Çekajt(Kuliçit) të 613 kg kokainë, Ilir Meta i shqetësuar për bujqësinë akuzon qeverinë

14:02 Politika

Meta sulmon qeverinë: Keni braktisur blegtorinë, harxhoni miliarda euro për tenderë 'sekrete'. Po shpopulloni zonat rurale

13:44 Politika

Ikja e të rinjve nga Shqipëria, Ilir Meta përmes një mesazhi të marrë hua kërkon reflektim: Demokracia s'mund të sajohet, kërkon energjinë e rinisë ndryshe zvetënohet

12:48 Politika

Kandidimi i Ramës në Durrës, Xhaferaj 'përmirëson' cilësinë e ironisë: Po i shpëtoi Burrelit, do t’i mbetet Surrelit

12:39 Politika

Lefter Maliqi vetëofrohet si kandidat për deputet në Berat, pranon se është mes PD e LSI. Basha nuk e ka llogaritur në listë. Kërcënon Ramën: Mos guxo të na pengosh fitoren

12:01 Politika